އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. ސުބްރަމަނިޔަމް ޖޭޝަންކަރާއި ރާއްޖޭގެ ޚާރިޖީ ވަޒީރު މޫސާ ޒަމީރާއި ދެބޭފުޅުން އެކުގައި ރާއްޖޭގައި ކާމަރަނގަ ގަހެއް އިންދަވައިފިއެވެ.
މިކަން ހާމަކުރައްވައި މޫސުމީ ބަދަލުތަކާއި ތިމާވެއްޓާއި ހަކަތައާބެހޭ ވުޒާރާއިން ބުނެފައިވަނީ އެ ގަހަކީ ރާއްޖެއިން ފަށާފައިވާ ފަސް މިލިޔަން ގަސް އިންދުމުގެ ޕްރޮގްރާމާއި އިންޑިއާގެ ޕްލާންޓްފޯރމަދަރ އިނީޝިއޭޓިވްގެ ދަށުން އިންދި ގަހެއް ކަމަށެވެ.
ގަސްއިންދުމުގެ މިރަސްމިއްޔާތުގައި، އިންޑިއާގެ ޚާރިޖީ ވަޒީރު، ޑރ. އެސް ޖައިޝަންކަރާއި، ރާއްޖޭގެ ޚާރިޖީ ވަޒީރު މޫސާ ޒަމީރުގެ އިތުރުން އެންވަޔަރަންމަންޓް މިނިސްޓަރ ޠާރިޤާއި، ރާއްޖެއަށް އިންޑިއާއިން ކަނޑައަޅުއްވާފައިވާ ސަފީރު މުނޫ މުހާވަރުގެ އިތުރުން މާލޭ ސިޓީގެ މޭޔަރު އާދަމް އާޒިމާއި، އިންޑިއާ އާއި ދިވެހިރާއްޖެއާ ދެޤައުމުގެ ޚާރިޖިއްޔާގެ އިސްބޭފުޅުން ބައިވެރިވެވަޑައިގެންނެވިއެވެ.
އިންޑިއާގެ ބޮޑުވަޒީރު ނަރެންދްރަ މޯދީގެ ވަން ޓްރީ ފޯ މަދާ ޕްރޮގްރާމް އިންޑިއާގައި ފަށާފައި ވަނީ، މިއަހަރުގެ ޖޫން މަހުގެ 6 ވަނަ ދުވަހު، ދުނިޔޭގެ ތިމާވެށީގެ ދުވަހުގެ ހަރަކާތްތައް ފާހަގަކުރުމުގެ ގޮތުން ހިންގި ހަރަކާތްތަކާއި ގުޅުވައިގެންނެވެ.