ގިނަ އަހަރުތަކަކަށްފަހު ރައީސުލްޖުމްހޫރިއްޔާ ރައްޔިތުންނާއެކު ހުސްމައިދާނެއްގައި ބޮޑު ޖަމާއަތުގައި އީދު ނަމާދު ކުރައްވައިފިއެވެ.
މި ސަރުކާރުގައި އައި ފުރަތަމަ އީދު، ފިތުރު އީދުގައި ރައިސް މުއިއްޒު އީދު ނަމާދުކުރެއްވީ އިސްލާމީ މަރުކަޒުގައެވެ. އެހެންނަމަވެސް އަޟުހާ އީދު ނަމާދަށް މިއަދު އެމަނިކުފާނު ވަނީ ދެ ދަރިކަލުންނާއެކީ މާފައްނު ފުޓުބޯޅަ ދަނޑުގައި އޮތް ބޮޑު ޖަމާއަތުގައި ބައިވެރިވެވަޑައިގެންފައެވެ.
މާލޭގައި ބޮޑު ޖަމާއަތުގައި ކުރި އީދު ނަމާދު….ފޮޓޯ:ރައީސްއޮފީސްއެކްސް
އަޟްޙާ އީދާ ގުޅިގެން ބޮޑު ޖަމާއަތުގައި ކުރި އީދު ނަމާދުގައި ރައީސް ޑރ. މުހައްމަދު މުއިއްޒު ބައިވެރިވެވަޑައިގެންފައިވާއިރު، އެންމެ ފަހުން މިގޮތަށް ރައްޔިތުންނާއެކު ދިވެހިރާއްޖޭގެ ވަލިއްޔުލްއަމްރު ނުވަތަ ރާއްޖޭގެ ރައީސުލްޖުމްހޫރިއްޔާ އީދު ނަމާދު ކުރައްވާފައި ވަނީ މީގެ ދިހަ އަހަރު ކުރިން، ރ. މުހައްމަދު ވަހީދު ހަސަން މަނިކުގެ ރައީސްކަމުގައެވެ.
އޭގެ ފަހުން ހުސްމައިދާނުުގައި ބޮޑު ޖަމާއަތުގައި އީދު ނަމާދަށް ތައްޔާރު ކުރި ނަމަވެސް އެއްވެސް ރައީސަކު ވަޑައިގެން ރައްޔިތުންނާއެކު އީދު ނަމާދުގެ ޖަމާއަތުގައި ބައިވެރިވެވަޑައިގެންފައެއް ނުވެއެވެ.
މާލޭގައި ބޮޑު ޖަމާއަތުގައި ކުރި އީދު ނަމާދު….ފޮޓޯ:ރައީސްއޮފީސްއެކްސް
އެހެންކަމުން މިއަދު ފެނުނު މިމަންޒަރާއެކު ރައީސް ޑރ މުއިއްޒަށް ގިނަބަޔަކު ވަނީ ތައުރީފުކޮށް ޝުކުރު ދަންނަވާފައިވެއެވެ.
މާފަންނު ސްޓޭޑިއަމްގައި އޮތް އީދު ނަމާދުގެ ބޮޑު ޖަމާޢަތުގައި ބައިވެރިވެ ވަޑައިގެން ޢީދު ނަމާދު ކުރެއްވުމަށް ފަހު ރައީސް ވަނީ ނަމާދަށް ގޮސް ތިބި ބައެއް މީހުންނާ ސަލާމް ކުރައްވައިފަ އެވެ. އޭގެ ތެރޭގައި ގިނަ އަދަދެއްގެ ކުޑަކުދިން ހިމެނެ އެވެ.