ފުވައްމުލަކުގައި ހާލުދެރަވި ކުޑަކުއްޖަކު، މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)ގެ އެހީތެރިކަމާއި އެކީ އިތުރު ފަރުވާއަށް އައްޑޫއަށް ގެންގޮސްފިއެވެ.
އެމްއެންޑީއެފުން މައުލޫމާތު ދެމުން ބުނީ ފުވައްމުލަކު ސިޓީއިން ހާލު ދެރަވި މި ކުއްޖާއަކީ އެސިޓީގެ ހޮސްޕިޓަލުގައި ފަރުވާދެމުން ދިޔަ ކުއްޖެއް ކަމަށާއި ކުއްޖާގެ ހާލު ދެރަވުމުން، ސިއްހީ އަވަސް ފަރުވާދިނުމަށް ސީ އެމްބިއުލާންސްގައި އައްޑޫ އެކުއެޓޯރިއަލް ހޮސްޕިޓަލަށް ގެންގޮސްދީފައިވާ ކަމަށެވެ.
އެކުއްޖާއަށް ފަރުވާ ދިނުމަށް އައްޑޫ އެކުއެޓޯރިއަލް ހޮސްޕިޓަލަށް ގެންދެވުނު ނަމަވެސް އެކަމާއި ބެހޭ އިތުރު ތަފްސީލެއް އެމްއެންޑީއެފުން ހާމަކޮށްފައެއް ނުވެއެވެ.