އެމްޑީޕީ ޤައުމީ މަޖިލީހުގެ ބައި-އިލެކްޝަންގައި ވޯޓުލުމުގެ ހައްޤު ލިބިފައިވާ މީހުންގެ ލިސްޓު އާންމުކޮށްފިއެވެ.
އެމްޑީޕީ ޤައުމީ މަޖިލީހުގެ ބައި-އިލެކްޝަން ބާއްވާނީ އަންނަ އޯގަސްޓު މަހުގެ 2 ވާ ހުކުރު ދުވަހުއެވެ. އިންތިޚާބުގައި ވޯޓުލުން ކުރިއަށް ގެންދާނީ އެދުވަހު މެންދުރު 14:00 އިން ރޭގަނޑު 21:30 އާއި ހަމައަށެވެ.
މި އިންތިޚާބުގައި ވޯޓުލުމުގެ ހައްޤު ލިބިގެންވާ މީހުންގެ ދާއިމީ ލިސްޓު އެޕާޓީން މިހާރު ވަނީ އާންމުކޮށްފައެވެ. އެގޮތުން 25 ދާއިރާއަކަށް 10،683 މީހުން ވޯޓުލާނެއެވެ. މި ލިސްޓު އެ ޕާޓީގެ ވެބްސައިޓުގައި މިހާރު ވަނީ ޝާޢިއުކޮށްފައެވެ.
މިބައި-އިލެކްޝަންގައި މާލޭ ސަރަޙައްދުގައި 27 ފޮށްޓެއް ބަހައްޓާއިރު، ރަށްރަށުގައި 24 ފޮޓެއް ބަހައްޓާނެއެވެ.