މުޅިން އަލަށް އިތުރު 9 ކޯހަކާއިއެކު، އެކި ލެވެލްތަކުގެ 38 ކޯހަކަށް އެމްއެންޔޫ އިން ފުރުސަތު ހުޅުވާލައިފިއެވެ.
ތިނަދޫ ކެމްޕަހުން ބުނީ ދިވެހި ރާއްޖޭގެ ޤައުމީ ޔުނިވަރސިޓީ ތިނަދޫ ކެމްޕަހުގައި އޯގަސްޓް މަހުގައި ފެށުމަށް ހަމަޖެހިފައިވާ ކޯސްތަކަށް ކުރިމަތިލުމުގެ ފުރުޞަތު މިހާރު ވަނީ ހުޅުވާލާފައި ކަމަށެވެ.
ތިނަދޫ ކެމްޕަހުން އަލަށް ފައްޓާ ކޯސްތަކަކީ:
އޭ.އޭ.ޓީ ސެޓްފިކެޓް އިން އެކައުންޓިންގ (ލެވެލް 2)
އޭ.އޭ.ޓީ ސެޓްފިކެޓް އިން އެކައުންޓިންގ (ލެވެލް 3)
އޭ.ސީ.ސީ.އޭ އެޕްލައިޑް ސްކިލްސް
ސެޓްފިކެޓް 3 އިން ސައިންސް / ބިޒްނެސް / އާރޓްސް އެންޑް ސޯޝަލް ސައިންސަސް
ސެޓްފިކެޓް 3 އިން ހައުސް ކީޕިންގ
ޕްރޮފެޝަނަލް ސެޓްފިކެޓް އިން ހޮސްޕިޓަލިޓީ އެންޑް ޓޫރިޒަމް ލީޑަރޝިޕް
ބެޗްލަރ އޮފް އިސްލާމިކް ސްޓަޑިޒް (ދިވެހި)
އެމް.އެން.ޔޫ ތިނަދޫ ކެމްޕަހުން ހާމަކޮށްފައިވާ ގޮތުގައި، މާސްޓާސް ލެވެލްގެ 3 ކޯހަކާއި، ޕޯސްޓް ގްރެޖުއޭޓް ޑިޕްލޮމާ ލެވެލްގެ 2 ކޯހަކާއި، ބެޗްލަރސް ލެވެލްގެ 8 ކޯހާއި، އެޑްވާންސް ޑިޕްލޮމާ ލެވެލްގެ 3 ކޯހާއި، އެޑްވާންސްޑް ސެޓްފިކެޓް ލެވެލްގެ 8 ކޯހާއި އަދި ސެޓްފިކެޓް ލެވެލްގެ 14 ކޯހަކަށް ވަނުމަށް އެދި ފޯމު ހުށަހެޅުމުގެ ފުރުޞަތު 12 މެއި 2024 ވަނަ ދުވަހުން ފެށިގެން ވަނީ ހުޅުވާލެވިފައެވެ.
ކޯސްތަކަށް ވަނުމަށް އެދި ހުށަހެޅުމުގެ އެންމެ ފަހު ތާރީޚަކީ 25 ޖުލައި 2024 ވަނަ ދުވަހުގެ މެންދުރުފަހު 14:00 އެވެ.
ކޮންމެ އަހަރެއްގެވެސް ތިނަދޫ ކެމްޕަހުގައި ގިނަ ކޯސްތައް ހިންގައެވެ. މި ކޯސްތަކުގައި ރާއްޖޭގެ އެކި ސަރަހައްދުތަކުން ބައިވެރިވެއެވެ.
މި ކޯސްތަކާ ބެހޭ މަޢުލޫމާތު course.mnu.edu.mv އިން ލިބެން ހުންނާނެ ކަމަށްވެސް ބުނެފައި ވެއެެެވެ. ކޯސްތަކަށް އެޕްލައިކުރުން ހަމަޖެހިފައިވަނީ އޮންލައިންކޮށް portal.mnu.edu.mv ގައިވާ ޕޯރޓަލް މެދުވެރިކޮށެވެ. އިތުރު މަޢުލޫމާތު studentservices@mnu.edu. mv އަށް މެއިލް ކުރެއްވުމުން އަދި 1445 ފޯނާ ގުޅުއްވުމުން ލިބިވަޑައިގަންނަވާނެ ކަމަށްވެސް އެ ކެމްޕަހުން ބުނެފައިވެއެވެ.