އީދު ބަންދާއި ދިމާކޮށް އަތޮޅު ތެރެއިން މާލެއަށް އެކިއެކި ބޭނުންތަކަށް މާލެ ދަތުރުކުރާ ފަރާތްތަކަށް ހާއްސަ ޕްރޮމޯޝަނެއް ދިވެހި ގައުމީ އެއާލައިން މޯލްޑިވިއަނުން ފަށައިފި އެވެ.
ގައުމީ އެއާލައިން، މޯލްޑިވިއަންއިން ބުނީ މިއީ އީދު ބަންދާއި ދިމާކޮށް ހާއްސަކޮށް އެކިއެކި ޒަރޫރީ ބޭނުންތައް ފުއްދުމަށްޓަކައި މާލެ ދަތުރުކުރާ ފަރާތްތަކަށް ހުޅުވާލި ހާއްސަ ޕްރޮމޯޝަނެއް ކަމަށެވެ. މިގޮތަށް ނިންމީ އަތޮޅުތެރޭގެ ރަށްތަކުން މާލެއަށް ދަތުރު ކުރާ ފަރާތްތަކަށް ދަތުރު ލުއި ފަސޭހަކޮށްދިނުމުގެ ގޮތުންކަމަށް މޯލްޑިވިއަންއިން ބުންޏެވެ.
މިމަހުގެ 13 އިން 16 އަށް މާލެ ދަތުރު ކުރާނަމަ ހެޔޮ އަގުގައި ޓިކެޓު ލިބޭނެ އެވެ. އަދި ޖޫން 17 އިން 24 އަށް އަނބުރާ ރަށަށް ދާނަމަ މި ޕްރޮމޯޝަންގެ ތެރެއިން ޓިކެޓު ލިބޭނެ އެވެ.
ފެއާގެ ދަށުން ޓިކެޓުގެ އަގުތައް؛
ކޫއްޑޫއިން މާލެއަށް: 1،111 ރުފިޔާ
މާފަރުން މާލެއަށް: 999 ރުފިޔާ
މަޑިވަރުން މާލެއަށް: 949 ރުފިޔާ
ކައްދޫއިން މާލެއަށް: 1،055 ރުފިޔާ
ހަނިމާދޫއިން މާލެއަށް: 1،111 ރުފިޔާ
ތިމަރަފުށިން މާލެއަށް: 1،111 ރުފިޔާ
ފުނަދޫއިން މާލެއަށް: 1،055 ރުފިޔާ
ފުވައްމުލަކުން މާލެއަށް: 1،155 ރުފިޔާ
މާވަރުލުން މާލެއަށް: 1،133 ރުފިޔާ
އިފުރުން މާލެއަށް: 999 ރުފިޔާ
ހޯރަފުށިން މާލެއަށް: 1،133 ރުފިޔާ
ގަމުން މާލެއަށް: 1،222 ރުފިޔާ
ކާޑެއްދޫއިން މާލެއަށް: 1،333 ރުފިޔާ
ފަރެސްމާތޮޑާއިން މާލެއަށް: 1،133 ރުފިޔާ
ދަރަވަންދޫއިން މާލެއަށް: 749 ރުފިޔާ
މި ޕްރޮމޯޝަންގެ ދަށުން މިހާރު ސީޓު ބުކް ކުރެވޭނެކަމަށް މޯލްޑިވިއަންއިން ބުނެފައިވެ އެވެ. އިތުރު މައުލޫމާތު ހޯދުމަށް އެ އެއާލައިންގެ ވެބް ސައިޓަށް ޒިޔާރާތް ކޮށްލެވޭނެ އެވެ. މޯލްޑިވިއަންއިން އަންނަނީ މިފަދަ މުނާސަބަތުތަކުގައި ޓިކެޓް އަގުހެޔޮކުރަމުންނެވެ.