މީގެ 13 އަހަރު ކުރިން އަންހެން ކުއްޖަކު ރޭޕް ކުރި މައްސަލައެއްގައި ހައްޔަރު ކުރި މީހަކު ވައްކަމުގެ މައްސަލައެއްގައި ހައްޔަރުކޮށް ބަންދަށް މުއްދަތު ޖަހަައިފިއެވެ.
ލ. މާބައިދޫގައި 2011 ވަނަ އަހަރު މެއި މަހުގެ 24 ވަނަ ދުވަހުގެ ރޭ މަގުމަތިން ހިނގާފައި ދިޔަ 18 އަހަރުގެ އަންހެންކުއްޖަކު ގަދަކަމުން އެރަށު ފުއްޓަރު ފަރާތަށް ގެންގޮސް، ރޭޕްކުރި ކަމަށް ތުހުމަތުކުރެވޭ މައްސަލައެެއްގައި ފަސް މީހަކު ހައްޔަރު ކުރިއެވެ.
މި މައްސަލައާ ގުޅިގެން ހައްޔަރުކޮށްފައިވާ މީހުންގެ ތެރޭގައި އެރަށު ސީސައިޑް، ހުސެއިން އާފިޒް ހިމެނެއެވެ. އޭނާއަކީ އެއިރުވެސް ވައްކަމުގެ ރެކޯޑް އޮންނަ މީހެެއް ކަމަަށް ވެއެވެ.
މި މީހާ އެންމެ ފަހުން ހައްޔަރުކޮށް، އިއްޔެ ކޯޓުން 15 ދުވަހަށް ބަންދުކޮށްފައި ވަނީ ހުއްދަ ނެތި ގޯތި ގެދޮރަށް ވަނުމާއި، ވައްކަން ކުރި މައްސަލައެއްގައެވެ. އޭނާގެ މައްޗަށް ތުހުމަތުކޮށްފައިވާ ކުށް އޭނާ ކުރި ކަަމަށް ތުހުމަތު ކުރެވޭ ކޮންމެވެސް މިންވަރަކަށް ހެކި ހުށަހަޅާފައިވާ ކަަމަށްވެސް ބުނެފައި ވެއެވެ.
އަދި އޭނާއަކީ ހައްޔަރު އަދި ބަންދުގެ ރެކޯޑް އޮންނަ މީހެއް ކަަމަށްވެސް ކޯޓު އަމުރުން އެނގެއެވެ.