ސޯލްޓްލައިފް މޯލްޑިވްސްގެ ޒަމާންވީ ހުވަފެން ހަގީގަތަކަށް؛ ރާއްޖޭގައި ހަތަރުވަނަ ސްވޯޑްފިޝްއެއް ބޭނިކަމުގެ ފަހުރު!
މިއީ ސްޕޯޓްސް ފިޝިންގ އަށް ޝައުގުވެރިވާ ކުޑަކުޑަ ގްރޫޕަކުން އުފެއްދި "ސޯލްޓްލައިފްމޯލްޑިވްސް" އަށް ލިބުނު ނުހަނު ފާހަގަކޮށްލެވޭ، އެހާމެ ހާއްސަ ބޮޑު ކާމިޔާބީއެކެވެ. އެމީހުންގެ އެންމެ ފަހުގެ މަސްދަތުރުގައި އެމީހުން ވަނީ ޑީޕް ފިޝްގެ ރަސްގެފާނު ކަމަށްވާ "ދަ ސްވޯޑްފިޝް" ބާނައިފައެވެ.
މިއީ އާންމު ގޮތެއްގައިވެސް ތަދު މަހަަކަށްވާއިރު އަމުދުން ދުވާލުގެ ވަގުތެއްގައި ބޭނުން ނާދިރު މަހެކެވެ، ހަމައެހެންމެ ރާއްޖޭގެ ވަރަށްވެސް މަދު ހިސާބަކުން ނޫނީ ނުފެންނަަ މަހެކެވެ. ރާއްޖޭގައި މިހާތަނަށް ދެތިން ފަހަރަކު މިމަސް ބާނާފައިވާއިރު މިއީ ވަރަށް ދަތި، އެހާމެ ކެތްތެރިވެގެން ނޫނީ ބޭނުން ފަސޭހަ ނޫން މަހެއްކަން ވެސް ފާހަގަކޮށްލަމެވެ.
ސޯލްޓްމޯލްޑިވްސް އިން ބޭނި ސްވޯޑްފިޝް
މިމަހަކީ ކަނޑުގެ ވަރަށް ވެސް އަޑީގައި އުޅޭ މަހަކަށް ވާއިރު މަސް ތިލަ ކުރުމަށް ކުރަން ޖެހޭ މަސައްކަތާއި މަސް ޖެއްސުމުގައި ކެތްތެރިވާން ޖެހޭ މިންވަރު ވެސް އެހާމެ ބޮޑެވެ.
ހަމައެހެންމެ މަސް ބޭނުމަށްޓަކައި މިއީ ވަރުބަލިކޮށްލަން ވެސް އިންތިހާއަށް އުނދަގޫ އަދި ވަގުތު ބޭނުންވާ މަހެކެވެ. ބާރުގަދަ، ވަރުބަލިކޮށްލަން ދަތި އަދި ކިރިޔާވެސް ބާރަށް ހިފާލަައިފިނަމަ އޭގެ ތުންގަނޑު ހުންނަ ގޮތުން ބުޅި ކަނޑައިގެންދާ އަދި ބަރުވެސް މަހެކެވެ. އެހެންކަމުން ސީދާ މިމަސް ބޭނުމަށް ސޯލްޓްލައިފްމޯލްޑިވްސް އިން ކުރި މިދަތުރާއި ކުރި ހިތްވަރަށް ސާބަސް ހައްގުވެއެވެ.
ވަރުބަލިކޮށްލަން ވެސް އިންތިހާއަށް އުނދަގޫ އަދި ވަގުތު ބޭނުންވާ މަހެކެވެ.
ސީދާ ޑީޕް ފިޝްގެ ރަސްގެފާނު ކަމަށްވާ "ދަ ސްވޯޑްފިޝް" ބޭނުމުގެ މަަގުސަަދުގައި ސޯލްޓްލައިފް މޯލްޑިވްސް ގެ މި ޒުވާނުން މާލެއިން މާރަންދުއަށް ދަތުރުކޮށް، މަސްވެރިކަމުގައި 45 އަހަރު ހޭދަކޮށްފައިވާ، ކަމުގެ ތަޖުރިބާ ހުރި އަދި އެމީހުން ބައްޕައެއްގެ ގަދަރުދީފައިވާ މުހައްމަދު އަބްދުﷲ އާ ބައްދަލު ކުރިއެވެ.
އޭނާގެ މުޅިއުމުރު މަސްވެރިކަމުގައި ކަނޑުމަތީގައި ހޭދަކޮށްފައިވާ، ހއ މާރަންދުއަށް އުފަން އެރަށު ކަށިމާގޭ މުޙަންމަދު ޢަބްދުالله، އޭނާގެ އިލްމާއި ހިލްމު ބޭނުންކޮށްގެން ސޯލްޓްލައިފް ޓީމްގެ ލީޑަރެއްގެ ގޮތުގައި، އެމީހުންނަށް ބުނެދީ ކިޔައިދެމުން ދަތުރު ފެށިއިއިރު ހަވީރުވެއްޖެއެވެ.
ޑީޕް ފިޝްގެ ރަސްގެފާނު ކަމަށްވާ "ދަ ސްވޯޑްފިޝް" ބޭނުމުގެމަގުސަދު ޙާސިލުވެ ބޭނި މަސް
ކޮންމެއަކަސް ދާން ޖެހޭ ޕޮއިންޓަށް ދަތުރުކޮށް މި ޒުވާނުން މަސައްކަތް ފަށައި ކާމިޔާބުގެ އަލިކަން ފެނުނީ ދެގަޑިއިރަށްވުރެ ގިނައިރުންނެވެ. ދެމީހެއްގެ ގަދަ ފަދަ ހިތްވަރާއި ކެތްތެރިކަމުން، މަސްތިލަކޮށްލެވުނީ ދެގަޑިއިރާއި ބައިގަޑިއިރުގެ މަސައްކަތުންނެވެ. ދަތުރުގެ މަގުސަދު ހާސިލުކޮށް ކާމިޔާބު ކުރެެވުމުން، ކުރި މަަސައްކަތުން ވީ ވަރުބައްޔަށް ވުރެ އެމީހުންނަށް ލިބުނު އުފަލާއި ހިތަށް ލިބުނު ހަމަޖެހުން މާ ބޮޑެވެ.
ސޯލްޓްލައިފް ޓީމްގެ ހާއްސަ އުސޫލުތަކަކާއި ގަވާއިދުތަކެއް އޮވެއެވެ. އެމީހުން މިމަސް ބޭނުމަށް ދަތުރުކޮށް މަސް އޮތް ހިސާބަށް ދިޔައީވެސް "ފިޝްްފައިންޑަރ" ގެ އެހީއަކާނުލައެވެ. އަދި ޖިގިންގ ކުރާއިރު އެމީހުން ފަހަރެއްގައިވެސް އެމެއް ބޭނުން ނުކުރެއެވެ. ޓީމްގެ އުސޫލާއި އެމީހުންގެ ގަވާއިދާއި އާދަ ފުނޑުނުކޮށް ކުރި މަސައްކަތުން ލިބުނު ކާމިޔާބީ ފާހަގަކުރުމަށް އެމީހުން އަވަސް ވެގަތީ މަސް ކިރުމަށެވެ.
ދެމީހެއްގެ ގަދަ ފަދަ ހިތްވަރާއި ކެތްތެރިކަމުން، މަސްތިލަކޮށްލެވުނީ ދެގަޑިއިރާއި ބައިގަޑިއިރުގެ މަސައްކަތުންނެވެ
ބަރުދަނުގައި 35.5 ކިލޯ ހުރި ސްވޯޑްފިޝް ބާނާާފައި މި ވަނީ 350 މީޓަރު އަޑިންނެވެ.
މިކަމުގައި އޮތް އެންމެ ހާއްސަ އަނެއް ކަމަކީ ހެވީ ސްވޯޑްފިޝް ހިފުމަށް ބޭނުންކުރާ އާދައިގެ ސެޓަޕްގެ ބަދަލުގައި މި ސްވޯޑްގފިޝް ޖެއްސީ ޑީޕް ޖިގިންގ ސެޓަޕެއްގައި ކަމަށްވުމެވެ.
މި ކާމިޔާބީއާއި އުފާފާޅުކުރުމުގެ ގޮތުން، ޝުކުރު އަދާކުރާނެ މީހުންގެ ލިސްޓު ވަރަށް ދިގެވެ. އެހެންނަމަވެސް އެންމެ ހާއްސަަކޮށް ވަކި ނަންތަކެއް ފާހަގަކޮށްފައިވެއެވެ. އޭގެ ތެރޭގައި، ޑީބްލޫ މެރިންގެ އަބްދުالله އާއި، ހއ.ކެލާ، ފެގޯގެ އަހުމަދު ޚާލިދާއި، ހުސެން ސައީދަށް ހާއްސަ ޝުކުރެއް ދެންނެވިއެވެ. އަދި ސޯލްޓްލައިފް އާއި ގދ. ތިނަދޫ / ސޯމާ، އިބްރާހިމް ޝަރީފް ގެ ބަދަލެއް ނާންނަ އެއްބާރުލުން ފާހަގަކޮށް ޝުކުރުއަދާކުރިއެވެ.
ޑީޕް ފިޝްގެ ރަސްގެފާނު ކަމަށްވާ "ދަ ސްވޯޑްފިޝް" ބޭނުމަށް ބޭނުންކުރި ސެޓަޕްތެރެއިން…..
ސޯލްޓް ޓީމުން މުހައްމަދު އަބްދުﷲ ގެ ނަން ފާހަގަކުރީ ގަދަރާއި ލޯތްބާާއެކުގައެވެ. ހުއްޓުމެއް ނެތް ޝުކުރެއް މުހައްމަދު އަބްދުﷲއަށް އަދާކުރުމާއެކު ހއ މާރަންދޫ އަށާއި ސޯލްޓްލައިފްމޯލްޑިވެސް ގެ ހުރިހާ ހިތްވަރުގަދަ އެންގެލަރުންނަށް އައްސަރިބަހާއި ސާބަސްދީފައިވެއެވެ.
ޑީޕް ފިޝްގެ ރަސްގެފާނު ކަމަށްވާ "ދަ ސްވޯޑްފިޝް" ބޭނުމަށް ބޭނުންކުރި ސެޓަޕް
- ރީލް: މެކްސެލް ރޭޖް 90 މެޓް ބްލެކް ފްރޮމް ޑިބްލޫމެރިން.
- ރޮޑް: ގޫފިޝް ބްލޫ މެކްސް 500 ގްރާމް
- ބްރެއިޑް: ޖީބްރެއިޑް ގްރޭންޑް 48lb
- ލީޑަރ: ދައިވާ ސަލްޓިގާ 60lb
- ޖިގް: ކްރެކެން 600ޖީ – އަންޑަގްރައުންޑް
އިންސްޓަގްރާމްއިން މި ޓީމް ފޮލޯ ކުރެއްވުމަކީ ނުހަނު ބޮޑަށް އެދޭ ކަމެކެވެ.
ސޯލްޓްލައިފް މޯލްޑިވްސް އިން އަޑީގައި ދިރިއުޅޭ މަސްތައް ހިފުމުގެ މަސައްކަަތް އަބަދުވެސް ކުރިއަށް ގެންދާނެއެވެ. އެހެންނަމަވެސް މިވަގުތު އެމީހުންގެ ކުރުކުރު ޗުއްޓީ ނިންމާލާފައި އެނބުރި މާލެ އައިސް އެމީހުންގެ ވަޒީފާއަށް ދިއުމުގެ ތައްޔާރީތައް ކުރަމުންނެވެ.
އިންސްޓަގްރާމްއިން މި ޓީމް ފޮލޯ ކުރެއްވުމަކީ ނުހަނު ބޮޑަށް އެދޭ ކަމެކެވެ.
އިތުރު އަދާހަމަތަކަށް: @saltlifemaldives
ސޯލްޓްލައިފް މޯލްޑިވްސްގެ މި ވަރުގަދަ އަދި ފަހުރުވެރި ކާމީޔާބީއަށް ހުވަދޫމީޑިޔާގެ ޓީމުން އައްސަރިބަހާއި ސާބަސްދިނުމާއެކު ހޫނު މަރުހަބާއެއް ކިޔަމެވެ. އަދި ސޯލްޓްލައިފް މޯލްޑިވްސްއިން ކުރާ ކޮންމެ ސްޕޯޓްސްފިޝިންގ ދަތުރަކަށް ފަހިކަން ލިބުމަށް އެދެމެވެ.