ކީރިތި ރަސޫލާގެ އަނބިކަނބަލަކަށް ނިސްބަތްކޮށް ރާއްޖޭގައި ނަންދެވޭ ފުރަތަމަ މިސްކިތް ހުޅުމާލޭގައި ގާއިމް ކުރަން ނިންމައިފިއެވެ.
އިސްލާމިކް މިނިސްޓަރު ޑރ. ޝަހީމް އަލީ ސައިދު ވިދާޅުވީ އެ މިސްކިތަކީ މަދީނާ އިންވެސްޓްމަންޓުގެ ފަރާތުން ހުޅުމާލެގައި ބިނާކުރާ މިސްކިތެެއް ކަމަށާއި، އިސްލާމީ ދިރާސާކުރަން ބޭނުންވާ ފަރާތްތަކާއި ކިޔަވާކުދިންނަށް ދެ ނަމާދު ދޭތެރޭ ކިޔަވަން ތިބެވުމާއި ރިސާރޗް ހަަދާ އަދި އެސައިންމަަންޓް ހަދަން ތިބެވޭ ގޮތަށް ފުރިހަމަ ލައިބްރަރީއަކާ އެކު 2 ބުރިއަށް ބިނާކުރެވޭ މިސްކިތެއް ކަމަށެވެ.
ކީރިތި ރަސޫލާ صلى الله عليه وسلمގެ އަނބިކަނބަލަކަށް ނިސްބަތްކޮށް ރާއްޖޭގައި ނަންދެވޭ ފުރަތަމަ މިސްކިތުގެ ކުރެހުމެއް/ފޮޑޯ : އިސްލާމިކް މިނިސްޓަރު
އެ މިސްކިތުގައި އެތެރެއާއި ބޭރާއެކު 2 ހާހެއްހާ މީހުންނަށް ނަމާދު ކުރެވޭނެ. މާތް ﷲ ގެ ހެޔޮ ރަޙުމަތްފުޅުން މިފެށޭ މަހުގައި މި މިސްކިތުގެ ބިންގާ އަޅައި މަސައްކަތްފަށާނެ. އެ މިސްކިތަކީ ރިސާރޗް ލައިބްރަރީއަކާ އެކު ޤާއިމު ކުރާ ފުރަތަމަ މިސްކިތް. މިނިސްޓަރު ޝަހީމް
މީގެ އިތުުރުން ޝަހީމް ވިދާޅުވީ މައުލޫމާތު ކުށްކަމުގައި ނުވާ ނަމަ އެ މިސްލިތަކީ ކީރިތި ރަސޫލާގެ އަނބިކަނބަލަކަށް ނިސްބަތްކޮށް ރާއްޖޭގައި ނަންދެވޭ ފުރަތަމަ މިސްކިތް ކަމަށެވެ. އަދި ފުރިހަމަ ސޯލާ ނިޒާމަކުން ކަރަންޓު ދެވި އޭސީކުރެވޭ މިސްކިތެއް ކަމަށާއި، އަންހެނުންނަށް ވެސް ނަމާދު ކުރެވޭ ޖާގަ އެތަނުގައި ހުންނާނެ ކަމަށެވެ. އަދި ޚާއްޞަ ފާޚާނަތައްވެސް ހުންނާނެ ކަމަށެވެ.