"ގަން މުލަ ގައްދޫ" ޝިޕްރެކް ޕޮއިންޓް، ޓޫރިސްޓުންގެ މަންޒިލަކަށް ގައްދޫ ހެދުމަށް އެޅި ރަނގަޅު ބިންގަލެއް
2018 ވަނަ އަހަރުން ފެށިގެން ގދ. ގައްދޫ ފަޅުތެރޭގައި ފައްތާލެވިފައި އޮތް ބޯޓެއް ގައްދޫގެ އިޚްތިޞާސް ތެރޭގައިވާ ގަމު ފަޅުތެރެއަށް ބަދަލުކޮށްގެން ރާއްޖެއަށް ޒިޔާރަތްކުރާ ފަތުރުވެރިންގެ ޝައުގުވެރިވާނޭ ފަދަ ތަނެއް ހެދުމަށް މިއަދު ފެށި މަސައްކަތަކީ ގައްދޫގެ ފަތުރުވެރިކަމަށް އެރަށު ކައުންސިލުން އެޅި ރަނގަޅު ބިންގަލެކެވެ.
" ގަން މުލަ -ގައްދޫ ޝިޕްރެކް " ނަމުން ނަން ދެވިފައިވާ އެ ތަން ދުނިޔޭގެ މާރުކޭޓަށް ދައްކާ ލެވިއްޖެނަމަ ބޮޑު ތާރީޚެއް އޮތް ގާމާ ގައްދޫގައި ކުރަމުންދާ ދިވެހިވަންތަ މަސައްކަތްތައް ފުޅާވެގެންދާނެ ކަމަށް ބެލެވެއެވެ. އަދި ދިވެހި އެ ސަޤާފަތާއިއެކު ލާމެހިއްޖެ ނަމަ މިއަދު ގެ ފެށުން ވެގެން ދާނީ ކާމިޔާބު މަސައްކަތަކަށްކަން ކަށަވަރެވެ.
ގދ. ގައްދޫ ފަޅުތެރޭގައި ފައްތާލެވިފައި އޮތް ބޯޓެއް ގައްދޫގެ އިޚްތިޞާސް ތެރޭގައިވާ ގަމު ފަޅުތެރެއަށް
ގައްދޫ ކައުންސިލުގެ މައިގަނޑު އަމާޒަކީ ވެސް ލޯކަލް ޓޫއަރިޒަމްގެ މަންޒިލަކަށް އެ ސަރަޙައްދު ހަދައި ލޯކަލް ޓުއަރިޒަމް ކުރިއެރުވުމެވެ.
ގަމު މުލަ ގައްދޫ ޝިޕްރެކް ޕޮއިންޓަށް މިއަދު ބަނދަރު ކުރި ބޯޓަކީ މީގެ 6 އަހަރު ކުރިން ހުވަދޫކަނޑު ތިލައިގެ ހުޅަނގު ބޭރުން ގައްދޫގެ މަސް ދޯންޏަކަށް ފެނިފައިވާ ސްރީލަންކާގެ އުޅަނދެކެވެ. ގައްދޫގެ މަސްވެރިން ވަނީ އެ އުޅަނދު ގައްދޫއަށް ގެންގޮސް ފުލުހުންނާ ޙަވާލުކޮށްފައެވެ.
އެ ގޮތުގައި ދުވަސްތަކެއް ވުމަށްފަހު، ގައްދޫ ކައުންސިލްގެ ބެލުމުގެ ދަށަށް އެ ބޯޓް ގެނެސްފައިވަނީ 2022 ވަނަ އަހަރު އެވެ. ބޯޓު ކައުންސިލާއި ހަވާލުކުރި އިރުވެސް ވީރަނާވެފައިވާ އެ ބޯޓުގެ އެއްބައި އެ ރަށުގެ ފަޅުތެރެއަށް ފެތިފައެވެ.
ފަޅުތަކާ ކަނޑުގެ އަޑިޔަށް ފެތިފައި ހުންނަ ބޯޓުފަހަރު ބެލުމަށް ޑައިވް ކުރުމަކީ ގެސްޓުން ވަރަށް ކުރާ ހިތްވާ ކަމެކެވެ