ރައީސުލްޖުމްހޫރިއްޔާ ޑރ މުޙައްމަދު މުއިއްޒު މަދީނާއަށް ވަޑައިގެންނެވުމުން، މަދީނާ ސަރަޙައްދުގެ ގަވަރުނަރު ހިޒް ރޯޔަލް ހައިނެސް ޕްރިންސް ސަލްމާން ބިން ސުލްޠާން ބިން ޢަބްދުލްޢަޒީޒް އާލް ސަޢުދު އެމަނިކުފާނަށް ނުހަނު ހޫނު އެމަނިކުފާނަށް މަރުޙަބާ ދަންނަވައިފިއެވެ.
ރައީސް ޑރ މުއިއްޒާއި އަނބިކަނބަލުން، މެޑަމް ސާޖިދާ މުހައްމަދު، މަދީނާއަށް ވަޑައިގެންނެވި އުމްރާގެ އަޅުކަމުގެ މި ދަތުރުފުޅަކީ، ދެ ހަރަމްފުޅުގެ ޚާދިމް އަދި ސައުދީ ރަސްގެފާނު ކިންގް ސަލްމާން ބިން އަބްދުލްއަޒީޒްގެ ހާއްސަ މެހެމާންދާރީގައި ކުރައްވާ ދަތުރުފުޅެކެވެ.
ރައީސް ޑރ މުއިއްޒު މަދީނާއަށް ކުރައްވާދަތުރުފުޅު ތެރެއިން…..
ރައީސް އަރިހުގައި ސަރުކާރުގެ އިސްވަފުދެއް ވެސް މި ދަތުރުފުޅުގައި ބައިވެރިވެވަޑައިގަންނަވަ އެވެ. މި ބޭފުޅުން ދަތުރު ކުރައްވަން ހަމަޖެހިފައި ވަނީ ސައުދީ ސަރުކާރުން ފޮނުވި ހާއްސަ މަތިންދާބޯޓެއްގައި ކަަމަށް ރައީސް އޮފީހުން ވަނީ ބުނެފައެވެ.
މި ދަތުރުފުޅުގައި ރައީސް އަރިހުގައި ވަޑައިގަންނަވާ ވަފުދުގައި ހިމެނިވަޑައިގަންނަވަނީ އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދާއި އިސްލާމީ މަރުކަޒުގެ އިސް އިމާމު ފަޟީލަތުއްޝައިޚް މުޙައްމަދު ލަޠީފްގެ އިތުރުން ރައީސް އޮފީހުގެ ޗީފް އޮފް ސްޓާފް އަބްދުالله ފަޔާޒް އާއި ރައީސް އޮފީހުގެ މިނިސްޓަރު އަލީ އާރިފް އަދި ރައީސް އޮފީހުގެ މިނިސްޓަރު އަބްދުالله ނާސިރެވެ.
މިއީ ވެރިކަމަށް ވަޑައިގެންނެވުމަށް ރައީސް ސައުދީއަށް ކުރައްވާ ފުރަތަމަ ދަތުރުފުޅެވެ.