މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ)ގެ ޑިރެކްޓަރަކަށް އިބްރާހިމް ޝިއުރީ އައްޔަންކޮށްފިއެވެ.
ޝިއުރީ އެންމެ ފަހުން މަސައްކަތް ކުރެއްވީ ވޯލްޑް ބޭންކު “އެންހޭންސިން އެމްޕްލޮޔަބިލިޓީ އެންޑް ރެޒިލިއެންސް އޮފް ޔޫތް” ޕްރޮޖެކްޓެއްގެ ސްޓިއަރިން ކޮމިޓީ މެމްބަރެއްގެ ގޮތުގައެވެ.
ޝިއުރީ މިހާރު ހުންނެވީ ޓީޓީ އެސޯސިއޭޝަންގެ ނައިބު ރައީސްގެ މަގާމުގައެވެ.
އެމްއެމްޕީއާރސްީގެ އެމްޑީކަމަށް ޝިއުރީ އައްޔަނުކުރައްވާފައިވާއިރު މިދިޔަ މަހުގެ 22 ވަނަ ދުވަހު އެމްއެމްޕީއާރްސީގެ ޑިރެކްޓަރުގެ މަގާމުގައި ހުންނެވި ފާތިމަތު ތައުފީޤު (ކުޑީ) ވަނީ ވަކިކޮށްފައެވެ. އަދި އެމްއެމްޕީއާރުސީގެ ޗެއާޕާސަންގެ މަގާމުގައި ހުންނެވި އަައިޝާ ނޫރައިން ނަޖާހު ވަނީ މަގާމުން އިސްތިއުފާ ވެސް ދެއްވާފައެވެ.
އެހެންވެ އެ ކުންފުނީގެ ހިންގުން ވަގުތީ ގޮތުން ހަވާލުކޮށްފައިވަނީ އެ ކުންފުނީގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ހުންނެވި މުހައްމަދު ބައްސާމު އާދަމްއާއެވެ.