މޯލްޑިވްސް ޕޯޓްސް ލިމިޓެޑްގެ ފަރާތުން ލ އަތޮޅުގައި ގާއިމް ކުުރުމަށް ހަމަޖެހިފައިވާ މެރިޓައިމްހަބުގެ އަމަލީ މަސައްކަތް ކުރުމަށް ޓެކްނިކަލް ޓީމާއި އެކު އެމްޕީއެލުން ފަށައިފި އެވެ.
ލ އަތޮޅުގައި ގާއިމްކުރާ މެރިޓައިމް ހަބްގެ އެއްބަސްވުމުގައި ސޮއިކޮށްފައިވަނީ އޭޕްރިލް މަހުގެ 11 ވަނަ ދުވަހު އެއަތޮޅު ފޮނަދޫގައި ބޭއްވި ހާއްސަ ރަސްމިއްޔާތެއްގައެވެ.
އެމް.ޕީ.އެލްގެ ފަރާތުން ސޮއިކުރެއްވީ ސީ.އީ.އޯ މުޙައްމަދު ވަޖީހް އިބްރާހިމެވެ. ޗައިނާގެ ކެމްސީ ކުންފުނީގެ ފަރާތުން ސޮއިކުރެވީ ޖެނެރަލް މެނޭޖަރ ލީ ވެއިވެއިއެވެ.
ލާމު "މެރިޓައިމް ހަބް" އަކީ މެރިޓައިމް ދާއިރާގެ ތަފާތު ގިނަ ޚިދުމަތްތައް ފޯރުކޮށްދޭ، މެރިޓައިމްގެ ޒަމާނީ މަރުކަޒަކަށް ވެގެންދާނެ ތަނެއް ކަމަށް ސީއީއޯ މުހައްމަދު ވަޖީހު ވަނީ ވިދާޅުވެފަ އެވެ.
އެގޮތުން، ބަންކަރިންގ އާއި ކްރޫޒް ޓާރމިނަލް އައި ޔޮޓް މެރީނާ އަދި ޓްރާންސްޝިޕްމަންޓް ބަނދަރަކީ މި ޕްރޮޖެކްޓްގެ ތެރޭގައި ހިމެނޭ މުހިންމު ބައިތަކެވެ.
މިމަޝްރޫޢުގައި ސޮއި ކުރުމަށްފަހު ޗައިނާގެ ކުންފުނީގެ ހާއްސަ ޓެކްނިކަލް ޓީމެއް ވަނީ ވަޑައިގެންފައެވެ. މިއީ ޓެކްނިކަލީ ވަރަށް ބޮޑު މަސައްކަތެއް ކަމުން ހުރިހާ މައުލޫމާތުތައް ވަނީ ނަގައި ނިންމާފައެވެ.
އަދި މަސައްކަތުގެ ކޮންސެޕްޓް ޑިޒައިން ކުރުމުގެ މަސައްކަތަށް އެ ކުންފުނީގެ ވެރިން ހިމެނޭހެން ޓީމެއް ވަނީ 24 އޭޕްރިލް 2024 ވަނަ ދުވަހު އެރަށަށް ވަޑައިގެން އެމަސައްކަތް ވެސް ފަށާފައެވެ.
މިޓީމާއި އެކު އެމްޕީއެލްގެ ޓެކްނިކަލް ޓީމް ވެސް ދަނީ ހަރަކާތްތެރިވަމުންނެވެ.
މި މަސައްކަތްތަކަށް ފަހު، މުޅި ކޮންސެޕްޓް އެކީ ނިންމައި އަމަލީ މަސައްކަތް ފަށައިގަންނާނެ އެވެ.
އެމްޕީއެލް ގެ ސީއީއޯ މުހައްމަދު ވަޖީހު ވިދާޅުވީ ޑރ. މުހައްމަދު މުއިއްޒުގެ އިގްދިސާދީ އެޖެންޑާގެ ހިމެނޭ އެންމެ މުހިންމު ކަމަކީ ލާމް މެރިޓައިމް ހަބެއް ގާއިމް ކުރުންކަމަށެވެ.
އަދި މާލޭ ކޮމާޝަލް ހާބާރ ތިލަފުއްޓަށް ބަދަލުކުރުމާއި ގާދޫ ޕޯޓަލް ހަބާއިއެކު، އިހަވަންދިއްޕޮޅުގައި ވެސް ތަރައްގީކުރަން ނިންމާފައިވާ ތަރައްގީގެ މަޝްރޫއުއަކީ މިސަރުކާރުން ވަރަށް ބޮޑަށް އަހަމިއްޔަތުކަން ދީގެން ކުރާ މަސައްކަތްތަކެއް ކަމުގައެވެ.
އަޅުގަނޑު ގަބޫލުކުރަނީ ރައީސް ޑރ. މުއިއްޒަކީ އިގްތިސާދީ މާހިރެއް ކަމުގަ. އެމަނުކުފާނުގެ ވެރިކަމުގެ 100 ދުވަހުގެ ތެރޭގާއި އިއުލާނުކުރެއްވި ކަންކަމަކީވެސް ވަރަށް މުހިންމު ކަންކަން." ވަޖީހް
ވަޖީހު ވިދާޅުވީ ދިވެހި ރާއްޖޭގެ އިގްތިސާދީ ހާލަތާއި ދޭތެރޭ އެއްވެސް ވެރިއަކު ވިސްނަވާފައިނުވާ ވަރަށް ރައީސް މުއިއްޒު ވިސްނަވާފައި ކަމަށެވެ.