ހައުސިންގ ޑެވެލޮޕްމެންޓް ކޯޕަރޭޝަން (އެޗްޑީސީ) އިން ހުޅުމާލެއާއި މާލެ ޑިޖިޓަލްކޮށް ގުޅުވާލަދޭ މުޅިން އައު ހައި ކެޕޭސިޓީ ފައިބަރ އޮޕްޓިކް ނެޓްވޯކް ގާއިމް ކޮށްފިއެވެ.
އެޗްޑީސީ އިން ވަނީ މީގެ ކުރިން ހުޅުމާލޭގެ ފުރަތަމަ ފިޔަވަހީގައާއި ދެވަނަ ފިޔަވަހީގައި ވެސް ގާއިމުކޮށްފައެވެ. އެހެންނަމަވެސް މާލެއާއި ހުޅުމާލެއާ ދެމެދު މި ހިދުމަތުން ގުޅުވާލާ މިއީ ފުރަތަމަ ފަހަރެވެ.
މި ނެޓްވޯކުގެ ތެރެއިން އެޗްޑީސީ އިން މިހާރު ވަނީ ލީސް ލައިން އާއި ޑާކް ފައިބަރގެ ހިދުމަތަށް އެދުމުގެ ފުރުސަތު ވިޔަފާރިތަކަށް ހުޅުވާލާފައެވެ.
މިއީ ވިޔަފާރިތަކަށް އެކަށީގެންވާ ކުޑަ އަގެއްގައި ދޫކުރާ ހިދުމަތްތަކެކެވެ.
ހުޅުމާލެއާއި މާލެ ޑިޖިޓަލީ ގުޅާލަދޭ އެޗްޑީސީގެ ހައި ކެޕޭސިޓީ ފައިބަރ އޮޕްޓިކް ނެޓްވޯކް ގުޅާލައިފި – ފޮޓޯ: އެޗްޑީސީ
އަދި މި ނެޓްވޯކް ގާއިމްވުމާއެކު، ޑާކް ފައިބަރ ކަނެކްޓިވިޓީ ހިދުމަތަށް ފުރަތަމަ ސޮއިކުރި ކަސްޓަމަރަށް މޯލްޑިވްސް އިސްލާމިކް ބޭންކް (އެމްއައިބީ) ވަނީ ވެގެން ގޮސްފައެވެ. މި އެއްބަސްވުމުގައި އެމްއައިބީއާއެކު ސޮއިކުރީ ޖޫން މަހުގެ ހަތަރުވަނަ ދުވަހެވެ.
ހުޅުމާލެއާއި މާލެ ޑިޖިޓަލީ ގުޅާލަދޭ އެޗްޑީސީގެ ހައި ކެޕޭސިޓީ ފައިބަރ އޮޕްޓިކް ނެޓްވޯކް ގުޅާލައިފި – ފޮޓޯ: އެޗްޑީސީ
މި ހިދުމަތަށް އެދޭ ވިޔަފާރިތަކަށް އެންމެ އަވަސް ސްޕީޑުގައި ކަނެކްޝަން ގުޅައިދެވޭނެ .ކަސްޓަމަރުންނަށް ދިމާވެދާނެ މައްސަލަތަކަށް ހައްލު ހޯދައިދިނުމަށްޓަކައި އެ ކުންފުނީގެ ޓީމުގެ ފަރާތުން 24 ގަޑިއިރުގެ ހިދުމަތް ލިބިގެންދާނެއެވެ.
އޭގެ އިތުރުން، މިހާރު ހިނގަމުންދާ ޕްރޮމޯޝަންގެ ތެރެއިން، ކޮންމެ ކަސްޓަމަރަކަށްވެސް އެއް މަސް ދުވަހުގެ ފްރީ ޓްރަޔަލް ޕީރިއަޑެއް ލިބިގެންދާނެއެވެ.
ރާއްޖޭގެ ވިޔަފާރިތަކަށް އަތްފޯރާ ފަށުގައި ޑޭޓާ ކަނެކްޓިވިޓީ ފޯރުކޮށްދިނުމުގެ އިތުރުން މި ކޯޕަރޭޝަނުން އަބަދުވެސް މަސައްކަތް ކުރަނީ ރައްޔިތުންނަށް ވީހާވެސް ލުއިގޮތްތަކެއް ހޯދައިދި ނުމަށެވެ.