55 އަހަރުން މަތީގެ އިސްރަށްވެހިންގެ ތެރެއިން އަތުން މާޖަހާ، ވިޔުމަށް ޝައުގުވެރިކަން ހުންނަ ފަރާތްތަކަށް ހުޅުވާލައިގެން މާޖަހަން ދަސްކޮށްދޭ ކޯހެއް ކުރިއަށް ގެންދިއުމަށް ނިންމައިފިއެވެ.
އިސްރަށްވެހިންގެ ނާދީގައި ކުރިއަށް ގެންދާ ހުނަރު ޕްރޮގްރާމުގެ ތެރެއިން މާޖެހުމުގެ ޕްރޮގްރާމަކީ 55 އަހަރުން މަތީގެ އިސްރަށްވެހިންގެ ތެރެއިން އަތުން މާޖަހާ، ވިޔުމަށް ޝައުގުވެރިކަން ހުންނަ ފަރާތްތަކަށް ހުޅުވާލައިގެން ކުރިއަށްގެންދާ ޕްރޮގްރާމެކެވެ.
މި ޕްރޮގުރާމްއަކީ ޖުވައިރިޔާ ވަޖުދީ (ޖުވޭ) ނަގައިދެއްވާ ގޮތަށް ކުރިއަށްދާ ޕްރޮގުރާމްއެކެވެ. އެ ޕްރޮގްރާމް އޮންނާނީ ހަފްތާގެ ކޮންމެ އަންގާރަ ދުވަހެއްގެ ހަވީރު 4:00 އިން 6:00 އަށް އިސްރަށްވެހިންގެ ނާދީގައި ކަމަށް ވެސް ބުނެފައި ވެއެވެ.
އެ ޕްރޮގުރާމްގައު 35 ބާވަތުގެ މަސައްކަތް ދަސްކޮށްދެމުންދާނެއެވެ.
އެ ޕްރޮގްރާމުގައި ބައިވެރިވުމަށް އިސްރަށްވެހިންގެ ނާދީގެ ނަންބަރު 3027586 އަށް ގުޅުއްވައިގެން އަދި ޕްރޮގްރާމު އޮންނަ ގަޑިއަށް އިސްރަށްވެހިންގެ ނާދީއަށް ޒިޔާރަތްކޮށްލައިގެން ވެސް ނަންނޯޓު ކުރެވޭނެ ކަމަށްވެސް ވަނީ ބުނެފައެވެ.