މޫސާ ރަޝީދު، ނުވަތަ އާންމުކޮށް "އެސްޕީގެ" ނަމުން މަޝްހޫރުވެފައިވާ ރާއްޖޭގެ އެކި ކަންކޮޅުތަކުގައި އާންމު ކަސްރަތު އުގަންނާދިނުމުގަޔާ ޚާއްޞަކޮށް އެތުލެޓިކްސްގެ ދާއިރާގައި އަހަރުތަކެއް ވަންދެން ހުނަރުވެރިކަމާ ތަޖުރިބާ އެކު ކޯޗުން ތަމްރީން ކުރުމުގަ މަސައްކަތް ކޮށްފައިވާ މީހުންގެ މަޤްބޫލްކަން ހޯދާފައިވާ ފަރާތެކެވެ.
އެސްޕީ ކޯޗިން ދަސްކޮށްދީފާއިވާ ދަރިވަރުންގެ ފަރާ ލިބިފައިވާ ލިޔުންތަކާ ކޮމެންޓް ތަކަށް ބަލާއިރު އެދަރިވަރުންދެކޭ ގޮތުގައި އެސްޕީ އަކީ އެތްލެޓިކްސް ދަސްކޮށްދިނުމަށް "ދަ ބެސްޓް" މޮޅު ހުނަރުވެރި ކޯޗެއްކަން ވަނީ ފާހަގަ ކޮށްފައެވެ.
މޫސާ ރަޝީދު، ނުވަތަ އާންމު ނަމުންނަމަ އެސްޕީ…..ފޮޓޯ:އެސްޕީ
ސްކޫލު ދައުރުން ފެށިގެން މި ދާއިރާގައި ފައިތިލަ ސާބިތުކުރުމުގެ ނަސީބު ލިބުނު ނަމަވެސް، އެއީ ހަމައެކަނި ނަސީބުގެ ސަބަބުން ކަމުގައި ބުނުމަކީ އިންސާފުވެރި ވާހަކައެއް ނޫނެވެ. އެސްޕީ އެކި އެކި ވަނަވަރު ތަކާ ހަދާފައިވާ ކޯސްތަކުން ލިބިފައި ވާ ފަހުރުވެރި ވަނަތަކަށް ބަލައި ލުމުން ޙަޤީޤަތުގައި، އެސްޕީގެ ހިތްވަރާއި، ޝައުޤުވެރިކަމާއި، ކޮށްފައިވާ ބުރަ މަސައްކަތަކީ މި ދާއިރާއިން އޭނާއިން ކުރިޔަށް ދިއުމުގެ މައިގަނޑު ސަބަބެވެ.
އެސްޕީ:ދަރިވަރުންނާ ގާތް ކޯޗެއް
ހުވަދޫ މީޑިއާއަށް ދެއްވި އިންޓަވިއުއެއްގައި، އެސްޕީ ހާމަކުރެއްވި ގޮތުގައި އޭނާގެ ކޯޗިން ހަޔާތުގެ ފެށުމާއި އެތުލެޓިކްސް އާއި ކުޅިވަރަށް އޮތް މަގާމާއި އޭނާގެ މިއަދުގެ އާންމު ނަން އެސްޕީގެ ނަން މަޝްހޫރުވެގެން ދިޔަގޮތް ހިއްސާކުރަމުން ބުނި ގޮތުގައި މިހުރިހާ ކަމެއްގެ އަސްލު ފެށިގެން އައީ ސުކޫލުގައި އުޅުނު ދުވަސްވަރުގައެވެ. .
ކޯޗުކަމުގައި އެސްޕީގެ އުއްމީދުތައް އަދިވެސް ހުރީ ހަމަކުރިއަށް
އެއީ ދިރިއުޅޭ ގޭގެ ނަމަށްވެސް އެސްޕީ ވިލާ ކިޔުމާއި ސްކޫލު ދައުރުގައި ކުޅިވަރާއި އަދަބީ ހަރަކާތް ތަކުގައި އުޅުމާއި، އިންޓަރސްކޫލް އެތްލެޓިކްސް ރަންގަޅު ނަތީޖާ ތަކެއް ލިބުމާއި، ނެޝަނަލް ޕޫލް އެތްލީޓަކަށް ހުރެ އެދެވޭ ކާމިޔާބީ ތަކެއް ލިބުމާ، މާލޭގެ ސްކޫލްތަކަށް ކޯޗުކޮށް ދިނުމާއި މިނިސްޓްރީ އޮފް އެޑިއުކޭޝަންގެ ސްކޫލް ޖިމްނާސްޓިކްސް ޕްރޮގްރާމް ހިންގުމާއި އަދި ޤައުމީ އެތްލެޓިކްސް ޓީމްގެ ނެޝަނަލް ކޯޗަކަށް ހުރިދުވަސްވަރުން ފެށިގެން ކަމަށްވެއެވެ.
އެހެންނަމަވެސް، ޤަބޫލުކުރަން ކުޑަކޮށް ދަތިވިޔަސް، އެސްޕީގެ މި ދާއިރާގެ ފެށުން އެންމެ ފުރިހަމަ ގޮތުގައި ފެށިގެން އައީ މަޖީދިއްޔާ ސްކޫލްގެ 6 އަދި 7ގެ އާރޓް އެންޑް ޑިޒައިން ޓީޗަރެއްގެ ގޮތުގައި ލިބުނު ފުރުޞަތަކުންނެވެ. ސްކޫލު ދައުރު ނިމުމާއެކު ލިބުނު މި ފުރުޞަތުން އެސްޕީއަށް އޭނާގެ ޚާއްޞަ ޝައުޤުވެރިކަން ހުރި ދެދާއިރާއަށްވެސް މަގުފަހިވިއެވެ. އެއީ ސްކޫލް އެތްލެތިކްސް ޓީމް ކޯޗް ކޮށް ދިނުމާއި ފިސިކަލް ކްލާސްތަށް ނަގާދިނުމަށް ފުރުސަތު ލިބިގެން ދިޔުންކަމުގައި ވެއެވެ.
އެސްޕީގެ ފެށުން އައީ ކެޑޭޓްމާސްޓަރ އަކަށް ފެށުނު ހިސާބުން
ސްކޫލުގައި ކިޔަވައިދޭން އުޅުނުއިރު މަޖީދިއްޔާ ސްކޫލުގެ އޭރުގެ އިސްވެރިންނަށް އެސްޕީގެ އިސްނެގުމާއި، ކަންކަމުގައި ކުރިއަށް ނުކުމެ ކެރިގެން ހަރަކާތްތެރިވުމުގެ ޤާބިލުކަން ފާހަގަކުރެވުނެވެ. އަދި އޭނާގެ ލީޑަރޝިޕް އަދި ސުޕަވައިޒަރީ ހުނަރުތައް ފާހަގަކުރެވި، 6 މަސްދުވަހުގެ ކެޑޭޓް މާސްޓަރ ޓްރެއިނިންގ ތަމްރީން ލިބި މަޖީދިއްޔާ ސްކޫލް ކެޑޭކޯގެ ކޮމާންޑިން އޮފިސަރގެ މަޤާމު އޭނާއާ ޙަވާލުކުރެވުނެވެ.
އެސްޕީ މަޖީދިއްޔާ ސުކޫލްގައި ކިޔަވާދޭން އުޅުމަށްފަހު ވަކިވެގެން އެދާއިރާ އާ ދުރަށް ދާންޖެހުނީ އެޑިއުކޭޝަންގެ ގަވާއިދާ އެއްގޮތަށް ޓީޗިންގް ކޯސް ހަދައި ޓީޗިންގ ސެޓްފިކެޓްއަކާ އެކު އައުމަށް އެންގުނެވެ. ޓީޗަރެއްގެ ވަޒީފާއަށް ސީދާ ޓީޗިން ހަދައިގެން އެކަން ކުރަން ޖެހުނު ހިސާބުން ދުރަށް އެސްޕީ ދިޔައީ އެއީ ހަގީގަތުގައި އޭނާގެ ޝައުގު ކުޅިވަރާ ކުޅިވަރު ދަސްކޮށްދިނުމަށް ހުރީމަ ކަމަށް ވެއެވެ.
ޕޮލިހުގައި އުޅޭތާ މިހާރު 16 އަހަރު، މިހާރު މިއީ ސުޕަރއިންޓެންޑެންޓް، އެސްޕީ
އެސްޕީ ބުނިގޮތުގަ ސުކޫލު ދައުރުން ފެށިގެން ވެސް އަބަދުވެސް ވިސްނުމުގެ އަމާޒު ހުރީ ދެދިމާއަކަށެވެ. ކުޅިވަރުގެ ދާއިރާއިން ނޫނީ އާޓް އެންޑް ޑިޒައިނިންގ މިދެ ދާއިރާއިންކުރެ ދާއިރާއަކުން ކުރިޔަށް ދާށެވެ. އެސްޕީގެ ހުވަފެންތަކާއި އުއްމީދުތައް ހުރީ ގުޅި ލާމެހިފައެވެ.
އެހެންނަމަވެސް، ކުޅިވަރުތޯ، އާޓް އެންޑް ޑިޒައިނިން ތޯ ވިސްނާލިއިރު އާޓުގެ ދާއިރާއިން ކުރިއަށްދާނަމަ ސްކޮލަރޝިޕަށްވެސް ކުރަން ޖެހޭ ހަރަދު ނިހާޔަތަށް ބޮޑުކަމަށްވާތީވެ އެސްޕީގެ ދަތުރު ފެށީ ކުޅިވަރުގެ ދާއިރާއިންނެވެ.
ޕޮލިހުގައި އުޅޭތާ މިހާރު 16 އަހަރު، މިހާރު މިއީ ސުޕަރއިންޓެންޑެންޓް، އެސްޕީ
އެސްޕީ ކިޔައިދިން ގޮތުގައި އޭނާގެ ފުރަތަމަ ކޯޗިންގ ފެށިގެން އައީ ސްކޫލް ކުދިންނަށް ކޯޗުކޮށްދިނުމާއި އޭރުގެ އިންޓަރނޭޝަނަލް ކޯޗިންގ ހަދައި ގައުމީ އަދި އެސޯސިއޭޝަން ހެޑް ކޯޗެއްގެ ގޮތުގައި ކުރަން ފެށި މަސައްކަތުންނެވެ. 1995- 2006 ހިސާބުގައި ކުޅިވަރުގެ ދާއިރާއިން ކޯޗުކަމުގެ ތެރެއަށް ނުކުތްއިރު ލީޑްކުރާ މީހުންގެ ތެރެއަށް މާކުރިން ވަދެވިފަ ހުރުމުންނާއި އޭރު ހެދާފައިވާ ކޯސްތަކުގެ ނަތީޖާތަށް ރަންގަޅުވުމުން ވަރަށް ފަސޭހައިން އިތުރު އެޑްވާންސް ކޯސްތައް ލިބި ރަނގަޅު ނަތީޖާތަކެއް ލިބިފައިވާތީ ކުރިޔަށްދާ އިތުރަށް މަގުފަހިވިއެވެ.
އެސްޕީ ވަނީ އެތްލެޓިކްސްއާއި ކުޅިވަރާއި ގުޅުން ހުރި ސަތާރަ ވަރަކަށް ކޯސް ހަދާފައެވެ. އޭގެތެރޭގައި އިންޓަރނޭޝަނަލް، ވާލްޑް އެތްލެޓިކްސް ކޯޗިން ލެވެލް – 1،2،3،4،5 އަދި ވާލްޑް އެތްލެޓިކްސް ކޯޗިން ލެކްޗާރާރ ލެވެލް – 1 އަދި 2 ހަދާ ފާސްވެފައެވެ.
ފުލިުހުންގެ ޒިންމާއާއެކު ކުޅިވަރުގެ ޒިންމާވެސް އްަދާކުރަން ދިޔަ ލީޑަރޝިޕް ފުރިހަމަ ފަރާތެއް
ނެޝަނަލް ކޯޗަކަށް އުޅުނު އިރު އޭރު އެސްޕީގެ ރަސްމީ ވަޒީފާއަކީ އިސްކަންދަރު ސުކޫލުގެ ސްޕޯޓްސް ސުޕަވައިޒަރެއްގެ ވަޒީފާއެވެ.
ތިން އަހަރު ސްޕޯޓްސް ސުޕަވައިޒަރަކަށް ހުރުމަށްފަހު އެސްޕީގެ މިސްރާބު ބަދަލުކޮށްލީ ސިފައިންނާއި ފުލުހުން ވަކިކޮށް ދެބަޔަކަށް ބަދަލު ކުރި ހިސާބުންނެވެ. އެހިސާބުން ޕޮލިހަށް ވަދެ ލީޑަރޝިޕް ހުނަރު ތަރައްގީވުމާއެކު، ކޮމިއުނިޓީ ޕޮލިސިންގެ މަސައްކަތްތައް ކުރިއަށް ގެންދިޔުމަށް، ފުލުހުންގެ ހިދުމަތަށް ގުޅުނެވެ.
އެސްޕީ ފުލުހަށް ވަނީވެސް ތަފާތު ކުރިއެރުމަކާއެކުގައެވެ.
އެސްޕީގެ ދަރިވަރުންގެ ފަރާތުން ލިބިފައިވާ ހަނދާން ނައްތާނުލެވޭ އުފާވާ ބަސްތަކެއް، އުއްމީދުއާލާވާ ބަސްކޮޅެއް
"ކޮމިޝަނަރ އާދަމް ޒާހިރު ސަރގެ ޒަމާނުގައި ފުލުހުންގެ ތެރެޔަށް ވަނީ ސާޖަންޓް ރޭންކްގައި، އެއީ އޭރު ފުލުހުންގެ ތެރެއަށް ކޮމުނިޓީ ޕޮލިސިންގ ތައާރަފް ކުރުމަށް ކުޅިވަރު ކޮމުނިޓީ ތެރެއިން އޭރު އިސް ކޮށް ކުޅިވަރު ތެރޭ އުޅުނުމީހުންނަށް އެފުރުސަތު ފަހިވެފަ އޮތީމަ ފުލުހުންގެ ވަޒީފާއަށްވަދެ ޓްރެއިނިންގ ހަދާ ނިންމުމަށްފަހު، ސީނިއަރ މެނޭޖްމަންޓް ފެންވަރުގެ ކޯހަކަށް އިތުރު ތަމްރީން ފުރިހަމަ ކުރަން އިންޑިއާ މައިސޫރުގައި ހުންނަ ކަރްނާޓަކާ ޕޮލިސް އެކަޑަމީގައި 1 އަހަރު ދުވަހުގެ ސީނިއަރ އޮފިސަރުންގެ ކޯހެއް ފުރިހަމަކޮށް، އެ ކޯހުގެ އިންޑޯ ސަބްޖެކްޓް ތަކުން 1 ވަނަ އޮފިސަރެއްގެ ގޮތުގައި ފުރިހަމަ ކުރިކަމަށް އެސްޕީ ކިޔައިދިނެވެ.
އެސްޕީ ފުލުހުންތެރޭ ބޮޑަށް ހަރަކާތެރިވަފައިވާނީ ކޮމުނިޓީއާއި ގުޅުން ހުރި ޕްރޮގްރާމްތަށް މާލެއާއި ރާއްޖެތެރޭ ހިންގުމުގައި ކަމަށާއި މިހާރު ޕޮލިހުގައި އުޅޭތާ 16 އަހަރުވެފައިވާކަމާއި ސަރުކާރު ވަޒީފާގައި އުޅޭތާ 30 އަހަރުވަނީ ކަމަށެވެ. މިހާރު އެސްޕީ ހުރީ ސުޕްރިންޓެންޑެންޓް (އެސްޕީ) ރޭންކްގައިކަމުގައި ކަމަށް ބުނެފައިވެއެވެ.
އެސްޕީއަކީ ހުނަރުވެރި ދިވެހިދަރިއެއް….ފޮޓޯ:އެސްޕީ
އެސްޕީ އަށް އެސްޕީ ކިޔާ ސަބަބު މިހާރު އެނގިދާނެކަމަށް އުއްމީދުކުރަމުން އަނެއްކާވެސް އެސްޕީގެ ވާހަކައާއެކު ކުރިއަށް ދާނަމެވެ.
އެސްޕީގެ ރަސްމީ ވަޒީފާ އަކީ ގައުމީ ހިދުމަތުގެ މުހިންމު ދައުރެއް ހިމެނޭ ފުލުހުންގެ ވަޒީފާ އަދާ ކުރިކަމުގައި ވިޔަސް އެސްޕީގެ ހިތުގައި އެތުލެޓިކަށް އޮތް ލޯތްބާއި ކުޅިވަރަށް އޮތް ޝައުގެއް ބަދަލެއް ނުވެއެވެ. ބައިނަލްއަގުވާމީ އެތްލެޓިކްސް ހައި ރޭންކު ކޯޗެއް ގޮތުގައި މަސައްކަތް ކުރި އެސްޕީ ޕޮލިހަށް ވަނުމަށްފަހު ކޯޗުން ތަމްރީނު ކުރުމުގައި އުޅުމުގެ ސަބަބުން ސީދާ އެތުލީޓުން ތަމްރީނު ކުރުމުގެ ބައި ހުއްޓާލައި ޤައުމީކޯޗުކަންވެސް ދޫކޮށްލިއެވެ.
"ޕޮލިހަށް ވަން ފަހުން އެތުލެޓިކްސް ހަރަކާތްތަށް ތަންކޮޅެއް މަޑުޖެހުނު ފަހުން މަސައްކަތް ކުރެވުނީ އެތުލެޓިކްސް ކޯސްތަށް ހިންގުމާއި ރާއްޖެތެރޭ ކޯޗުން ތަމްރީންކުރުމުގަ އެއީ "ވޯލްޑް އެތްލެޓިކްސް ލެވެލް 1" ލެކްޗަރަރ އެއްގޮތުގައި ސީދާ ގައުމުގައި ކޯސް ހިންގުމާއި، "ވޯލް އެތްލެޓިކްސް ލެވެލް 2" ލެކްޗަރަރ އެއްގޮތުގައި އިންޓަރނޭޝަނަލް ކޯސްހިންގުމުގަ މިގޮތުން ލަންކާ ކޯޗުންވެސް ތަމްރީނު ކުރެވިފައިވާނެކަމަށާއި އެސްޕީގެ ކުލިވަރުގެ ކޯޗިންގ ދަށުން ގާތްގަނޑަކަށް 4500 އާއި 5000 ކުދިންނަށް ދެމެދުގެ ކުދިންނަށް ތަމްރީނު ދެވިފައިވާއިރު، 500 އަށް ވުރެ ގިނަ ކޯޗުންނާއި ޓީޗަރުންނަށް އެކި ގޮތް ގޮތުން ތަމްރީނު ދެވިފައިވާނެކަމަށް ބުނެފައިވެއެވެ.4
އެސްޕީއަކީ ހުނަރުވެރި ގާބިލު ފަރާތެއް….ފޮޓޯ:އެސްޕީ
މިދާއިރާގައި އެތައް އަހަރެއް ހޭދަކޮށްފައިވާއިރު އެސްޕީއަށް އެންމެ ބޮޑު އުފަލެއް ކާމިޔާބީގެ ފޮނިކަން އިހުސާސްކުރެވޭ ކަމަކީ ކޮބައިތޯ އަހާލުމުން ޖަވާބުގައި ބުންޏެވެ. "މީގެ 15 އަހަރު ކުރިން، އައްޑޫއާއި ލ.އަތޮޅު، ގދ.އަތޮޅާއި އަދި ހދ.އަތޮޅު ހިންގި ކޯހުން ތަމްރީނުވި ޖޫނިއަރ ކޯޗުން މިހާރު އެކުދި-ންގެ ލީޑރަޝިޕް، އަދި ކޯޗިންގެ ދަށުން ނުކުމެ ތިބި އެތުލީޓުންގެ ފަރާތުން ރަންގަޅު ކާމިޔާބީތަކެއް ޤައުމީފެންވަރުގައި ފެންނަމުންދާތީ އެކަމާ ވަރަށް އުފާވޭ،" އެސްޕީ ބުންޏެވެ.
އެސްޕީގެ މަގުސަދަކީ ބައިނަލްއަގުވާމީ ލެވެލްގައިވެސް ތަމްރީނު ލިބިފައި ތިބި ކުދިންގެ ފަރާތުން ރާއްޖެއަށް ރީތިނަމާއި ފަހުރު ލިބުމެވެ. އެއީ އެސްޕީއަށް ލިބޭނޭ އެންމެ ބޮޑު އުފަލެވެ. މިހާތަނަށް އެސްޕީގެ ފަރާތުން ކޮންމެވެސް ވަރަކަށް ތަމްރީނުތަކުގައި އެހީތެރިވި ކުދިންތަކުގެ ތެރެއިން އެތުލެޓިކްސްގައި ސާއިދަކީ ފާހަގަކޮށްލެވޭ ކުއްޖެއް ކަމަށާއި ސާއިދު ކުރިއަރައިގެންއައީ ބައިނަލްއަގުވާމީ ޓްރެއިނިންގ ފެސިލިޓީއެއް ޓްރެއިން ކުރުމާއެކު އެސްޕީ އާއެކީ ނެޝަނަލް ޕޫލްގައި ކުރީގަ ޓްރެއިން ހެދި އަދި ފަހުން އެސްޕީގެ ދަށުން ދަރިވަރުވި ކަމަށްވާ ފާއިލުގެ ކޯޗުކަމުގެ ދަށުން ކަމަށް އެސްޕީ ބުންޏެވެ.
އެސްޕީ ތަމްރީނުކޮށްދިނުމުގައި ވަރުބަލިކަމެއްނެތި
"ރާއްޖޭގަ އެތްލެޓިކްސް ސީނިއަރ ކޯސްތަށް އާއްމުކޮށް ގެންދާ އެކަކީ އަޅުގަނޑު، ދެން އެބަތިބި ދެ ކޯޗުން ސީނިއަރކޮށް ގެންދާ،" ކޯޗިންގެ ދާއިރާގައި 29 އަހަރު ވެފައިވާއިރު އެސްޕީއަކީ ރާއްޖޭގައި ތިބި މަދު ދެތިން ސީނިއަރ ކޯޗުންގެ ތެރެއިން އެކަކެވެ. މީގެ އިތުރުން އެސޕީއަކީ ކުޅިވަރަށް ހިދުމަތް ކުރުމުގެ ގޮތުން 2004ގެ ޔޫތު އެވޯޑް އަދި 2013 ގައި ގައުމީ އިނާމު ވެސް ލިބިފައެވެ.
އެސްޕީއަކީ ދިވެހި ފުލުހުންގެ ހިދުމަތުގައި އުޅެމުންވެސް އޭގެ ދެވަނައެއް ނުވާފަދަ ނަމޫނާ ކުޅިވަރުވެރިއެކޭ ބުނުން ހައްގުކަން ޔަގީނެވެ.
އެސްޕީއަކީ ހުނަރުވެރި ރާއްޖެ ފަހުރުވެރިވާފަދަ ދިވެހި ދަރިއެއް….ފޮޓޯ:އެސްޕީ
ޕޮލިހަށް ވަނުމަށްފަހު އެސްޕީ އާންމުކޮށް މަސަކަތް ކުރަމުން ދިޔައީ ކުށްމަދުކުރުމަށް (ޕްރިވެންޝަން) އަދި ހޭލުންތެރިކުރުވުމުގެ (އެވެއާނަސް) ދާއިރާއެވެ. އެއީ ކުޅިވަރުގެ ތެރެއިން ޒުވާނުން ކުށުގެ ވެށިން ރައްކާތެރިކުރުމަށް ހިންގާ ކުޅިވަރު ޕްރޮގްރާމްތަށް ހިންގުމާއި ސްކޫލް ކޮމުނިޓީ އަށް ހިންގާ އެވެއަރނަސް ކޭމްޕްތަށް ހިންގުމުގައެވެ.
އެސްޕީ ބުނިގޮތުގަ ރާއްޖޭގެ އެތްލެޓިކްސްއަށް ބަލާއިރު، އޭޝިއާ ފެންވަރުގައި ދިވެހި އެތުލީޓުން ކުރިއަށް އޮތް 6-8 އަހަރު ތެރޭގައި މެޑަލްއެއް ހޯދުމުގެ ފުރުސަތު ބޮޑުކަމަށެވެ. މިހާރު ކުރިއަށްވުރެ އެތުލީޓުންގެ ނަތީޖާ ރަނގަޅުވެފައިވާއިރު، އޭޝިއަން ލެވެލްގައި އިތުރު ކާމިޔާބީތަކެއް ހޯދުމަށް އެސޯސިއޭޝަނުންނާއި ކޯޗުންވަނީ އަމާޒު ހިފާފަކަމަށެވެ. ނަމަވެސް، އަދިވެސް އެކަންކަން ހާސިލް ކުރުމަށް ގިނަގުނަ ގޮންޖެހުންތަކެއް ހުރިކަން ވެސް ފާހަގަކުރަންޖެހެއެވެ.
އެސްޕީއަކީ ދިވެހި ފުލުހުންގެ ހިދުމަތުގައި އުޅެމުންވެސް ނަމޫނާ ކުޅިވަރުވެރިއެކޭ ބުނުން ހައްގު
އެސްޕީ، އޭނާގެ ދަރިވަރުންގެ ނަޒަރުގައިއެއީ އެއްވަނައިގެ ކޯޗެއް
އެއީ މިހާރު ރާއްޖޭގެ އެކި ހިސާބުތަކުގައި ތިބި ނަތީޖާ ރަންގަޅު ކޯޗުން އިތުރު ތަމްރީން ހެދުމަށް ފުރުސަތު އެސޯސިއޭޝަނުން ހޯދަދޭން މަސައްކަތް ކުރުން މުހިންމުކަމާއި އެހެންނޫނީ ހުނަރު ހުރި ކުދިން އެހުނަރު ތަރައްގީވުމަށް ހުރަސްތަކެއް ކުރިމަތިވެގެންދާނެކަންބުނެފައިވެއެވެ. ދެވަނަ މައްސަލައަކީ އެސްޕީ ބުނި ގޮތުގައި ވަސީލަތްތަކުގެ ދަތިކަމެވެ. އެތުލެޓިކްސްއަށް ހާއްސަކުރެވިފައިވާ ފެސިލިޓީތަކުގެ ފެންވަރު ދަށްވެފައިވާއިރު މިކަމުގެ ސަބަބުން، ކޯޗުން މެދުވެރިކޮށް އެތުލީޓުން ތަމްރީން ކުރުމަށް އެކަށީގެންވާ މާޙައުލެއް ފުރިހަމައަށް ޤާއިމްވެފައި ނެތުމެވެ.
މި ގޮންޖެހުންތައް ޙައްލުކުރުމަށް އަޅަންޖެހޭ ފިޔަވަޅުތަކުގެ ތެރޭގައި އެސްޕީ ފާހަގަކުރި ކަންކަމުގެ ތެރޭގައި އެންމެ މުހިންމުކަމަކީ ދިވެހިރާއްޖެތެރޭގައި ޓްރެއިނިން ސެންޓަރ އެއް އެޅުމާއި ސްކޫލްގަ ކުޅިވަރުތެރޭ އުޅޭ ސީނިއަރ ކުދިން ސްޓާޓަރ ކޯޗިން ކްލިނިކް ހިންގުމާއި ޕީއީ ޓީޗަރުން ނާއި ރަށްރަށުގައި ސްކޫލްތަކަށް އެހީތެރިވާ ޓީޗަރުންނަށް ކޯޗިންގ ކޭމްޕްތައް ހިންގުމާއި ރާއްޖޭގެ ބޮޑެތިރީޖަންތަކުގައި ހައި ލެވެލް ކޯޗުން ބައިތިއްބާ ސިސްޓެމެޓިކް ގޮތަކަށް މަސައްކަތްތަށް ގެންދިއުން މުހިންމުކަމަށް ބުނެފައިވެއެވެ.
އެސްޕީ: ދިވެހިންގެ ތެރޭގައި މަދުން ފެންނަފަދަ ހިތްވަރުހުރި ނަމޫނާ ކޯޗެއް
އެސްޕީ ފުލުހުންތެރޭ މިހާރު ހުރި ހިސާބަށް އައުމުގައި އޭނާގެ ހުރިހާ ކަމަކަށްމެ އިތުބާރުކޮށް ދިން ޔަގީންކަމަށްޓަކައި ޕޮލިސް އާދަމްޒާހިރު ސަރއަށް ހާއްސަ ޝުކުރެއް ހިތުގެ އަޑިން އަދާ ކުރާކަމަށް އެސްޕީ ބުންޏެވެ. ކޮންމެ ކަމެއްވެސް ވާނީ ﷲ ތައާލާގެ އިރާދަފުޅާއި މިންވަރުފުޅުންކަމަށާއި އެކަމަށްޓަކައި މެދުވެރިއަކާއިސަބަބެއް ދެއްވާކަމަށް އެސްޕީ ބުނެފައިވެއެވެ.
އެސްޕީއަކީ ހުނަރުވެރި ދިވެހިދަރިއެއްކަން ޔަގީނެވެ. ދިވެހިންގެ ތެރޭގައި މަދުން ފެންނަފަދަ ހިތްވަރުހުރި ނަމޫނާ ކޯޗެކެވެ. ހުވަދޫމީޑިއާއިން އެދެނީ ފާގަތިކަމާއި ފަހިކަމެވެ، އަބަދުވެސް އަދަށްވުރެ ފަހި ފެހި މާދަމާއެއް ލިބުމެވެ.