ހުރިހާ ފަހަރެއްގައި ކާމިޔާބު ނުލިބޭނެ ކަމަށާއި އެހެންނަމަވެސް ނުގުޑާ ފަދަ އަޒުމެއްގައި ދަރިވަރުން ދެމި ތިބުމަށް ރައީސް ޑރ. މުހައްމަދު މުއިއްޒު ނަސޭހަތްތެރިވެވަޑައިގެންފިއެވެ.
ރައީސުލްޖުމްހޫރިއްޔާ ދެއްވާ ހާއްސަ ސްކޮލަރޝިޕާއި، ހައި އެޗީވާސް ސްކޮލާޝިޕްގެ ލިޔުން ހަވާލު ކުރުމަށް ބާއްވާ ޖަލްސާގައި ވާހަކަފުޅު ދައްކަވަމުން ރައީސް ޑރ މުހައްމަދު މުއިއްޒު ވިދާޅުވީ އަޒުމަކީ ނުގުޑާ ފަދަ އަޒުމަކަށް ވާން ވާނެ، ކަމަށެވެ. ރައީސް ވަނީ މަތީ ތައުލީމު ހާސިލް ކުރުމުގެ ބޭނުމަކީ ދިރިއުޅުމެއް ފެށުމަށާއި، އާމްދަނީ ހޯދުމަށް ކަން ފާހަގަކުރައްވާފައެވެ. ރައީސް ވިދާޅުވީ މިކަންކަން ހާސިލު ވާނީ މިހިސާބަށް އައުމަށް އަޒުމުކަނޑައެޅި ގޮތަށް މަތީ ވަނަތައް ދެން ހުރި މަރުލަހާގައި ވެސް ހޯދަން އަޒުމް ކަނޑައަޅައިގެން ކަމަށް ރައީސް ވިދާޅުވިއެވެ.
ރައީސް ވަނީ ހުރިހާ ފަހަރެއްގައި ކާމިޔާބު ލިބޭނެ ފަހަރެއް ނޫންކަމަށާއި ހުރިހާ ފަހަރަކީ އުފާވެރި ގޮތަކަށް ކަންކަން ވާނެ ފަހަރުތަކެއް ނޫންކަމަށް ވިނަމަވެސް އަޒުމު ވަރުގަދަ ވާން ޖެހޭނެކަން ދަރިވަރުންނަށް ހަނދާން ކޮށްދެއްވާފައެވެ.
“ހުރިހާ ފަހަރެއްގައި ކާމިޔާބީއެއް ނުލިބޭނެ، ހުރިހާ ފަހަރަކީ އެންމެ އުފާވެރި ގޮތަކަށް ކަންކަން ވާނެ ފަހަރުތަކެއް ނޫން. އެހެން ނަމަވެސް އަޒުމް ވަރުގަދަވާނެ ޖެހޭނެ. އަޒުމަކީ ނުގުޑާ ފަދަ އަޒުމަކަށް ވާން ވާނެ، އެ އަަޒުމް މަތީ ތިބެން ޖެހޭނެ،”. ރައީސް ވިދާޅުވިއެވެ.
ރައީސް ވިދާޅުވީ ކުދިންގެ ދިރިއުޅުން ފެށެނީ އަދި ކިރިޔާ ކަމަށާއި އެހެން ނަމަވެސް މުހިންމު މަރުހަލާއެއް ކަޑައްތު ކުރުމަށްފަހު ދިރިއުޅުން ފެެށިގެންދާއިރު، އެ ރާސްތާއަށް ދިއުމަށްޓަކައި ވަރަށް މުހިންމު ކަންތައްތައް ދަރިވަރުން ހާސިލް ކުރާނެ ކަމަށް ރައީސް ވިދާޅުވިއެވެ.
ދިރިއުޅުމަށްޓަކައި މުހިންމު އަޒުމެއް ކަނޑައަޅާއިރުގައި އެންމެ ފުރަތަމަވެސް ހަނދާނަށް ގެންނަން ޖެހޭނީ، އިސްލާމް ދީނުގެ މަތީގައި ފައިތިލަ ސާބިތްކޮށްގެން ހުރި ފަހުރުވެރި މުސްލިމެއްކަން ކަމަށްވެސް ރައީސް ވަނީ ވިދާޅުވެފައެވެ،