ސްޓޭޓް ޓްރޭޑިން އޯގަނައިޒޭޝަން، (އެސްޓީއޯ)ގެ 2023 ވަނަ އަހަރުގެ އަހަރީ އާންމު ޖަލްސާ ކުރިއަށް އޮތް ޖުލައި މަހުގެ 12 ވަނަ ދުވަހު ބާއްވާ ގޮތަށް ހަމަޖައްސައިފިއެވެ.
އެސްޓީއޯގެ މިދިޔަ އަހަރުގެ އަހަރީ އާންމު ޖަލްސާ ބާއްވަން ހަމަޖެހިފައިވަނީ ހުޅުލޭގެ ނީރީ ލައުންޖުގައެވެ. އެ ކުންފުނީގެ ހުރިހާ ހިއްސާދާރުންނަށްވެސް ވަނީ ޖަލްސާގައި ބައިވެރިވުމަށް ދައުވަތުދީފައެވެ.
ހަމައެހެންމެ މައިކްރޯސޮފްޓް ޓީމްސް ލައިވް އިވެންޓްސް މެދުވެރިކޮށް އޮންލައިން ބައްދަލުވުމުގައި ބައިވެރިވުމުގެ ފުރުސަތު ހިއްސާދާރުންނަށް އޮންނާނެއެވެ.
ދާދި ފަހުން އެސްޓީއޯ އިން ކުރި އެކްސް.ޕޯސްޓެއްގައި އެކުންފުނީގެ ހިއސާދާރުންނަށް ދައުވަތުދީ ހާޒިރުވެ ތިބެ ވަރޗުއަލްކޮށް ބައިވެރިވެވޭނެ ގޮތަށް އެޓެންޑެންސް ބަލައިގަނެވޭނެކަން ވެސް ވަނީ ފާހަގަކޮށްފައެވެ.
އެސްޓީއޯއިން ވަނީ ހިއްސާދާރުން ބައިވެރިވުމަކީ ކިހާ މުހިންމުކަމެއްކަން ބުނެދީ އިތުރު ތަފްސީލާއި ރަޖިސްޓްރީ ކުރުމަށް ލިންކުތައް ފޯރުކޮށްދީފައެވެ. އަދި މިއިވެންޓާ ބެހޭ އިތުރު މައުލޫމާތު ހޯދުމަށް ހިއްސާދާރުންނަށް ދީފައިވާ ޔޫއާރްއެލް އަށް ޒިޔާރަތް ކުރުމަށް ބާރުއަޅާފައިވެއެވެ.
އެސްޓީއޯ ޕޯޓަލް މެދުވެރިކޮށް އޭޖީއެމް އަށް ރަޖިސްޓްރީވުމުގެ މަސައްކަތް ފުރިހަމަ ކުރެވޭނެއެވެ. އަހަރީ އާންމު ޖަލްސާގައި ހިއްސާދާރުންނަށް ކުންފުނީގެ ލީޑަރޝިޕް ގުޅުންބަދަހި ކުރުމާއި ފާއިތުވެދިޔަ އަހަރެއްހައި ދުވަސް ތެރޭގައި އެޖަމިއްޔާގެ މަސައްކަތްތައް މުރާޖައާ ކޮށް ކުރިއަށް އޮތް ތަނުގައި ރާވާފައިވާ ޕްލޭންތަކުގެ މަޝްވަރާކުރުމުގެ ފުރުސަތު ލިބިގެންދާނެއެވެ. މި ހައިބްރިޑް އެޕްރޯޗުގެ މަގުސަދަކީ ބައިވެރިވުން އިތުރުކޮށް ހުރިހާ ހިއްސާދާރުން ކޮންމެތާކު ތިއްބަސް މަޝްވަރާތަކުންނާއި ނިންމުންތަކުގައި ބައިވެރިވެވޭވެ ގޮތް ހަމަޖެއްސުމެވެ.