ގދ އަތޮޅު ކައުންސިލް މެމްބަރުން ތިނަދޫ މިއުޒިއަމް ޕާކާއި، ވޯޓާރ ޕާކް ބައްލަވާލައްވައިފިއެވެ.
ތިނަދޫ ކައުންސިލް ރައީސް ވިދާޅުވީ، އަތޮޅުގެ ކައުންސިލް ތަކުން ތިނަދޫގެ މިއުޒިއަމް ޕާކް ފެހިކުރުމަށް އެއްބާރުލުން ދޭނެ ކަމަށް ކައުންސިލް ތަކުގެ ރައީސުން ވިދާޅުވި ކަމަށެވެ.
ސައުދު އިތުރަށް ވިދާޅުވީ، ކައުންސިލްތަކުގެ ރައީސުންނާއި އަދި ކައުންސިލްތަކާއި ގުޅިގެން ތިނަދޫ މިއުޒިއަމް ޕާކަށް އަތޮޅުގެ ކައުންސިލްތަކުން ކޮށްދެވެން ހުރި ކަންތައްތަކާ ގުޅޭގޮތުން އިތުރު މަޝްވަރާތަކެއް ކުރާނެ ކަމަށެވެ.
މިއަދު މިއުޒިއަމް ޕާކަށް ކުރެއްވި ޒިޔާރަތުގައި މަޑަވެލި އަދި ގައްދޫ ކައުންސިލްގެ ރައީސުން ފިޔަވާ ގދ އަތޮޅުގެ ހުރިހާ ކައުންސިލްތަކުގެ ރައީސުން ބައިވެރިވިއެވެ.