ލިލީ ބީޗް ރިސޯޓުގައި މަސައްކަތް ކުރާ މުވައްޒަފުންތަކެއްގެ އެކައުންޓަށް މުސާރައިގެ ގޮތުގައި 77 ބިލިއަން އެމެރިކާ ޑޮލަރު ޖަމާވެއްޖެ އެވެ.
މައުލޫމާތު ލިބިފައިވާ ގޮތުގައި މިއަދު ހެނދުނު ހޭލިއިރު ބައެއް މުވައްޒަފުންގެ އެކައުންޓަށް، އެމީހުންގެ ބޭންކު އެކައުންޓު ނަމްބަރާއި އެއް އަދަދަކަށް ފައިސާ ވަނީ ޖަމާވެފަ އެވެ. އެގޮތުން ލިލީ ރިސޯޓުގެ ހަތަރު މުވައްޒަފަކު ހެނދުނު ބީއެމްއެލް އެޕަށް ވަދުނުއިރު 77 ބިލިއަން ޑޮލަރު ޖަމާވެފައި ހުރި ކަމަށާއި އެހެންނަމަވެސް ކުޑަ ވަގުތުކޮޅެއްގެ ތެރޭގައި އެޕްލިކޭޝަނަށް ނުވަދެވުނު ކަމަށް ވެއެވެ.
ލިލީ ބީޗް މުވައްޒަފުންތަކެއްގެ އެކައުންޓަށް 77 ބިލިއަން ޑޮލަރު ވަނީ ޖަމާވެފައި. އެއް މުވައްޒަފެއްގެ ސްލިޕް.
ބެލެވޭ ގޮތުގައި މިކަން ހިނގާފައިވަނީ އޮޅިގެންނެވެ.
މިފަދަ ކަމެއް ހިނގާފައިވާއިރު މިއަދު މެންދުރުއްސުރެއް ބީއެމްއެލް އެޕްލިކޭޝަން ވަނީ ޑައުންވެފަ އެވެ. ބޭންކުން ބުނީ މޯބައިލް ބޭންކިންގް އާއި އިންޓަނެޓް ބޭންކިންގެ އިތުރުން ވެބްސައިޓުގެ ހިދުމަތްވެސް ދިމާވި މައްސަލައަކާއި ގުޅިގެން ވަގުތީ ގޮތުން މެދުކަނޑާލާފައިވާ ކަމަށެވެ.
ބީއެމްއެލްއިން ބުނާ ގޮތުގައި މައްސަލަ ހައްލު ކުރުމުގެ މަސައްކަތް މިހާރު ދަނީ ކުރިއަށެވެ. އަދި ވީ އެންމެ އަވަހަކަށް ހިދުމަތް އަލުން ދޭނެ ކަމަށްވެސް އެ ބޭންކުން ބުންޏެވެ.