ރާއްޖޭގެ މެރިޓައިމް ދާއިރާއަށް ގެންނަމުންދާ ބަދަލުތަކުގެ ތެރެއިން ކުޅުދުއްފުށި ސިޓީގައި މޯލްޑިވްސް ޕޯޓްސް ލިމިޓެޑް ( އެމްޕީއެލް) އިން ގާއިމް ކުރާ ބޯޓްޔާޑުގެ %95 މަސައްކަތް ނިއްމާލައި ފިއެވެ.
ކުޅުފުއްފުށި އިންޓަރނޭޝަނަލް ބަނދަރުގައި އިމާރާތް ކުރަމުންދާ 15000 އަކަފުޓޫގެ މި އިމާރާތުގެ މަސައްކަތް ހިނގާގޮތް ބައްލަވާލެއްވުމަށް އެކުންފުނީގެ ސީއީއޯ ވަނީ މިއަދު ވަނީ ސައިޓަށް ޒިޔާރަތް ކުރައްވާފައެވެ.
އެމްޕީއެލުން ކުޅުދުއްފުށީގައި ތަރައްގީކުރާ ބޯޓު ޔާޑުގެ މަސައްކަތް އެމްޕީއެލްގެ ސީއީއޯ އަދި އެމްޕީއެލްގެ އިސްވެރިން ބައްލަވާލައްވަނީ/ފޮޓޯ: އެމްޕީއެލް
މަސައްކަތް ކުރިއަށްދާ ގޮތް ހާމަކުރައްވަމުން ސީއީއޯ ވަޖީހު ވިދާޅުވީ މިއީ އިހަވަންދިއްޕޮޅުގައި މެރިޓައިމް ދާއިރާއަށް ގެންނަން ހަމަޖެހިފައިވާ ހިދުމަތްތަކުގެ ތެރެއިން މުހިންމު ބައެއް ކަމަށެވެ.
މީގެ އިތުރުން ރައީސް ޑރ މުއިއްޒުގެ ސިޔާސަތަކީ މުޅި ދިވެހިރާއްޖެއަށް މެރިޓައިމް ދާއިރާ ފުޅާކުރުން ކަމަށްވާއިރު މި މަސައްކަތުގެ ތެރެއިން މެރިޓައިމް ދާއިރާއާއި ގުޅުންހުރި ގިނަ ހިދުމަތްތައް އުތުރުގައި އެމްޕީއެލުން ކުރިއަށް ގެންދަވާނެ ކަމަށެވެ.
ކުޅުދުއްފުށި ސިޓީގައި އިމާރާތް ކުރާ ބޯޓު ޔާޑު ތަރައްޤީކުރާ ޕްރޮޖެކްޓްގެ ދަށުން ރާއްޖޭގެ މާކެޓަށް ބޭނުންވާ ތަފާތު އެކި ބާވަތްތަކުގެ އުޅަނދު ބަނުމުގެ މަސައްކަތް ކުރިޔަށް ގެންދާނެ އެވެ.
އެމްޕީއެލުން ކުޅުދުއްފުށީގައި ތަރައްގީކުރާ ބޯޓު ޔާޑުގެ މަސައްކަތް އެމްޕީއެލްގެ ސީއީއޯ އަދި އެމްޕީއެލްގެ އިސްވެރިން ބައްލަވާލައްވަނީ/ފޮޓޯ: އެމްޕީއެލް
އެމްޕީއެލްގެ ބަޖެޓުން 26 މިލިއަން ރުފިޔާ ހަރަދުކޮށްގެން، އެމްޓީސީސީ އާއި ހަވާލު ކޮށްގެން ކުރިއަށްދާ މިޕްރޮޖެކްޓުގައި މިހާރު ކުރިއަށްދަނީ ބޯޓުޔާޑުގެ ވޯކްޝޮޕް އިމާރާތުގެ ފިނިޝިން މަސައްކަތްތަކެވެ. މިމަސައްކަތްތައް ނިންމައި މިމަހުގެ ތެރޭގައި ހިދުމަތް ފަށައިގަނެވޭނެއެވެ.
ހަމަމިއާއި އެކު ބޯޓުޔާޑަށް ބޭނުންވާ މުވައްޒަފުން ނެގުމުގެ މަސައްކަތް މި ފެށޭ ހަފްތާގައި އިއުލާން ކުރެވޭނެކަމަށް އެމްޕީއެލުން ބުނެއެވެ.
ދިވެހި ސަރުކާރުން މުޅިން އާ ސިނާއަތެއްގެ މަސައްކަތް ފެށުމަށް އެންމެފަހުގެ ތައްޔާރީތައް ވަމުން ދާއިރު އިހަވަންދިއްޕޮޅުގައި މިދާއިރާއި ގުޅުން ހުރި ގިނަކަންކަން ފެށުމަށްދަނީ ތައްޔާރުވަމުންނެވެ. އެސްޓީއޯއިން އޮޕް ޝޯ އޮއިލް ބަންކަރިން ސާވިސް ދިނުމަށް މިމަހު ފަށާއިރު މިކަމަށް ބޭނުންވާ އިންފުރަސްޓުރަކްޗަރ ގާއިމު ކޮށްދެނީ ވެސް އެމްޕީއެލް އިންނެވެ.
އެމްޕީއެލުން ކުޅުދުއްފުށީގައި ތަރައްގީކުރާ ބޯޓު ޔާޑުގެ މަސައްކަތް އެމްޕީއެލްގެ ސީއީއޯ އަދި އެމްޕީއެލްގެ އިސްވެރިން ބައްލަވާލައްވަނީ/ފޮޓޯ: އެމްޕީއެލް
ހއ. އުލިޖަމުގައި އެމްޕީއެލް އިން ގާއިމް ކުރާ މި އޮފީސް ސެޓަޕުގައި، އެމްޕީއެލްގެ މުވައްޒަފުންގެ އިތުރަށް، ކަސްޓަމް ގެ މުވައްޒަފުންނާއި، އެމްއެންޑީއެފް، އިމިގުރޭޝަން އަދި ޕޯޓް ހެލްތުގެ މުވައްޒަފުން ނަށް މަސައްކަތް ކުރެވޭނެ ސެޓަޕް ހެދިފައި ވާނެ ކަމަށް އެމްޕީއެލް އިން މައުލޫމާތު ދެއެވެ.
އެމްޕީއެލުން ކުޅުދުއްފުށީގައި ތަރައްގީކުރާ ބޯޓު ޔާޑުގެ މަސައްކަތް އެމްޕީއެލްގެ ސީއީއޯ އަދި އެމްޕީއެލްގެ އިސްވެރިން ބައްލަވާލައްވަނީ/ފޮޓޯ: އެމްޕީއެލް
އެމިއިމާރާތް މިމަސް ނިމުމުގެ ކުރިން އޮޕަރޭޝަނަށް ގެނެވޭނެއެވެ. މިމަސައްކަތުގެ ވެސް %98 މަސައްކަތް މިހާރު ވަނީ ނިމިފައެވެ.
މިހިދުމަތްތަކުގެ ތެރެއިން ހއ އުލިގަމުގައި ތަރައްގީ ކުރާ ޔޮޓް މެރީނާގެ ބިން އިއްޔެވަނީ އެމްޕީއެލާއި ހަވާލުކޮށްފައެވެ. ބިން ހަވާލު ކުރުމާއި އެކު އެތަން ތަރައްގީ ކުރާނެ ބަޔަކު ހޯދުމަށް އެމްޕީއެލުން ވަނީ އިއުލާންކޮށްފައެވެ.