ކަނޑުފަޅު ނަފާ ލޯނުތަކަށް މަސްވެރިންނަށް ހުށަހެޅުމުގެ ފުރުސަތު އެބައޮތް ކަމަށް ފިޝަރީޒް މިނިސްޓްރީން ބުނެފިއެވެ.
މަސްވެރިކަމާ ކަނޑުގެ ވަސީލަތްތަކާ ބެހޭ ވުޒާރާއިން ބުނީ އެ ވުޒާރާއިން އިއުލާނުކުރާ “ކަނޑުފަޅު ނަފާ” ލޯނަށް ހުށަހެޅުމަށް މަސްވެރިންގެ ދަފްތަރުގައި ރަޖިސްޓްރީވެފައިވާ މަސްވެރިންނަށް ޚާއްސަ ފުރުސަތުތައް ހުޅުވިގެން ދާނެ ކަމަށެވެ. މިއީ މަސްވެރިންނަށް ވެސް އެކި ބޭނުންތަކުގައި ފުރުސަތު ހޯދުމުގެ ގޮތުން ސަރުކާރުން މަސްވެރިންނަށް ދޭން ނިންމާފައިވާ ޙާއްސަ ލޯނެއް ކަމެއް ކަަމަށެވެ.
ސަރުކާރުގެ ވަޢުދުތަކުގެ ތެރޭގައި ހިމަނައިގެން މަސްވެރިންގެ ޤައުމީ ދަފްތަރެއް އެކުލަވާލައި، ދަފްތަރުގައި ރަޖިސްޓްރީވުމުގެ ފުރުޞަތު ހުޅުވާލުމަކީ ސަރުކާރުގެ ހަފުތާ 14 އިގެ މަގުޗާޓުގައިވެސް ހިމަނާފައިވާ ކަމެެއްވެސް މެއެވެ. އެހެންކަމުން މަސްވެރިންގެ ދަފްތަރުގައި ބައިވެރިވުމަށް ފިޝަރީޒް މިނިސްޓްރީން ހުޅުވާލާފައިވަނީ ޖޫނަ މަހު 16ގައެވެ.
މަސްވެރިންގެ ދަފްތަރެއް އޮތުމަކީ މަސްވެރިން ބޭންކިންގ ނިޒާމުގެ ތެރެއަށް ވެއްދުމަށް ފަސޭހަ ވެގެންދާނެ ކަމެއް ކަމަށް ސަރުކާރުން ވަނީ ބުނެފައެވެ. އަދި ތަފާތު އެކިއެކި ބޭނުންތަކަށް މަސްވެރިންނަށް އަމާޒުކޮށް ލޯނު ދޫކުރުމަކީ ދަޢުލަތުން ފޯރުކޮށްދިނުމަށް ބޭނުންވާ އިޖްތިމާޢީ ރައްކާތެރިކަމާއި ސަބްސިޑީފަދަ ވަސީލަތްތައް ސީދާ މަސްވެރިންނަށް ފޯރުކޮށްދެވޭނެ ހަމައެކަނި ގޮތް ކަމަށްވެސް ސަރުކާރުން ބުނެފައި ވެއެވެ.
އެހެންކަމުން މަސްވެރިން އެ ނިޒާނުގެ ތެރެއަށް ވެއްދުމަށް އިންތިޒާމެއް ހަމަޖެއްސުމަށް މަގުފަހިވެދާނެ ކަމެއްކަމަށް ދެކިގެން މަސްވެރިންގެ ދަފްތަރާއި އެކު މިހާރު ލޯނަށް އެދޭވޭނެ ގޮތަކީ ދަފްތަރުގައި ރަޖިސްޓްރީ ވެފައިވާ ފަރާތްތައް ކަމަށްވެސް ސަރުކާރުން ވަނީ ބުނެފައެވެ.