އެކިފަހަރުމަތިން މާލޭގެ މިސްކިތްތަކުން ވައްކަންކޮށްގެންް 21 މައްސަލައެއް ފުލުހުންނަށް ހުށަހަޅާފައިވާ ކަމަށް ފުލުހުން ބުނެފިއެވެ.
ފުލުހުން ބުނީ މިއީ އަހަރުގެ މިހާތަނަށް މިސްކިތްތަކުން ވައްކަން ކޮށްގެން ހުށައެޅިފައިވާ އަދަދު ކަމަށެވެ. ވައްކަމުގެ މި މައްސަލަތަކުގައި މިހާތަނަށް ހޯދިފައިވަނީ 6 ފަންކާ،އަކާ 2 ފޯނެއްގެ އިތުރުން ފެންމޯޓަރެއް ކަމަށްވެސް ފުލުހުން ވަނީ ބުނެއެވެ.
މޭލެ މިސްކިތްތަކުން ވައްކަންކޮށްގެން ފުލުހުންނަށް ހުށައެޅުނު އަދަދުކަމަށް ފުލުހުން މިއަދު ހާމަ ކޮށްފައިވާއިރު އީދު މިސްކިތުން މި މަހު އެކަނި 10 ފަންކާ ވަގަށް ނަގާފައިވާ ކަން، މާލެ ސިޓީ ކައުންސިލުން ވަނީ ކަންބޮޑުވުން ފާޅުކޮށްފައެވެ.
މިދިޔަ މާޗު މަހުގެ ތެރޭގައިވެސް ވަނީ މާލެ ތަގުވާ މިސްކިތުން ހަތް ފަންކާއެއް ވަގަށް ނަގާފައެވެ. އަދި ދަރުމަވަންތަ މިސްކިތުން ވެސް ފަންކާއެއް ވަގަށްނަގާފައިވާ ކަމަށް މާލެ ސިޓީ ކައުންސިލުން ހާމަ ކޮށްފައިވެއެވެ.
މާލެ ސިޓީ ކައުންސިލުން މިއަދު އެކްސްގައި ކުރި ޕޯސްޓެއްގައި ބުނީ މިސްކިތްތަކުން ވައްކަން ކޮށް ތަކެއްޗަށް ގެއްލުންދީ ނެހެދުމަށެވެ.
މާލޭގެ މިސްކިތްތަކުން ފަންކާ ވަގަށް ނެގުން ބޮޑުކަމަކަށްވެފައިވާއިރު، މި ދިޔަ މާރޗް މަސްތެރޭގައި ތަގްވާ މިސްކިތުން ވައްކަންކުރިމީހާ ހޯދައި ހައްޔަރު ކުރެވުނު ކަމަށް އޭރު ފުލުހުން ވަނީ ބުނެފައެވެ.