އިންޑިއާއިން ކާބޯތަކެތި އައްޑޫސިޓީއަށް ފެށުން އިންޑިއާގެ މީޑިއާތަކުން އެދެނީ ހިދުމަތް މެދުނެކެނޑި ކުރިއަށް ގެންދިއުންކަމުގައި ރިޕޯޓްތަކުން ބުނެފިއެވެ.
މިހިދުމަތް ފެށުމާއިއެކު ޓެމިލް ނާޑޫގެ ޓުޓިކޮރިން ބަނދަރުން އައްޑޫގެ ހިތަދޫ ބަނދަރަށް ސީދާ ޝިޕިން ރޫޓެއް ވެސް ވަނީ ހުޅުވައިފައި ކަމަށް އިންޑިއާގެ މީޑިއާ ތަކުން ރިޕޯޓް ކޮށްފައިވެއެވެ.
މި ހިދުމަތް ދިނުމަށް ހަމަޖެހިފައިވަނީ ރާއްޖެއަށް އެންމެ ގިނައިން މޭވާ އާއި ތަރުކާރީ ސަޕްލައިކުރާ ކެރެލާގެ ފިނެސް ގްރޫޕުން ކަމަށް ރިޕޯޓުގައި ވެ އެވެ. "މިއީ އެމްޕީއެލް އާއި ހިތަދޫ ރީޖަނަލް ޕޯޓް އަދި އިންޑިއާގެ ޝިޕްޕީ ގުޅިގެން ކުރިއަށް ގެންދާ އާ ޗެޕްޓާއެއް ކަމަށާއި މިއީ ދެގައުމުގެ ދޭތެރޭގައި އޮންނަ އެކުވެރިކަމާއި ވިޔަފާރީގެ ގުޅުން އިތުރަށް ބަދަހިވެގެންދާނެ ކަމެއްކަމުގައި ރިޕޯޓުތައް ބުނެއެވެ.
އެޓޯލް ޓައިމްސް ނިއުސް ޕޯޓަލް އިން ބުނީ މީގެ އެތައް އަހަރެއް ކުރިން ޓުޓިކޮރިން އިން އައްޑޫއަށް ޕެރިޝަބަލް ކާޑުގެ ބާވަތްތައް ގެނައީ ލަކުޑި އުޅަނދުތަކުގައި ކަމަށާއި އެ ތަކެތި ދަތުރު ކުރެވޭނީ އަހަރުގެ ވަކި ގަޑިތަކެއްގައި އެކަނި ކަމަށެވެ. އެކަމަކު މިހާރު ބޮޑެތި ކާގޯބޯޓުތަކާއި އެކު މެދުކެނޑުމެއް ނެތި ރާއްޖެއަށް ކާބޯތަކެތި ގެނެވޭނެ ކަމަށެވެ.
މޯލްޑިވްސް މެރިޓައިމް ޖާނަލް (އެމްއެމްޖޭ) އިން ބުނީ މިއީ އައްޑޫ ސިޓީގެ ލޮޖިސްޓިކްސް ލޭންޑްސްކޭޕް ބަދަލުކުރުމަށް ތައްޔާރުވެފައިވާ ތާރީހީ ކުރިއެރުމެއް ކަމަށެވެ. އެކަން ސިފަކުރަމުން މޯލްޑިވްސް މެރިޓައިމް ޖާނަލް (އެމްއެމްޖޭ) އިން ބުނީ މި މަސައްކަތުގެ ސަބަބުން މުދާ އިމްޕޯޓް ކުރުމުގައި ހިނގާ ޚަރަދާއި ކޮމްޕްލިކޭޝަން ވަރަށް ބޮޑުތަނުން ކުޑަވެގެންދާނެ ކަމަށެވެ.
އެމްޕީއެލްގެ ސީއީއޯ މުހައްމަދު ވަޖީހު އިބްރާހީމާ ހަވާލާދީ އެމްއެމްޖޭއިން ބުނީ މިކަމުގެ ސަބަބުން އައްޑޫ ރައްޔިތުންނަށް ބޮޑެތި ލުއިފަސޭހަތަކެއް ލިބިގެންދާނެ ކަމަށެވެ. މާލެއަށް މުދާ ފޮނުވުމުގެ ބަދަލުގައި ސީދާ އައްޑުއަށް ޝިޕިން ކުރުމުން ތަކެތީގެ އަގު ބޮޑު ނުވެ އައްޑޫސިޓީގެ ރައްޔިތުންނާއި އަދި ދެކުނު ރައްޔިތުންނަށް މިކަމުގެ ސަބަބުން ގިނަ ފައިދާތަޮކެއް ލިބިގެންދާނެ ކަމަށެވެ.