ހޮނިހިރު ދުވަހުން ފެށިގެން މާލެއިން ގެއްލިގެން ހޯދަމުން ދިޔަ ކުޅުދުއްފުށީ ޒުވާނާގެ ޚަބަރެއް ވެފައިވާ ކަމަށް އާއިލާއާ ހަވާލާދީ ފުލުހުން ބުނެފިއެވެ.
ގެއްލިގެން ހޯދަމުން ދިޔައީ ހދ. ކުޅުދުއްފުށި، ކިނާރުގެ، އުމުރުން 23 އަހަރުގެ އަޙްމަދު އަނިލް މުޙައްމަދެވެ.
މިއަދު ފުލުހުން ބުނީ އާއިލާ އިން މައުލޫމާތުދީފައިވާ ގޮތުން އޭނާ އާއިލާއަށް ގުޅާފައިވާ ކަމަށާއި ހާލު ރަނގަޅު ކަމަށް ބުނެފައިވާ ކަމަށެވެ.
މިދިޔަ ހޮނިހިރު ދުވަހު ފުލުހުން ބުނެފައިވަނީ އާއިލާއާ އަނިލް މިހާރު އުޅެނީ މާލޭގައި ކަމަށާއި، އޭނާގެ ޚަބަރެއް އެންމެ ފަހުން ވެފައިވަނީ މިދިޔަ ބުރާސްފަތި ދުވަހުގެ ހެނދުނު ކަމަށް އާއިލާއިން ބުނެފައިވާ ކަމަށެވެ.
އެގޮތުން އެ ދުވަހު އޭނާއާ ފޯނުން ގުޅުނު ނަމަވެސް ފަހުން ޚަބަރެއް ނުވާ ކަމަށް ވެސް ބުނެފައިވެއެވެ.