މޯލްޑިވްސް އެއާޕޯޓްސް ކޮމްޕެނީ ލިމިޓެޑް ގެ މުވައްޒަފުންނަށް ހާއްސަކޮށްގެން ކުރިއަށް ގެންދާ ހެލްތް ސްކްރީނިން ޕްރޮގްރާމެއް މިއަދު ފަށައިފިއެވެ.
މިއަދު ފެށި މި ޕްރޮގްރާމުގައި އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފު މުހައްމަދާއި އެ ކުންފުނީގެ އިސްވެރިން ވަނީ ބައިވެރިވެވަޑައިގެންފައެވެ.
އެމްއޭސީއެލުން ބުނީ، ސޭފްޓީ، ސެކިއުރިޓީ އެންޑް ކޮމްޕްލިއެންސް ޑިޕާޓްމެންޓުގެ އޮކިއުޕޭޝަނަލް ހެލްތް ޓީމުން ކުރިއަށް ގެންދާ ސްކްރީނިންގައި ބޮޑީ މާސް އިންޑެކްސް (ބީއެމްއައި) އެސެސްމެންޓް، ދަތުގެ ޗެކްއަޕް، ލޮލުގެ ސްކްރީނިންގެ އިތުރުން ހަކުރު ބައްޔަށް ޓެސްޓް ކުރުން ކުރިއަށްދާނެ ކަމަށެވެ.
ވެސް އެމްއޭސީއެލް އިން ބުނި ގޮތުގައި ތިން ދުވަހުގެ މި ޕްރޮގްރާމަކީ އެ ކުންފުނީގެ މުވައްޒަފުންގެ ސިއްހީ ދުޅަހެޔޮކަން ކަށަވަރު ކުރުމަށް ހާއްސަ ކޮށްގެން ކުރިއަށް ގެންދާ ޕްރޮގްރާމެއް ކަމަށެވެ.