މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ/ ވިޒިޓް މޯލްޑިވްސް) އިން މިއަދު ދުބާއީ ވޯލްޑް ޓްރޭޑް ސެންޓަރުގައި ބޭއްވި ވޯލްޑް ޓްރެވަލް އެވޯޑްސް (އިންޑިއަން އޯޝަން ކެޓަގަރީ) އިން، އަރަބިއަން ޓްރެވަލް މާކެޓް (އޭޓީއެމް) 2024 ގައި ދިވެހިރާއްޖެ ޝަރަފުވެރި 4 ކެޓަގަރީއަކުން އެވޯޑް ހާޞިލުކޮށްފިއެވެ.
މެދުކެނޑުމެއްނެތި ރާއްޖޭގެ ފަތުރުވެރިކަން ފުޅާކުރުމުގައި ކުރަމުންގެންދަވާ ބުރަ މަސައްކަތްތަކުގެ އަގުވަޒަންކުރުމަށް މަގުފަހިވެގެންދެއެވެ.
2003 ވަނަ އަހަރު ވޯލްޑް ޓްރެވަލް އެވޯޑްސްގައި އިންޑިއަން އޯޝަން ކެޓަގަރީ ތައާރަފްކުރި ފަހުން ދިވެހިރާއްޖެއިން ފާހަގަކޮށްލެވޭ ކާމިޔާބީތަކެއް ހޯދާފައިވެއެވެ. މީގެ ކުރިން، ދިވެހިރާއްޖެއިން ލީޑިން ޑެސްޓިނޭޝަން 17 ފަހަރު، ލީޑިން ހަނީމޫން ޑެސްޓިނޭޝަން 6 ފަހަރު، އަދި ލީޑިން ޑައިވް ޑެސްޓިނޭޝަން ވަނީ 9 ފަހަރު ކާމިޔާބު ކޮށްފައިއެވެ.
ވޯލްޑް ޓްރެވެލް އެވޯޑު ހަފްލާގެ ތެރެއިން
ފާހަގަކޮށްލެވޭ ކަމަކީ، 2024 ވަނަ އަހަރަކީ، ދެމެހެއްޓެނިވި ފަތުރުވެރިކަމަށް އަޅުގަނޑުމެން ކުރާ މަސައްކަތަށް އިތުރު ހިތްވަރެއް ލިބިގެންދާ، އިންޑިއަން އޯޝަންސް ލީޑިން ގްރީން ޑެސްޓިނޭޝަން 2024، މި އެވޯޑް ދިވެހިރާއްޖެއަށް ލިބިފައިވުމެވެ. މި ކާމިޔާބީތަކުގެ ސަބަބުން ހަޤީޤަތުގައިވެސް ރާއްޖެއަށް ޒިޔާރަތްކުރާ ފަރާތްތަކުގެ މެދުގައި ރާއްޖެއަކީ މި ދާއިރާއިން ކުރިއަރަމުންދާ މަންޒިލެއްގެ ގޮތުގައި ތަސައްވުރު ވެގެންދާނެއެވެ. އަދި، މި އެވޯޑްތަކުގެ ސަބަބުން ފަތުރުވެރިންގެ މެދުގައި ދިވެހިރާއްޖެއަށް އޮންނަ ލޯތްބާއި އިތުބާރު ބޮޑުވެ، ދުނިޔޭގެ އެންމެ މަޤްބޫލު މަންޒިލަކަށް ރާއްޖެ ވުމަށް ލިބޭ އިތުރު ފަހި ފުރުޞަތަކަށް ވެގެންދާނެއެވެ.