އަހަރުމެން ދިވެހިންނަކީ ނިކަން ފަސޭހައިން ކާބޯތަކެތި ފްރިޖަށް ލާބައެކެވެ. އެހެނަސް އެއީ ގިނަ ފަހަރަށް އެހާ ރަނގަޅު ކަމަކަށް ނުވެއެވެ. ފިނިކުރާ އާލާތުގައި (ފްރިޖުގައި) ބަހައްޓަން ނުވާނެ 10 ބާވަތެއްގެ ކާބޯތަކެތީގެ ވާހަކަ ދައްކަމާ ހިނގާށެވެ. މިފަދަ މަޢުލޫމާތު އާންމުކޮށް ދެވެނީ ކާބޯތަކެތި ރަނގަޅަށް ރައްކާކުރުމަށާއި، އޭގެ ރަހައާއި ފެންވަރު ދެމެހެއްޓުމަށް އެހީތެރިވުމުގެ ގޮތުންނެވެ. ބައެއް ކާބޯތަކެތި ފިނިކޮށްފައި ބެހެއްޓުމުން އޭގެ ރަހައަށާއި ފެންވަރަށް އަސަރުކޮށް، އަވަހަށް ހަލާކުވެދާނެތީ މިފަދަ މަޢުލޫމާތު ދިނުމަކީ މުހިންމު ކަމެއްކަމަށް ދެކެމެވެ.
1- އަލުވި
ފިނި، އަނދިރި ތަންތަނަކީ އަލުވި ރައްކާކުރުމަށް އެންމެ ރަނގަޅު ތަންތަނެވެ. ނަމަވެސް ފްރިޖްގައި ހުންނަނީ މާ ފިނިކޮށެވެ. އަލުވި ފިނިވުމުން، އޭގައި ހުންނަ ނިޝަސްތާ ހަލާކުވެ، ހުރަސްވެ ދާނެއެވެ. ފްރިޖްގައި ބެހެއްޓުމުން ނިޝަސްތާ ހަކުރަށް ބަދަލުވެ، އަލުވީގެ ރަހަ އިތުރަށް ދަށްވެގެންދާނެއެވެ.
2- ލޮނުމެދު
ފްރިޖުގައި ލޮނުމެދު ބެހެއްޓުމުން، މޭޒުމަތީގައި ބެހެއްޓުމަށްވުރެ އަވަހަށް ހަލާކުވުން ހުއްޓުވޭނެއެވެ. އެހެންނޫނީ، ކުއްލިއަކަށް ލޮނުމެދު ކުނިވެ، މުޑުދާރުވެފައި ހުންނާނެއެވެ. ލޮނުމެދު ރައްކާކުރާއިރު، އާންމު ފިނިހޫނުމިނުގައި އަދި ސީދާ އިރުގެ އަލިކަން ނުލިބޭގޮތަށް ބަހައްޓަންވާނެއެވެ. ލޮނުމެދުގެ ފޮތި ނަގައި، ކަނޑާފައިވާނަމަ، ފްރިޖުގައި ބަހައްޓަންވާނެއެވެ. ފްރިޖުގައި ތަރުކާރީ ވަށިގަނޑުގައި، ބަންދުކުރެވޭ ކޮތަޅެއްގައި ރައްކާކުރަންވާނެއެވެ.
3- މެލަން
މޭވާ (ކެންޓަލޫޕް، ކަރާ، އަދި ހަނީޑިއު ފަދަ) ގޭގެ އާންމު ފިނިހޫނުމިނުގައި ރައްކާކުރުމަކީ އެންމެ ރަނގަޅު ގޮތެވެ. ބައެއް ދިރާސާތަކުން ދައްކާ ގޮތުގައި މޭވާ ފިނިކޮށްފައި ބެހެއްޓުމުން އޭގެ އެންޓިއޮކްސިޑެންޓްތައް އަވަހަށް ނެތިގެން ދެއެވެ. އެހެންކަމުން ގޭގެ އާންމު ފިނިހޫނުމިނުގައި ކެއުމުން އެއީ ވަރަށް ފައިދާ ހުރި ކާއެއްޗެކެވެ. މޭވާ ކަނޑާލުމަށްފަހު ގާތްގަނޑަކަށް 3-4 ދުވަހު ވަންދެން ފިރިޖުގައި ބެހެއްޓިދާނެއެވެ.
4- މާމުއި
ފިނިކޮށްފައި ބަހައްޓާ ތަނެއްގައި މާމުއި ބެހެއްޓުމުން އޭގެ ސިފަ ބަދަލުވެ، ގަނޑުވެގެންދާނެއެވެ. މިގޮތަށް ގަނޑުވުމުން މާމުއި ހިރުގަނޑުވެ، ހަރުވެގެންދާނެއެވެ. އެހެންކަމުން މިގޮތަށް ގަނޑުވެފައި ހުންނަ މާމުއި ބޭނުންކުރަން އުނދަގޫވެ، ބޭނުންކުރަން ހިތްގައިމުނުވާނެއެވެ. މާމުއި އާންމު ފިނިހޫނުމިނެއްގައި ރައްކާކޮށްފައި ބެހެއްޓުމުން ގިނަ ދުވަހަށް ހަލާކުނުވެ ބެހެއްޓޭނެއެވެ. ގަނޑުވެފައިވާ މާމުއި އަނބުރާ ދިޔާކުރެވިދާނެއެވެ. މިގޮތަށް ދިޔާކުރުމަށްޓަކައި މާމުއި ހުންނަ ފުޅި ހޫނުފެން ތަށްޓެއްގައި މަޑުމަޑުން ހޫނުކޮށްލުމުން ވާނެއެވެ.
5- ޕާން
އާންމު ގޮތެއްގައި، ޕާން ގިނަ ދުވަހު ނުބެހެއްޓޭނެ އޭގައި ކުނި އަޅަން ފަށާތީއެވެ. އެއީ ވަރަށް އަވަހަށް ހަލާކުވާ އެއްޗެކެވެ. ބައެއް މީހުން ޕާން ފްރިޖަށްލަނީ ކުނި އެޅުން ހުއްޓުވުމަށެވެ. ނަމަވެސް އެހެން ހެދުމުން ޕާން ހިކިދާނެއެވެ.އަދި ބޭނުން ކުރުން ސިއްހަތަސް އެހާ ފައިދާއެއް ނުވާނެއެވެ. އެންމެ ރަނގަޅު ގޮތަކީ ޕާން ބެހެއްޓުން ޕެންޓްރީއެއްގައި ނުވަތަ ޕާން ވަކިން ބެހެއްޓޭ ވަތްގަނޑެއްގައެވެ. ޕާން ގިނަ ދުވަހު ބޭނުންކުރަން ޖެހޭނަމަ، ޕާން ފަޅާފައި ފްރިޖަށް ލައި، ބޭނުންވާ ވަގުތު ނަގައި ޓޯސްޓް ކުރެވިދާނެއެވެ.
6- ނަޓްސް
ފިނިކޮށްގެން ބަދަނުގެ ތެޔޮ ހަލާކުވިޔަ ނުދީ ހިފެހެއްޓުމުގެ ސަބަބުން ބަދަން ގިނަ ދުވަހަށް ބޭނުންކުރެވޭނެއެވެ. ނަމަވެސް، ފިނިކޮށްފައި ހުންނަ ބަދަނުގެ ރަހަ އެހާ ރަނގަޅެއް ނުވާނެއެވެ. އެއީ ފްރިޖްގައި ހުންނަ އެހެން ކާނާގެ ވަސް ވަދެ، ޚާއްޞަ ރަހަ ގެއްލޭތީއެވެ.ބަދަން ރައްކާކުރަންވާނީ ވައި ނުވަންނަ ގޮތަށް ބަންދުކުރެވޭ ތަށްޓެއްގައެވެ، އާންމު ފިނިހޫނުމިނުގައެވެ. ފްރިޖްގައި ބަހައްޓާފައި ހުރި ބަދަން އަލުން ރަނގަޅު ކުރެވިދާނެއެވެ. އެކަން ކުރެވޭނީ ކެއުމުގެ ކުރިން ހިކި ތަށީގައި ފޮޅައިގެންނެވެ.
7- ކޮފީ
ކޮފީ ލޯބިވާ މީހެއްނަމަ، ރަނގަޅު ކޮފީއާއި ނުބައި ކޮފީ ތަފާތުކުރެވޭނެއެވެ. ކޮފީ ދަޅު ނުވަތަ ކޮފީ ފުނި ފިނިކޮށްފިނަމަ، އޭގައި ފެންކަރުވާނެއެވެ. މިއީ ކޮފީގެ ރަހަ ދެރަވާނެ ކަމެކެވެ. އޭގެ ބަދަލުގައި، ކޮފީ ދަޅު ނުވަތަ ފުނި ބަހައްޓަންވާނީ ވައި ނުވަންނަ ރައްކާތެރި ފުޅިއެއްގައި، އާންމު ފިނިހޫނުމިނުގައެވެ.
8- ޓޮމާޓޯ
ގިނަ ތަރުކާރީތައް ފިނިކޮށްފައި ބެހެއްޓުން ރަނގަޅު ނަމަވެސް، ޓޮމާޓޯ ރަނގަޅުވަނީ މޭޒުމަތީގައި ބެހެއްޓުމެވެ. މުޅި ޓޮމާޓޯ ފިނިކޮށްފިނަމަ، އޭގެ ރަހަ ގެއްލި، އަދި ޓެކްސްޗަރ ހިކި ގޮތަކަށް ބަދަލުވެއެވެ. ނުފެހި ޓޮމާޓޯ އިރުއަލި ލިބޭ ކުޑަދޮރުގައި ބަހައްޓަންވާނެއެވެ. ޓޮމާޓޯ މާ ފެހިވެއްޖެނަމަ، ފިނިކޮށްފައި ބެހެއްޓުމުގެ ކުރިން ކައްކާލުމަކީ އެންމެ ރަނގަޅު ގޮތެވެ.
9- އާފަލު
"ފިނި އާފަލު ކެއުމަށް ބޭނުންވާނަމަ، ފިނިކޮށްފައި ބެހެއްޓިދާނެއެވެ. ނަމަވެސް އެއީ ކޮންމެހެން ކުރަންޖެހޭ ކަމެއް ނޫނެވެ. ޙަޤީޤަތުގައި އާފަލު ފިނިކުރުމުން އޭގެ ކްރިސްޕީކަން (ގަދަކަމާއި ކާއިރު އަޑުއިވޭ މިންވަރު) ދަށްވެއެވެ.
މޭޒެއްގައި ނުވަތަ ކައުންޓަރެއްގައި އާފަލު ބަހައްޓައިފިނަމަ، އެތައް ހަފްތާއަކަށް ރީތި މޭވާ ޑިސްޕްލޭއެއްގެ ގޮތުގައި ބޭނުންކުރެވޭނެއެވެ. ނުކާ ހުންނަ އޭޕަލް ދެން ފިނިކޮށްފައި ބެހެއްޓުމުން އޭގެ މުއްދަތު އިތުރުކުރެވިދާނެއެވެ."
10- ބެރީސް
ބެރީ ނެގުމަށްފަހު، ގިނަ ދުވަހު ނުހުރެވޭތީ، ރައްކާކުރުމުގެ ބަދަލުގައި ބޭނުންވާ ދުވަހު ގަތުން އެންމެ ރަނގަޅެވެ. އެހެންނަމަވެސް، މަދު ދުވަސްކޮޅަކަށް ބެރީ ބަހައްޓަން ބޭނުންވާނަމަ، ކައުންޓަރުގައި ބެހެއްޓުމުގެ ބަދަލުގައި ފްރިޖަށް ލުން ރަނގަޅެވެ. ގިނަ ބެރީ ވައްތަރުތައް ތެމުމުން ވަރަށް އަވަހަށް ކުނިވެއެވެ. އެހެންކަމުން މުޅި ގިނަ ބެރީސްތައް ދޮވެފައި ރައްކާކޮށްގެން ނުވާނެއެވެ.