ރައްޔިތުންގެ ހިޔާލު ހޯދުމަށްފަހު އަލްސަން ޕީއެންސީއާއި މިއަދު ގުޅުމުން ސަރުކާރަށް ތާއިދު ކުރާ ކެންޑިޑޭޓުންގެ އަދަދު 79 އަކަށް އަރައިފިއެވެ.
މުލިއާގޭގައި އޮތް ރަސްމިއްޔާތެއްގައި ގދ ތިނަދޫ ސިޓީ ދެކުނު ދާއިރާގެ މެމްބަރު މުހައްމަދު އަލްސަން އަހުމަދުގެ ފޯމާ ހަވާލުވެވަޑައިގަތީ ޕީއެންސީގެ ރައީސް އަދި ރައީސް ޑރ. މުހައްމަދު މުއިއްޒު އެވެ.
ތިނަދޫ ސިޓީ ދެކެނު ދާއިރާގެ އިންތިހާބީ މެމްބަރު މުހައްމަދު އަލްސަން އަހުމަދު އެ ސީޓީއަށް ދާދިފަހުން ވަޑައިގެން ދާއިރާގެ ވަރަށް ގިނަ ރައްޔިތުންނާ ވަކިވަކިން ވަނީ ބައްދަލު ކުރައްވާ ސަރުކާރާ ގުޅުމާއި މެދު ޚިޔާލު ހޯއްދަވާފައެވެ. އެ ދަތުރުގައި އަލްސަންއަށް ވަނީ ހޫނު މަރުހަބާއެއް ކިޔައިފިއެވެ.
ރައީސްޑރ. މުހައްމަދު މުއިއްޒު އަދި ޕީއެންސީގެ ޓީމް ތިނަދޫ ދެކުނު ދާއިރާގެ އިންތިހާބީ މެންބަރު އަލްސަންއާއެކު
އެޕްރީލްގައި ބޭއްވުނު 20 ވަނަ ރައްޔިތުންގެ މަޖިލީހުގެ އިންތިހާބުގައި އަލްސަން ވަނީ ބޮޑު އައުލަބިއްތަޔަތަކުން އިންތިހާބު ކާމިޔާބު ކުރައްވާފައެވެ.
20 ވަނަ ރައްޔިތުންގެ މަޖިލީހުގެ އިންތިހާބު ބޭއްވުނީ ނިމިދިޔަ އޭޕްރީލް މަހުގެ 21 ވަނަ ދުވަހުގައެވެ. އެ އިންތިޚާބުގައި ޕީއެންސީއަށް ލިބުނީ 66 ގޮނޑިއެވެ. ނަމަވެސް އިންތިޚާބުގެ ފަހުގައި ސޮއި ކުރި އިންތިޚާބީ މެމބަރުންނާ އަލްސަންގެ ފޯމާއިއެކު މިހާރު ޕީއެންސީއަށް ލިބިފއިވަނީ 75 ދާއިރާ އެވެ. ޕީއެންސީއަށް ތާއިދުކުރާ އެހެންޕާޓީތަކުގެ މެމްބަރުންނާއިއެކު ޕީއެންސީއަށް ލިބިފައިވަނީ ޖުމްލަ 79 ގޮނޑިއެވެ.
އަންނަ ރައްޔިތުންގެ މަޖިލީހުން ދިވެހި ރާއްޖޭގެ އެންމެ ބޮޑު ޕާޓީ އެމްޑީޕީއަށް ލިބުނީ 12 ގޮނޑި އެވެ.
ކުރިއަށް އޮތް 20 ވަނަ ރައްޔިތުންގެ މަޖިލީހުގެ މެންބަރުން ހުވާ ކުރެއްވުން އޮންނާނީ މިމަހުގެ 28 ވަނަ ދުވަހު އެވެ.