އެސްއެންޑްޓީ އިންޓީރިއަރސް އިން ހިލްޓަން ކޮލަމްބޯ ރިފަރބިޝްމަންޓް ޕްރޮޖެކްޓްގެ ފޭސް 1 ކާމިޔާބުކަމާއެކު ނިންމާލައިފިއެވެ.
ކޮލަމްބޯ، ސްރީލަންކާ (އެޕްރީލް 2024) – "ހިލްޓަން ކޮލަމްބޯ" ހޮޓެލްސް ގެ 253 ގެސްޓްރޫމް މަރާމާތު ކުރުމުގެ މަޝްރޫއުގެ ފުރަތަމަ ފިޔަވަހީގެ ތެރެއިން 192 ގެސްޓް ރޫމް މަރާމާތު ކުރުމުގެ މަސައްކަތް ނިމިފައިވާ ކަމަށް، އެސްއެންޑްޓީ އިންޓީރިއާސް، ސްރީލަންކާ އިން ވަނީ ބުނެފައެވެ. (253 ގެސްޓްރޫމްގެ ތެރެއިން ބާކީ ނިންމަން ޖެހޭނީ 61 ކޮޓަރިއެވެ.) އެސްއެންޑްޓީ އިންޓީރިއާސް، އަކީ ހެލީސް ޕީއެލްސީ އާއި އޮމާންގެ އެސް އެންޑް ޓީ އިންޓީރިއާސް ގުޅިގެން އުފައްދާފައިވާ ކުންފުންޏެކެވެ.
އެސް އެންޑް ޓީ އިންޓީރިއާސް އިން ވަނީ ހޮޓެލްތައް މަރާމާތު ކުރުމުގައި އެ މީހުންގެ ތަޖުރިބާގެ ބޭނުން ހިފައި ހޮސްޕިޓާލިޓީ ޓްރާންސްފޯމޭޝަންގެ އާ މިންގަނޑެއް ކަނޑައަޅާފަ އެވެ. މި ރިފަރބިޝްމަންޓް އިނީޝިއޭޓިވްގެ މައިގަނޑު މަގުޞަދަކީ ލަގްޒަރީ ސެގްމަންޓްގައި ހިލްޓަންގެ މަޝްހޫރު ސްޓޭންޑާރޑްތަކާ އެއްގޮތްވާ ގޮތަށް، އައު އުސްމިންތަކެއްގައި ކުރިއަރާފައިވާ ފަތުރުވެރިކަމުގެ ތަޖުރިބާތައް މެދުކެނޑުމެއްނެތި ފޯރު ކޮށްދިނުމެވެ. މި ޕްރޮޖެކްޓް ކާމިޔާބުކަމާއެކު ކުރިއަށް ގެންދިއުމުން، އެ ކުންފުނީގެ ތަޖުރިބާ ދައްކުވައިދިނުމުގެ އިތުރުން އެ ކުންފުންޏަށް ހިލްޓަން ބްރޭންޑް މާނަކުރެވޭ ފަހުމުވާ މިންވަރު ވެސް ވަނީ ފެނިގެން ގޮސްފައެވެ.
އެސް އެންޑް ޓީ އިންޓީރިއާސްގެ ހެޑް އޮފް ސްޓްރެޓެޖީ އެންޑް ފައިނޭންސް، ޗިންތަކަ ޖަޔަތިލަކަ ވިދާޅުވީ ހިލްޓަން ރިފަރބިޝްމަންޓް ޕްރޮޖެކްޓްގެ ފުރަތަމަ ފިޔަވަހީގެ މަސައްކަތް ކާމިޔާބުކަމާއެކު ނިމި، ގެސްޓް ރޫމްތަކުގެ ފުރަތަމަ ސެޓް ކަނޑައެޅިފައިވާ މުއްދަތާއި އެއްގޮތަށް ކްލައިންޓަށް ފޯރުކޮށްދެވުމަކީ، އަދި މި މަސައްކަތުގައި އެމީހުންގެ ހުނަރު ދައްކުވައިދެވުމަކީ އެމީހުންނަށް ލިބޭ ވަރަށް ބޮޑު އުފަލެއް ކަމަށެވެ.
މި ކާމިޔާބީއާ ބެހޭގޮތުން ސްރީލަންކާގެ އެސް އެންޑް ޓީ އިންޓީރިއާސްގެ މެނޭޖިންގ ޑިރެކްޓަރ އަދި ހޭލިސް ޕީއެލްސީގެ އެގްޒެކެޓިވް ޑިރެކްޓަރ، ރުވާން ވައިދްޔަރަތުނަ ވިދާޅުވެފައިވަނީ، އޭނާގެ ޓީމުން މިހާ ފުރިހަމަކަމާއެކު، ރަނގަޅު ފެންވަރެއްގައި މިފަދަ މަސައްކަތެއް ކާމިޔާބުކަމާއެކު ނިންމާފައިވާތީ ވަރަށް ބޮޑަށް ފަޚުރުވެރިވާކަމަށެވެ. އަދި މިކަމުން ދައްކުވައިދެނީ ހިލްޓަން ކޮލަމްބޯގެ ސްޓޭންޑާރޑް މަތިވުން އެކަނި ނޫންކަމާއި، ލަގްޒަރީ ޓްރެވަލް ޑެސްޓިނޭޝަންއެއްގެ ގޮތުގައި މުޅި ޤައުމުގެ ދަރަޖަ މަތިވާނެކަމަށް ވިދާޅުވިއެވެ.
މަރާމާތު ކުރުމުގެ މުޅި މަރުހަލާގައި ކޮންމެ ތަފްޞީލަކަށް ވެސް ވަރަށް ބޮޑަށް ސަމާލުކަން ދީ، ކޮންމެ ކޮޓަރިއަކުންވެސް ލަގްޒަރީ އަދި އާދަޔާ ޚިލާފު އިހުސާސެއް އުފައްދައިދޭކަން ޔަޤީންކުރިއެވެ. ފަރުވާތެރިކަމާއެކު އައްޔަނުކޮށްފައިވާ ފަރުނީޗަރުތަކުން ފެށިގެން، ޒަމާނީ ވަސީލަތްތަކާ ހަމައަށް ހުރިހާ ކަމެއް ވެސް އެކުލަވައިލެވިފައިވަނީ މެހެމާނުންނަށް ހިތްހަމަޖެހިގެން އުޅެވޭނެ އުފާވެރި މާހައުލެއް ޤާއިމުކޮށްދިނުމުގެ މަގުސަަދުގައި އެ މާނައިގައެވެ.
ހިލްޓަން ކޮލަމްބޯގެ ޗެއާމަން، އުޕުލް ދަރްމަދާސާ ވިދާޅުވީ އެސް އެންޑް ޓީ އިންޓީރިއާސްއިން ވަނީ ބައިނަލްއަޤްވާމީ ޑިޒައިން ތަޖުރިބާއާ އެކު ޒަމާނީ ހިދުމަތްތައް ހިލްޓަން ބްރޭންޑްގެ ސްޓޭންޑާޑްތަކަށް ފެތޭ ގޮތަށް ފޯރުކޮށްދީފައިވާ ކަމަށެވެ.
މި މަސައްކަތުގެ އެންމެ ބޮޑު މަގްސަދަކީ، ކޮލަމްބޯގެ 5 ތަރީގެ ހުރިހާ ހޮޓާތަކާއި، ކުރިޔަށް އޮތްތަނުގައި މާކެޓަށް ވަންނާނެ ކަމަށް ބެލެވޭ އާ ހޮޓެލް ބްރޭންޑްތަކާ ވާދަކުރުމަށް މަގު ފަހިކޮށްދީ، "ހިލްޓަން ކޮލަމްބޯ"އަކީ ބޮޑު ފައިދާއެއް ލިބޭނޭ ކުންފުންޏަކަށް ބަދަލުކުރުން ކަމުގައި އުޕުލް ދަރްމަދާސާ ވިދާޅުވިއެވެ. އަދި މަރާމާތުކޮށްފައިވާ ގެސްޓް ރޫމްތަކުގެ ސަބަބުން ހިލްޓަންއަށް ވާދަވެރި ކުރިއެރުމެއް ލިބިގެންދާނެ ކަމަށާއި، އެންމެ ފަހުގެ އަދި އެންމެ ޒަމާނީ ޑިޒައިނާއި ވަސީލަތްތަކުގެ ސަބަބުން ވިޔަފާރީގެ ދަތުރުފަތުރުގެ ބާޒާރުގައި ހިލްޓަން އެންމެ ކުރީގައި އޮތުމުގެ ސްޕީޑް ކަނޑައެޅިގެންދާނެ ކަމަށްވެސް އުޕުލް ދަރްމަދާސާ ވިދާޅުވިއެވެ.
ޑިލަކްސް ސީ ވިއު ސުއިޓު، ކޮޓަރި، ހިލްޓަން ކޮލަމްބޯ
މަރާމާތުކޮށްފައިވާ ގެސްޓް ރޫމްތަކަކީ ފަތުރުވެރިކަން އަލުން އާރާސްތުކުރުމަށް ސަރުކާރުން ކެނޑިނޭޅި ކުރަމުން ގެންދާ މަސައްކަތުގެ ސަބަބުން، މި ސިނާއަތް ހަލުވިކަމާއެކު ރަނގަޅުވަމުން އަންނަ ދަނޑިވަޅެއްގައި އިތުރުވަމުންދާ ޑިމާންޑަށް ވަގުތުން ވަގުތަށް ދެވޭ ތަރުހީބެއްކަން އުޕުލް ދަރްމަދާސާ ފާހަގަކުރެއްވިއެވެ. އިޤްތިޞާދީ މުހިންމުކަން ދެނެގަނެ، މި މަސައްކަތްތަކުގެ ސަބަބުން ބޭރު ފައިސާގެ އާމްދަނީ އިތުރުކުރުމުގެ ފުރުޞަތުތައް ފަހި ވެގެންދާ ކަމަށްވެސް އުޕުލް ދަރްމަދާސާ ވިދާޅުވިއެވެ. އަދި އެސްއެންޑްޓީ އިންޓީރިއާސްއާއި ގުޅިގެން ކުރިއަށް ގެންދާ މަސައްކަތްތަކާއި، މެދުކެނޑުމެއްނެތި ހޮޓާހިންގުމުގެ ކަންކަން ކުރިއަށް ގެންދިއުމުގައި ޚިދުމަތުގެ ފެންވަރު ދައްކުވައިދޭކަމާއި، މެހެމާންދާރީގެ ދާއިރާއިން ކުރިއެރުން ހޯދުމަށް މަސައްކަތްކޮށްފައިވަނީ ހިލްޓަންގެ މަސައްކަތްތަކަށް އެއްވެސް ބުރުލެއް ނާރާގޮތަށްކަން އުޕުލް ދަރްމަދާސާ ފާހަގަކުރެއްވިއެވެ.
ހިލްޓަން ކޮލަމްބޯގެ ޗީފް އެގްޒެކެޓިވް އޮފިސަރު ޝަމާހިލް މުހިއްދީން ވިދާޅުވީ، އެސްއެންޑްޓީ އިންޓީރިއާއާ ގުޅިގެން ހިލްޓަން ކޮލަމްބޯގައި 253 ކޮޓަރީގެ އިންވެންޓްރީ މަރާމާތު ކުރުމުގެ މަސައްކަތުގެ ފުރަތަމަ ފިޔަވަހި ކާމިޔާބުކަމާއެކު ނިމިފައިވާކަން އިއުލާނުކުރުމަކީ ހިލްޓަންއަށް ލިބޭ ވަރަށް ބޮޑު އުފަލެއް ކަމަށެވެ. ދުނިޔޭގެ މަޝްހޫރު ބްރޭންޑްތަކާ އެކު ކުރެވުނު ތަޖުރިބާގެ އަލީގައި ހިލްޓަން ބްރޭންޑްގެ މިންގަނޑުތަކަށް ފެތޭނެ ފެންވަރު ރަނގަޅު ޕްރޮޑަކްޓެއް އެސްއެންޑްޓީ އިންޓީރިއަރސް އިން ވަނީ ފޯރުކޮށްދީފައިއެވެ.
އެސް އެންޑް ޓީ އިންޓީރިއާސް އެންޑް ކޮންޓްރެކްޓިންގް
އެސް އެންޑް ޓީ އިންޓީރިއާސް އެންޑް ކޮންޓްރެކްޓިންގްއަކީ މެދު އިރުމަތި، ޔޫރަޕު، އަދި އޭޝިއާގެ 10 ގައުމެއްގައި ހިންގަމުން އަންނަ ލީޑިން ޓާންކީ ކޮންޓްރެކްޓިންގް ކުންފުންޏެކެވެ. އޮމާންގައި 1977 ވަނަ އަހަރު އުފެއްދި އެސްއެންޑްޓީއިން ވަނީ ލަގްޒަރީ ހޮޓާ، ވިލާ، މަތީ ފަންތީގެ ރެޒިޑެންޝަލް، ގަނޑުވަރު އަދި ކޮމާޝަލް ކޮމްޕްލެކްސްތަކަށް 150 އަށް ވުރެ ގިނަ ލޭންޑްމާކް ޕްރޮޖެކްޓް ހިންގާފައެވެ. ސިވިލް ކޮންސްޓްރަކްޝަން، އިންޓީރިއާ، ޕްރޮކިއުމަންޓް، ޖޮއިނެރީ ގެ ދާއިރާއިން ސްޕެޝަލައިޒްވެފައިވާ މި ކުންފުންޏަކީ އޮމާންގައި އެންމެ ޒަމާނީ 25،000 އަކަމީޓަރުގެ ޖޮއިނެރީ ޕްރޮޑަކްޝަން ފެސިލިޓީއެއް ހިންގާ ކުންފުންޏެކެވެ. އޮމާންގައި ހެޑްކުއާޓާސް ހުންނަ އެސްއެންޑްޓީ އިންޓީރިއާސް އެންޑް ކޮންޓްރެކްޓިންގް ގްލޯބަލްގެ އެކި ކަންކޮޅުތަކުގައި ހިނގަމުން އަންނައިރު، ޔުނައިޓެޑް އަރަބް އެމިރޭޓްސް، ބަހްރެއިން، ގަތަރު، އިނގިރޭސިވިލާތް، އިޓަލީ، ފްރާންސް، އިންޑިއާ، ސްރީލަންކާ، ރާއްޖެ އަދި ބްރޫނާއީގެ އޮފީސްތައް ހުރެއެވެ. ލަގްޒަރީ ހޮސްޕިޓާލިޓީ ދާއިރާގައި އެ ކުންފުނިން ވަނީ 150 އަށް ވުރެ ގިނަ ލޭންޑްމާކް ޕްރޮޖެކްޓް ހިންގާފަވެއެވެ. އޮމާންގެ އަނަންތަރާ އަލް ޖަބަލް އަލް އަޚްދާރު ފަދަ މަތީ ފަންތީގެ ރެސިޑެންޝަލް އަދި ކޮމާޝަލް ޕްރޮޖެކްޓްތަކާއެކު އަބޫދާބީގެ އަނަންތަރާ ކަސްރު އަލް ސަރަބް ޑެޒަރޓް ރިސޯޓް، ދުބާއީ އިންޓަނޭޝަނަލް އެއާޕޯޓް ޕްރޮޖެކްޓް ކޮންކޯސް 3އޭ، ލަންޑަންގެ ލަންގްހަމް ހޮޓެލް، ޖޭ ޑަބްލިއު މެރިއޮޓް، ބެންގަލޫރު. ހިމެނެއެވެ
ސްރީލަންކާގެ އިޤްތިޞާދުގެ މައި މަރުކަޒެއް ކަމުގައިވާ ހެލީސް ޕީއެލްސީއަކީ ތަފާތު 16 ދާއިރާއެއްގައި ވިޔަފާރީގެ މަސްލަހަތު އޮންނަ ފަސް ސަރަޙައްދެއްގައި މުޅި ދުނިޔޭގައި ވެސް ހަރަކާތްތެރިވަމުން އަންނަ ކުންފުންޏެކެވެ. ގައުމުން ބޭރުން އެތެރެވާ އާމްދަނީގެ 650 މިލިއަނަށް ވުރެ ގިނަ ޑޮލަރާއި އެ ގައުމުގެ ޖުމްލަ އެކްސްޕޯޓް އާމްދަނީގެ 5.5 ޕަސެންޓް ހިއްސާކުރާ ހޭލިސް އަކީ ދެމެހެއްޓެނިވި އިނޮވޭޝަންގެ ޗެމްޕިއަނެކެވެ. އަދި ސްރީލަންކާގެ އެންމެ ފާހަގަކޮށްލެވޭ އެއް ކުންފުންޏެވެ. އެސް އެންޑް ޓީ އިންޓީރިއަރސް އަކީ ހޭލީސް ޕީއެލްސީގެ އެޑްވާންޓިސް ގްރޫޕްގެ އިންޓީރިއާ ފިޓް އައުޓް އަދި ކޮންސްޓްރަކްޝަން ބްރާންޗެވެ