އެސްޓީއޯ ކޮންސްޓްރަކްޝަން ސޮލިއުޝަންސް ހުޅުމާލެ ފިހާރައާއިއެކު ރާއްޖޭގެ ވިޔަފާރި ބާޒާރަށް ބޮޑު ކުރިއެރުމެއް ގެނެސްފިއެވެ.
ހުޅުމާލޭގައި މިރޭ ހުޅުވި އެސްޓީއޯގެ އައުޓްލެޓްއިން މަކިޓާގެ ބުރޭންޑްގެ ގިނަ ސާމާނުތައް ލިބެން ހުންނާނެއެވެ. މި ފިހާރަ ހުޅުވާފައިވަނީ ހުޅުމާލެ ސްމާރޓް ސްޓޯއާއި ޖެހިގެންނެވެ.
މި ފިހާރަ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން އެސްޓީއޯގެ މެނޭޖިން ޑިރެކްޓާރ ޝިމާދު އިބްރާހީމް ވިދާޅުވީ މިކްސް ޑިޒައިނިންތަކުގެ ކޮންކްރިޓްއާއި، ދުނިޔޭގެ އެންމެ މަޝްހޫރު އެއް ބްރޭންޑް ކަމަށްވާ ކޯނޭ ލިފްޓްވެސް ލިބޭނެ ކަމަށެވެ. އަދި މަކިޓާ ޓޫލްސް ފަދަތަކެތި އެތެރެކޮށް ރާއްޖޭގެ މާކެޓަށް ފޯރުކޮއްދެވޭނެ ކަމަށްް ވެސް ވިދާޅުވިއެވެ.
އެސްޓީއޯ ކޮންސްޓްރަކްޝަން ސޮލިއުޝަންސް ހުޅުމާލެ ފިހާރަ ހުޅުވުން:ފޮޓޯ އެސްޓީއޯ
މިއީ އެސްޓީއޯއިން ހުޅުމާލޭގައި ހުޅުވާ މިފަދަ ފުރަތަމަ ފިހާރައެވެ. މި ފިހާރައިން ވިއްކަނީ މަކިޓާ އެވައިލަބްލް ތަކެއްޗެވެ.
އެގޮތުން މަކިޓާ އިން ރާއްޖެ އެތެރެކޮށް ވިއްކާ އުފެއްދުންތަކުގެ ތެރޭގައި، ލަކުޑި، ވަޑާންކުރުމަށް ހާއްސަ ކަރަންޓު އާލަތްތަށް، ސިމެންތިއާއި، އައުޓްޑޯ އެކި މަސައްކަތްތަކަށް ބޭނުންކުރެވޭނެ ސާމާނު، ގާރޑެނިންއަށް ހާއްސަ އުފެއްދުން، އިންޑޯ އަދި އާއްމު ދިރިއުޅުމުގައި ބޭނުން ކުރެވޭނެ ވެކިއުމް ކްލީނަރ ފަދަ އެތަށް ސާމާނެއް އެކުލެވިގެންވެއެވެ.
އެސްޓީއޯ ޓީމް/ފޮޓޯ އެސްޓީއޯ
މަކިޓާއަކީ 25 އަހަރުގެ ދިވެހިންގެ އިތުބާރާއި މަގުބޫލުކަން ހޯދާފައިވާ ބްރޭންޑެކެވެ. ޖަޕާނުން އެތެރެކޮށް އެސްޓީއޯ އިން މަކިޓާ ގެ އުފެއްދުންތަށް ދިވެހިންނަށް ފޯރުކޮށްދިނުން ވެގެން ދިޔައީ މަސައްކަތް ތެރިންގެ ވަގުތު ސަލާމަތްކޮށްދީ އިތުރު ފަސޭހަ ތަކެއް ލިއްބައިދެމުންނެވެ.
މާލޭގެ އިތުރުން ރާއްޖޭގެ އެކި ހިސާބުތަކުގައި ވެސް އެސްޓީއޯގެ މަކިޓާ ބްރޭންޑް ގެ އުފެއްދުންތަށް ލިބެންހުރެއެވެ.
އެސްޓީއޯ ރީޖަނަލް ފިހާރަ ތަކުން އަދި އެސްޓީއޯ ޕީޕަލް ޗޮއިސް ގެ އޭޖެންޓުން ވެސް އާއްމުންނާއި ހަމައަށް މަކިޓާ ޕްރޮޑަކްޓްސް ފޯރުކޮށްދެމުންދެ އެވެ.
އެސްޓީއޯއަކީ ތާރީހުގައި ރާއްޖޭގެ ކޮންސްޓްރަކްޝަން ސިނާޔަތުގައި ފާހަގަކޮއްލެވޭ ތާރީހީ ކުރިއެރުންތަށް ހޯދާފައިވާ ކުންފުންޏަކެވެ.