އިސްމާއިލް ހަބީބު ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ މެންބަރުކަމުގެ މަގާމުގެ އަސާސީ ޝަރުތު ފުރިހަމަވާ ކަމަށް ނިންމައިފިއެވެ.
އިސްމާއިލް ހަބީބް އެމަގާމަށް އައްޔަނުކުރުމަށް މަޖިލީހަށް ނަން ފޮނުވާފައިވަނީ މި މަހު 15 ގައެވެ.
ރައީސް ޑރ.މުހައްމަދު މުއިއްޒު މަޖިލީހަށް ފޮނުއްވި ސިޓީފުޅުގައި ވިދާޅުވެފައިވަނީ އެޗްއާރްސީއެމްގައި ހުސްވެފައިވާ މެންބަރު ކަމުގެ މަގާމަށް މެންބަރަކު އައްޔަން ކުރަން ރައީސް އޮފީހުން ކުރި އިއުލާނަށް އިޖާބަ ދެއްވި ބޭފުޅުންގެ ތެރެއިން އެމަނިކުފާނަށް ފެނިވަޑައިގަންނަވާ ނަމަކީ އިސްމާއިލް ހަބީބްގެ ނަން ކަމުގައެވެ.
ހަބީބުގެ ނަން ދިރާސާ ކުރުމަށް ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީއަށް މަޖިލީސް ރައީސް އަބްދުއްރަހީމް ވެސް ވަނީ ފޮނުއްވާފައެވެ.
މިއަދު މަޖިލީހުގެ ހިއުމަންރައިޓްސް އެންޑް ޖެންޑާ ކޮމެޓީއަށް ހަބީބު ވަނީ ހާޒިރު ކުރައްވާފައެވެ، އެގޮތުން އެކޮމެޓީން ނިންމާފައިވަނީ އޭނާއާއި ގުޅޭ އާންމު ޝަކުވާއެއްވޭތޯ ބެލުމައްޓަކައި ހުޅުވާލި ފުރުސަތުގައި އޭނާއާއި ގުޅޭ އެއްވެސް ޝަކުވާއެއް ލިބިފައިނުވާތީ އެމަގާމަށް ޝަރުތު ހަމަވާ ކަމަށެވެ.
ހަބީބަކީ އިލެކްޝަން ކޮމިޝަންގައި 21 އަހަރު ދުވަހުގެ ދިގުތާރީހެއްގައި ހިދުމަތް ކުރެއްވި ބޭފުޅެކެވެ.