މި އަހަރު ހުރިހާ އަތޮޅު ހޮސްޕިޓަލުތަކުގައި ޑަޔަލިސިސް ގެ ހިދުމަތް ގާއިމް ކުރެވޭނެ ކަމަށް މިނިސްޓަރު ހެލްތް މިނިސްޓަރު ޑރ އަބްދުﷲ ހަލީލް ވިދާޅުވެއްޖެއެވެ.
މިނިސްޓަރު މިހެން ވިދާޅުވީ ރައްޔިތުންގެ މަޖިލީހަށް ހާޒިރުވެ މެންބަރަކު ކުރެއްވި ސުވާލަކަށް ޖަވާބު ދެއްވަމުންނެވެ. މިނިސްޓަރު ވިދާޅުވީ ސަރުކާރުން އަމާޒު ހިފާފައިވަނީ މި އަހަރު ތެރޭގައި އަތޮޅު ހޮސްޕިޓަލް ތަކުގައި ޑައިލެސިސްގެ ހިދުމަތް ފެށުން ކަމަށާއި އެކަމަށްޓަކައި ކުރަން ޖެހޭ ކަންތައްތައް ކުރަމުންދާ ކަމަށެވެ.
މި ހިދުމަތް ރާއްޖޭގައި މިހާރު 12 އަތޮޅުގައި ލިބެމުންދެއެވެ. މި ހިދުމަތް ލިބެން ނެތީ 8 އަތޮޅުގައެވެ. އެ 8 އަތޮޅަކީ:
– އއ އަތޮޅު
– އދ އަތޮޅު
– ވ އަތޮޅު
– މ އަތޮޅު
– ފ އަތޮޅު
– ދ އަތޮޅު
– ތ އަތޮޅު
– ގދ އަތޮޅު
މާލެއާއި އެއް ފެންވަރަށް ޑަޔަލިސިސް ސެންޓަރުގެ ހިދުމަތް ކޮންމެ އަތޮޅެއްގެ މައި ހޮސްޕިޓަލުން ލިބޭނެ ގޮތް ހަމަޖެއްސުމަކީ ސަރުކާރުގެ އަމާޒެއް ކަމަށް މިނިސްޓަރު މީގެ ކުރިން ވިދާޅުވެފައިވެއެވެ. މީގެ އިތުރުން ޑަޔަލިސިސްގެ ހިދުމަތް ރާއްޖޭގެ ހުރިހާ އަތޮޅެއްގައި ތައާރަފް ކުރުމަކީ ރައީސް ޑރ. މުއިއްޒުގެ ރިޔާސީ ވައުދުފުޅެއް ކަން ފާހަގަކޮށްލެވެއެވެ.