"ގަންގޫބާއީ ކާތިއާވަޑީ" ގެ ގަދަފަދަ ކާމިޔާބަށްފަހު އިންޑިއާގެ ކުޅަދާނަ ޑައިރެކްޓަރު ސަންޖޭ ލީލާ ބަންސާލީ ފިލްމުތައް ދުރުކޮށްލާފައި ކުރި މަސައްކަތް، އޭނާގެ ފުރަތަމަ ވެބް ސީރީޒް، (ނެޓްފްލިކްސް ސީރީޒް) "ހީރާމަންޑީ: ދަ ޑައިމަންޑް ބާޒާރު" ހިތްތަކުން ޖާގަ ހޯދައިފިއެވެ.
ސަންޖޭ ލީލާ ބަންސާލީ ޑައިރެކްޓްކުރާ 8 އެޕިސޯޑުގެ ވެބް ސީރީޒް ނެޓްލްފިކްސްގައި ރިލީޒްކުރީ މި މަހުގެ އެއްވަނަ ދުވަހު އެވެ. މިއީ 1940 ގެ އަހަރުތަކުގެ އިންޑިއާގެ މިނިވަންކަމުގެ ހަނގުރާމައިގެ ފަހަތުގައިވާ، އޭރުގެ ޖާރިޔާއިންގެ ލޯތްބާއި ބާރާއި ބަދަލު ހިފުމާއި މިނިވަންކަމުގެ ހަގީގަތްތައް ފެނިގެންދާ ސީރީޒެެކެވެ.
ލާހޯރުގެ އެންމެ ދުވަސްވީ ރެޑްލައިޓް ޑިސްޓްރިކްޓް ކަމަށްވާ ހީރަމަންޑީ އަކީ ކުރިން ޝާހީ ހާންދާނުގެ "ނާއިބުން"ގެ ހިތްގައިމު މުނިފޫހިފިލުވުމުގެ ޑިސްޓްރިކްޓެކެވެ. ހަވީރުގެ ވަގުތުތަކުގައި ޝާހީ ލާހޯރު ކިއްލާގެ ތަންކޮޅެއް ބޭރުގައި ހުންނަ އެ ސަރަހައްދުގެ އިމާރާތްތައް އަލިކުރާނީ އެ ހުށަހެޅުންތައް ބަލަން ނައިބުންނާއި ބޮޑެތި ގިރުވާނުއުފުލިފައިވާ ވިޔަފާރިވެރިން، ބޮޑެތި އޮފިސަރުނއ ފަދަ މީހުން އެއްވުމުންނެވެ.
ޕާކިސްތާނުގައި އަދިވެސް ހީރާމަންޑީ އޮންނަކަމަށްވެއެވެ. ތުންތުން މަތިން ބުނެވޭ ގޮތުގައި "ޖާއިޒު ނޫން ގުޅުންތަކުގެ ހަބެއް ކަމަށް ވެސް ބުނެވެއެވެ. ދުވާލުގެ ވަގުތުތަކުގައި ފެންނަނީ އެހެނިހެން ކަންކަމުގެ ތެރޭގައި ކާބޯތަކެއްޗާއި މިއުޒިކް އާލާތްތައް ވިއްކާ އާދައިގެ މާރުކޭޓެއް ހެންނެވެ. ނަމަވެސް ރޭގަނޑުވެ އަނދިރިވުމުން ބާޒާރު "އަންހެނުންގެ"ވިޔަފާރިއަށާއި މިޔުޒިކާއި ރަލަށް ހުޅުވޭ ކަމަށްވެއެވެ.
ހީރާމަންޑީ ވެބްސީރީސްގެ ކާސްޓުންގެ ތެރެއިން
ހީރަމަންޑީގެ ދުނިޔެ:
ހީރާމަންޑީ ދައްކުވައިދެނީ، ނަވާބުން ކަމުގައި ވިޔަސް އިނގިރޭސީން ކަމުގައިވިޔަސް އަންހެނުން ރަނިކަމާއި ރަސްކަން ވެސް ކުރި ޒަމާނެކެވެ. އެންމެ މުހިންމު ކަމަކީ ބަންސާލީ ވަނީ އިންޑިޔާގެ މިނިވަންކަމުގައި މުހިންމު ދައުރެއް އަދާކުރި މި އަންހެނުންގެ ވާހަކަ މުޅި ދުނިޔެއަށް އަންގައިދީފައި ކަމަށްވާއިރު މިއީ ގިނަ ބަޔަކަށް ނޭނގޭ ވާހަކައެއްް ކަމަށްވެއެވެ. ހީރާމަންޑި އިހުސާސްކޮށްދެނީ އަންހެނުން އެކަތިގަނޑަކަށްވެއްޖެނަމަ، އަމިއްލަ މިނިވަންކަން ކަމުގައިވިޔަސް، ނުވަތަ ޤައުމުގެ މިނިވަންކަން ކަމުގައިވީނަމަވެސް، އެކަނބަލުން އެދޭ ކަންކަމުން އެއްވެސް މީހަކަށް ނުހުއްޓުވޭނެކަމެވެ،
ހީރާމަންޑީ ވެބްސީރީސްގެ ކާސްޓުންގެ ތެރެއިން/ހާއްސަކޮށް ބަތަލާ އާލަމްޒޭބް
ރާނީ ގެ ކޯޓޭޝަނުން ކަމަށްވާ މަލިކާ ޖާން (މަނީޝާ ކޮއިރާލާ) ބުނަނީ "ހީރާމަންދީ މޭ އަންގްރޭޒޮން ކާ ނެހީ… މަލިކާޖަން ކާ ސިއްކާ ޗަލްތާ ހޭ!".
ނެޓްފްލިކްސްގެ ހީރަމަންޑީގައި މަނީޝާ ކޮއިރާލާގެ ކެރެކްޓާ އަކީ ވަރަށް ފުރިހަމަ އަށް ލޭޔަރ ކޮށްފައިވާ ކެރެކްޓާއެކެވެ. އެކަމަނާއަކީ ކުޅަދާނަ، ބައެއް ފަހަރު ލޯބިވާ އަދި ބައެއް ފަހަރު ހަރުކަށި ވެސް މީހެކެވެ. މަލިކާ ޖާން (މަނީޝާ ކޮއިރާލާ) އަކީ ބާރާއި މަގާމާއި ތަހުތާއި އޭނާގެ "ރަނިކަމުގައި" މޮޔަވެފައެވެ. އޭނާގެ މަގާމަށް މީހަކު ނުރައްކާ ކޮށްފާނެ ކަމަށް ހީވެއްޖެ ނަމަ އޭނާއަށް ވެސް މީހުން މަރާލާނެކަމަށް ބުނާއިރު އޭނާގެ ތާރީހު އޮތީވެސް އެހެންނެވެ.
ހީރާމަންޑީ ވެބްސީރީސްގެ ކާސްޓުންގެ ތެރެއިން އަދި ލީލާބާންސާލީ
އެކަމަނާއަކީ ބިރުވެރި، ވިސްނުންތެރި ބޭފުޅެކެވެ. ނަމަވެސް އޭނާގެ މަރުހޫމް ނެމެސިސްގެ އަންހެން ދަރިފުޅު ފަރީދާން (ސޮނާކްޝީ ސިންހާ) އެނބުރި އައުމުން ގޭތެރޭގައި ނުތަނަވަސްކަން އުފެދެ އެވެ. މަލިކާ ޖާން ބިރުގަންނަނީ ފަރީދަންއަށް އެ ހުރިހާ ކަމެއް އެނގޭތީ އެވެ.
ނެޓްފްލިކްސްގެ ހީރަމަންޑީ އަކީ މަނީޝް ކޮއިރާލާ އާއި ފަރުދީން ޚާން އަށް ވެސް އެނބުރި އައި ފިލްމަކަށް ވާއިރު އެންމެ މުހިންމު ކަމަކީ އެ ދެ ތަރިން ވެސް ކުޅެނީ އެ މީހުންގެ އުމުރު ދައްކުވައިދޭ ދެ ރޯލުކަމަށްވުމެވެ. މަނީޝާ ކޮއިރާލާ އަދާ ކުރަން ޖެހޭ ރޯލު މަލިކާޖާންގެ ރޯލަށް އޭނާގެ މޫނުމަތިން ފެންނަ ރީތިކަމާއި އުމުރުން ދުވަސްވީކަން އަންގުވައިދޭ ލޯކައިރީ ކުދިރޫތައް އޭނާ އިތުރަށް ހިތްގައިމުކޮށް ކެރެކްޓަރ އިތުރަށް ފުރިހަމަކޮށްފައިވއެވެ. މޭކަޕްގެ ފަހަތުގައި އެއްވެސް މީހެއްގެ އުނިކަމެއް ފޮރުވަން މަސައްކަތް ނުކޮށް ބަންސާލީ ވަނީ އޭރު ހީރާމަންޑީގައި އުޅުުނު ޖާރިޔާއިންގެ އުމުރުފުރާތައް އެންމެ ހަގީގަތާ އެއްގޮތަކަށް ދައްކައިފަ އެވެ. ހަގީގަތުގައި ޝޯގެ ކޮންމެ ކެރެކްޓާއަކީ ވެސް "މުޅިން އިމްޕްރެކްޓް" ކެރެކްޓާތަކެކެވެ.
ހީރަމަންޑީގެ ސިޒްލިން ޑިސްޓްރިކްޓުން ދައްކުވައިދެނީ ކޯޓޭޝަނުންގެ މެދުގައި ހިނގަމުންދާ ހަމަނުޖެހުންތަކެވެ. ޑައިމަންޑް ބާޒާރުގައި ކްލާސިޒަމް އާއި ޕަވާ ޑްރާމާތައް ވަރަށް ބޮޑެވެ. ކިތަންމެ ބޮޑު ތަފާތެއް ކޯޓޭޝަނުންގެ މެދުގައި ހުރި ނަމަވެސް، ލޯތްބަށް ކާމިޔާބެއް ލިބުނަސް ނަފްރަތުގެ އަލިފާން ގަނޑު ތައް މަރުވެ، ވާހަކަތައް ދެމިގެން ދެއެވެ.
ހީރަމަންޑީގެ ތާރީޚަށް އެނބުރި ބަލާލާއިރު، މި ސިލްސިލާއަކީ މުޣުލް ޒަމާނުގެ ދުވަސްވަރުގެ މައްޗަށް ބިނާކޮށް އުފައްދާފައިވާ ސިލްސިލާއެއް ކަމަށާއި މި ސިލްސިލާއިން ދައްކުވައިދެނީ މިނިވަންކަމުގެ ކުރިން އަފްޣާނިސްތާނާއި އުޒްބެކިސްތާނުގެ އަންހެނުން މައިގަނޑު ގޮތެއްގައި ހީރަމަންޑީއަށް ގެނެސް މުޣުލް ރަސްކަލުންނަށް މުނިފޫހިފިލުވުމަށް ކަތަކް ޑާންސްތައް ހުށަހަޅައިދިން ދުވަސްވަރެވެ. މިނިވަންކަމުގެ ކުރިން އިންޑިއާގައި ހަދާފައިވާ ޕީރިއަޑް ޑްރާމާއެއް ކަމަށްވާ ބާންސާލީގެ އާދައިގެ ފިލްމެއް ފަދަ އިންތިހާއަށް ބޮޑުކަމާއި ތަނަވަސްކަމެއް އެބަހުއްޓެވެ. އެކަމަކު ކޯޓޭޝަނުންގެ ދިރިއުޅުމުގައި ފެންނަ ހުރިހާ މުއްސަނދިކަމަކީ ސަބަބަކާ ހުރެ، ސީރީޒް ބަލަން ފެށުމުން އޭގެ ހިފަހައްޓަން ލިބޭ ކަމެކެވެ.
ހީރާމަންޑީ ވެބްސީރީސްގެ ކާސްޓުންގެ ތެރެއިން…މެދުގައި މަނީޝާ،
މިނިވަންކަމުގެ ހަރަކާތާ ގުޅިފައިވާ މަލިކާ ޖާންގެ އެއް އަންހެން ދަރިފުޅު އަދިތީ ރާއޯ ހައިދަރީ ކުޅެފައިވާ ބިބްބޯޖާން އަކީ ހަގީގަތުގައި ވަރަށް ބާރުގަދަ ރޯލެކެވެ. މަސްތުވާތަކެތީގެ އަންހެނެއް ކަމަށްވާ ބިބްބޯޖާން އަކީ ހަމައެކަނި އިނގިރޭސީންގެ ކިބައިން ނޫނީ މުޅި ނިޒާމުގެ ކިބައިން މިނިވަންކަން ހޯދަން ބޭނުންވި މީހެކެވެ. އެންމެ ފާހަގަކޮށްލެވޭ ޑައިލޮގަކީ " އޭކް ބާރް މުޖްރެވާލީ ނެހީ، މުލްކްވާލީ ބާން ކޭ ދިޚާއޯ" އެވެ. ހަގީގަތުގައި އެކަމަނާއަކީ ހުރިހާ ކޯތާނުންގެ ތެރެއިން އެންމެ ބިރުވެރި ބޭކަލެކެވެ.
އެހެނަސް އަމިއްލަ ނަފްސުގެ ތެރޭގައި އެ އަނދަމުން ދިޔަ އެދުމަކީ މިނިވަންވެ ދިރިއުޅުމަށް މާނައެއް ހޯދައިދިނުމެވެ. އަލަމްޒެބް (ޝަރުމިން ސޭގަލް) އަށް އަޅާލާ އެއްބަނޑު އެއްބަފާ އެއްބަފާ އެއްބަނޑު އެއްބަފާ އެއްބަނޑު އެއްބަފާ އެކަމަނާ އަކީ އެންމެ ހިތްވަރުގަދަ ބޭކަނބަލަކަށް ވެ، ޤައުމުގެ މިނިވަންކަމަށްޓަކައި ފުރާނަ ފުޅު ދެއްވި ބޭކަނބަލެކެވެ. ދީނީ ޢަޤީދާތަކުގެ ސަބަބުން މިނިވަންކަމުގެ ހަނގުރާމަވެރިންގެ މެދުގައި ފިތުނަ އުފެދިގެން ނުދާތަން ފެނުމަކީ އުފާވެރި ކަމެކެވެ.
ލަޖްޖޯ ޖާން (ރިޗާ ޗައްޑާ) އިން މީނާ ކުމާރީގެ ސިފަތައް ފެންނާނެ ކަމަށާއި ދާދި ފަހުން ފަސްޓްޕޯސްޓަށް ދިން އިންޓަވިއުއެއްގައި އޭނާ ވަނީ ހީރާމަންޑީއަށް އޭނާ ތައްޔާރުވުމަކީ މި ލެޖެންޑްރީ ބަތަލާގެ ފަރާތުން އިންސްޕިރޭޝަން ތައް ނެގުމަށް ވުރެ ބޮޑަށް ކުރި ކަމެއް ކަން ފާހަގަކޮށްފަ އެވެ. ރިޗާ ޗައްޑާ ފުރަތަމަ ފަހަރަށް ސުޕަ ގްލެމަރަސް ރޯލަކުން ފެނުމަކީ މަރުހަބާ ކިޔާ ބަދަލެކެވެ. އޭނާގެ ސްކްރީން ޓައިމް ކުޑަ ނަމަވެސް ވަރަށް އަސަރުގަދަ އެވެ.
ހީރާމަންޑީ ވެބްސީރީސްގެ ކާސްޓުންގެ ތެރެއިން
ނެޓްފްލިކްސްގެ މި ސިލްސިލާއިން އެނގެނީ އެމީހުންގެ ރަން ކުލައިގެ ގޮޅިތަކުގައި ތަނަވަސް ދިރިއުޅުމެއް އުޅެމުން އަންނަ މި ކޯޓޭސަންންނަށް އެމީހުންގެ ރީތި ކާނާއާއި ފޭރާމާއި ބުއިންތަކާއި އަތަރުތަކާއި އެތަކެތި ބެލެހެއްޓުމަށް ގެވެށި އެހީތެރިންގެ ބެޓެލިއަންއަކަށް ހީރަމަންޑީގެ ފާރުތަކުގެ ފަހަތުގައި ދިރިއުޅުމަށް އިތުރު ކަންތައްތަކެއް ހުރިކަން އެނގުނު ކަމެވެ. އެމީހުން ބޭނުންވީ އެމީހުންގެ ކަނދުރާތަކުން މިނިވަންވާށެވެ. މި ރަނުގެ ގޮޅިތަކުގައި ދިރިއުޅެމުން ދިޔަ އެމީހުންނަށް މިނިވަންކަމުގެ އަގު ވިސްނުނެވެ. އެމީހުންގެ ގުރުބާނީ ތާރީޚު ހަނދާން ނައްތާލިއެވެ. މުޖުތަމައުން ވެސް އެމީހުންގެ މަތިން ހަނދާނެއް ނެތެވެ.އެކަމަކު ސަންޖޭ ލީލާ ބަންސާލީ ވަނީ އިންޑިއާގެ މިނިވަންކަމުގެ ހަރަކާތުގައި އެ މީހުންގެ ހިއްސާއަށް އިންސާފު ކޮށްދީ، އެ މީހުން ތިބިކަން އެންމެނަށްވެސް އަންގައިދީފަ އެވެ.
ސީރީޒް ނިންމާލަމުން ބުނެފައިވަނީ ވަރަށް ބޮޑު ތެދެކެވެ. ގައުމަށް މިނިވަންކަން ލިބުނަސް އަންހެނުންގެ ޖިހާދު ނިމުމަކަށް ނާދެ އެވެ. އޭރުއްސުރެ މިއަދާ ހަމައަށްވެސް އަންހެނުން އަންނަނީ އަބުރާ ބެހުމުގެ އާ ޖިހާދެއް ކުރަމުންނެވެ. އެމީހުންގެ ކަރާމާތަށްޓަކައި އެމީހުން ކުރާ ޖިހާދު އަދިވެސް ދަނީ ހަމަ ކުރިަށެ
މީގެ މައިގަނޑު ބަތަލާއިންގެ ތެރޭގައި ސޮނާކްޝީ ސިންހާ، މަނީޝާ ކޮއިރަލާ، އަދިތީ ރާއޯ ހައިދަރީ، ރިޗާ ޗައްޑާ، ސަންޖީދާ ޝެއިހް އަދި ޝަރުމިން ސޭގަލް ހިމެނެ އެވެ. "ހީރާމަންޑީ" ގެ ބަތަލުންގެ ތެރޭގައި ފަރުދީން ޚާނާއި ޝޭކަރް ސުމަން އާއި އޭނަގެ ދަރިފުޅު އަދިޔަޔަން ސުމަންގެ އިތުރުން ތާހާ ޝާހް ހިމެނެ އެވެ.