ލޯކަލް ގަވަރުމެންޓް އޮތޯރިޓީގެ ބޯޑް މެމްބަރުކަމަށް ށ. އަތޮޅުގެ ރައީސް އިންތިހާބު ވެއްޖެއެވެ.
ލޯކަލް ގަވަރުމެންޓް އޮތޯރިޓީގެ ބޯޑަށް އަތޮޅު ކައުންސިލް ރައީސުންގެ ތެރެއިން އިންތިހާބު ކުރަންޖެހޭ މެމްބަރުން ހޮވުމަށް ބޭއްވުނު އިންތިހާބުގެ ނަތީޖާ ދައްކާގޮތުން ހޮވިފައިވަނީ ށ. އަތޮޅުގެ ރައީސް މުހައްމަދު ޝިޔާމްއެވެ.
ޝިޔާމް އެލްޖީއޭގެ ބޯޑުގެ ގޮނޑި ކާމިޔާބު ކުރެއްވީ 9 ވޯޓުންނެވެ.
މި އިންތިހާބު ބޭއްވުނީ ބުދަދުވަހުއެވެ.
ކައުންސިލްތައް ތަމްސީލްކުރައްވުމަށް އެލްޖީއޭގެ ބޯޑުގައި 3 މެންބަރުން ތިބެންޖެހެއެވެ. ޝިޔާމް އިންތިހާބުވެފައިވަނީ އަތޮޅުކައުންސިލުން ތަމްސީލުކުރަންޖެހޭ ދާއިރާ އަށެވެ.
މީގެ ކުރިން އެލްޖީއޭގެ ބޯޑު މެމްބަރެއްގެ ގޮތުގައި ހުންނެވީ ކ. އަތޮޅުގެ ރައީސް މުހައްމަދު ނިމާލެވެ. އޭނާ އެމަގާމުން އިސްތިއުފާ ދެއްވީ ނިމިދިޔަ ޑިސެމްބަރު މަސްތެރޭގަ އަމިއްލަ ދިރިއުޅުމުގެ ކަންކަން ހުރިގޮތުން ރަށުން ބޭރުގައި ވަޒީފާ އަދާކުރުމަށް ދަތިތަކެއް ހުރުމުންކަމަށް ވިދާޅުވެއެވެ.