ޖިންސީގުނަވަނަށް ދިމާވާ މައްސަލަތަކާމެދު ފަރުވާކުޑަނުކުރާށެވެ!
1. ބެކްޓީރިއަލް ވެޖިނޯސިސް (ބީވީ)
- – ތަފްސީލު: ބީވީ އަކީ އަންހެނުންގެ ޖިންސީ ގުނަވަނުގައި ގުދުރަތީގޮތުން އުފެދޭ ބެކްޓީރިއާގެ ތަވާޒުން ގެއްލުމުގެ ސަބަބުން މެދުވެރިވާ އާންމު އިންފެކްޝަނެކެވެ.
- – އަލާމާތްތައް: ތުނި، ދަމިލަ އަޅިކުލައަކަށްދާ ޑިސްޗާޖާއެކު ވަރުގަދަ ނުބައި ވަހެއް ދުވުން
- – ފަރުވާ: ގޭގައި ހޫނު ފެނުން ސާފުކޮށް، ވެޖައިނަލް ވޮޝް ބޭނުންކޮށްގެން ދޮވެ ރަނގަޅަށް ފެން ހިއްކާފައި ބެހެއްޓުން، މިއީ ވަގުތީ ފަރުވާއަކަށް ފުދޭނެ ކަމެއް، ދާއިމީ ހައްލު ހޯދުމަށް ޑޮކްޓަރުންގެ ލަފާ މުހިންމު، މިފަދަ ބަލިތައް އެންޓިބަޔޮޓިކްސް އިން ރަނގަޅު ކުރެވޭނެ ކަމަށް ވާއިރު ސީދާ ކޮން ބޭހެއްތޯ ބޭނުން ކުރަން ޖެހެނީ ދެނެގަތުމަށް ޑޮކްޓަރަށް ދެއްކުން މުހިންމެވެ. ޑރ ޝާނީ ވިދާޅުވީ މިފަދަ މައްސަލަތަކުގައި އެހެން ފަރާތްތަކުން ދޭ ލަފާގެ މައްޗަށް ޑޮކްޓަރީ ސައިންޓިފިކް ބޭސްބޭނުން ކުރުމަކީ ރަނގަޅުކަމެއް ނޫންކަމަށެވެ.
2. ޔީސްޓް އިންފެކްޝަން (ކެންޑިޑިއޭސިސް)
- ތަފްސީލު: ޖިންސީ ގުނަވަނުގައި ކެންޑިޑާ ފަންގަސް އާދަޔާ ޚިލާފަށް އިތުރުވުން.
- އަލާމާތްތައް: ބޯ، ހުދު ތެރަހެއްއެއްފަދަ ޑިސްޗާޖް އާއެކު މަޑު ވަހެއް ދުވުން، ހުރަސް އެޅުމާއި ރިއްސުން.
- – ފަރުވާ: ސާފުކޮށް ހޫނު ފެނަށް ގަދަކޯޅިފަތާއި މަލާއެކު އަޅައިގެން ބޮނޑިތާން ކުރެވިދާނެ، އެހެންނަމަވެސް މިއީވެސް އެންޓިފަންގަލް ކްރީމް ބޭނުންކުރަން ޖެހޭ ކަމެއް ވީމަ ހާއްސަ އަންހެނުންގެ ޑޮކްޓަރަކަށް ނޫނީ އާދައުގެން ޑޮކްޓަރަކަށް ވިޔަސް ސިއްހީ މާހިރެއްގެ ލަފާ ހޯދައިގެން ބޭސް ބޭނުން ކުރުން މުހިންމެވެ. ޑރ ޝާނީ ވިދާޅުވި ގޮތުގައި އަމިއްލައަށް ބޭސް ގަނެގެން ބޭނުން ކުރުމަކީ ކަމުދާ ގޮތެއް ނޫނެވެ. އިންޓަނެޓުން ނޫނީ ކުރިން މިިފަދަ ބައްޔެއް ދިމާވެ ބޭސް ކޮށްފައިވާ ފަރާތަކުން ބުނާ ބުނުމެއްގެ މައްޗަށް ބޭސް ގަނެގެން ބޭނުން ކުރުމެއް ނެތެވެ. އެކަމަކު ސިއްހީ މާހިރެއްގެ އިރުޝާދާއެކު ޕްރިސްކްރިޕްޝަނާއެކު ބޭސް ހޯދައިގެން ބޭނުން ކުރުމަކީ އެންމެ އެދެވިގެންވާ ގޮތް ކަމަށް ޑޮކްޓަރ ވިދާޅުވިއެވެ.
ބައިވެރިޔާއަށްއެހީތެރިވެ އަޅާލާށެވެ!
3. ޓްރައިކޮމޮނިއޭސިސް
ޓްރައިކޮމޮނިއޭސިސް އަކީ ޓްރައިކޮމޮނަސް ވެޖިނަލިސް ކިޔާ ޕެރަސައިޓެއްގެ ސަބަބުން ޖިންސީ ގުޅުން ހިންގުމުގެ ތެރެއިން ޖެހޭ އިންފެކްޝަނެއް (އެސްޓީއައި) އެވެ. މިއީ ދުނިޔޭގެ އެންމެ އާންމު އެއް އެސްޓީއައި ކަމަށްވެއެ
- -މި އިންފެކްޝަން ޖެހެނީ ޕްރޮޓޯޒޯއަން ޕެރަސައިޓް ޓްރައިކޮމޮނަސް ވެޖިނަލިސް ގެ ސަބަބުންނެވެ.
- -ޓްރާންސްމިޝަން: މިއީ މުހިންމު ގޮތެއްގައި ޖިންސީ ގުޅުން ހިންގުމުގެ ތެރެއިން ޖެހޭ ބައްޔެކެވެ. އަދި ޖިންސީ ގުނަވަންތަކުގައި އަތްލުމުގެ ތެރެއިން ވެސް މި ޕެރަސައިޓް ފެތުރިދާނެ އެވެ. އަންހެނުންގެ އަލާމާތްތަކުގެ ތެރޭގައި ޖިންސީ ގުނަވަނުން ލޭއައުން (ގިނަ ފަހަރަށް ރީނދޫ-ފެހި، އަދި ގަދަ ވަހެއް)، ޖިންސީ ގުނަވަނުގެ ސަރަހައްދުގައި ރިހުން، ކުޑަކަމުދާއިރު ނުވަތަ ޖިންސީ ގުޅުން ހިންގާއިރު އުނދަގޫވުން، އަދި ޖިންސީ ގުނަވަނުން ރަތްވުން ނުވަތަ ދުޅަވުން ހިމެނެއެވެ.
- ފަރުވާ: މިއީ ގޭގައި ފަރުވާ ދެވޭ ވަރަށްވުރެ ބޮޑަށް ގޯސްވަމުންދާ ހިސާބުގެ އަލާމާތްތަކާއި ބަލިތަކެވެ. ކުރިންވެސް ބުނި ފަދައިން އެންޓިބަޔޮޓިިކުން ރަނގަޅުވާނެ ކަމަށް ވިޔަސް އެެއީ ކޮން އެންޓިބަޔޮޓިކެއްތޯ ބޭނުން ކުރަންވީ ކިހާވަރަކަށް ކޮން އިރަކުތޯ ދެނެގަތުމަށް ޑޮކްޓަރަށް ދެއްކުން މުހިންމެވެ. \
4- ކްލެމިޑިއާ އަދި ގޮނޯރިއާ
- ތަފްސީރު: ބެކްޓީރިއާ ކްލެމިޑިއާ ޓްރެކޮމެޓިސް އަދި ނައިސެރިއާ ގޮނޮރިއާ އިން ޖެހޭ އެސްޓީއައިސް އެވެ.
- – އަލާމާތްތައް: އާދަޔާ ހިލާފަށް ފެން ދޫވެ ވަސް ދުވުމާއި، ޕެލްވިކް ރިއްސުމާއި، ޕީރިއަޑްތަކުގެ މެދުގައި ލޭއައުން ފަދަ ކަންކަން މެދުވެރިވެދާނެއެވެ.
- ކުރިންވެސް ބުނި ފަދައިން އެންޓިބަޔޮޓިިކުން ރަނގަޅުވާނެ ކަމަށް ވިޔަސް އެެއީ ކޮން އެންޓިބަޔޮޓިކެއްތޯ ބޭނުން ކުރަންވީ ކިހާވަރަކަށް ކޮން އިރަކުތޯ ދެނެގަތުމަށް ޑޮކްޓަރަށް ދެއްކުން މުހިންމެވެ. \
އެހީތެރިވެ އޯގާތެރިވާށެވެ. އެއީ އެންމެ މުހިންމު ފަރުވާއެވެ.
5. ޕެލްވިކް އިންފްލެމެޓަރީ ޑިޒީޒް (ޕީއައިޑީ)
- – ތަފްސީރު: އަންހެނުންގެ ނަސްލީ ގުނަވަންތަކަށް އިންފެކްޝަން ޖެހުމަކީ، ގިނަ ފަހަރަށް ފަރުވާ ނުލިބޭ އެސްޓީއައި ގެ ސަބަބުން ޖެހޭ ބައްޔެކެވެ.
- – އަލާމާތްތައް: އާދަޔާ ހިލާފަށް ޑިސްޗާޖް ވުމާއެކު ވަސް ދުވުމާއި، ޕެލްވިކް ރިހުން، ހުމުގެ އަސަރު، އަދި ތަދުވާ ގޮތަށް ޖިންސީ ގުޅުން ހިންގުން.
- – ފަރުވާ: މިފަަދަ މައްސަލަތަކުގައި ލަސްނުކޮށް ޑޮކްޓަރަކަށް ދެއްކުމަކީ އެންމެ މުހިންމު ކަންތައް ކަމުގައި ދެކޭށެވެ.
-ރައްކާތެރިވުން، ތިމާގެ ހަށިގަނޑު ދެކެ ލޯބިވާށެވެ!
– ރަނގަޅު ސާފުތާހިރުކަން: ގަވާއިދުން މަޑު ސައިބޯނި އާއި ފެނުން ދޮވުމާއި، ޑައުޗިންގ އިން ދުރުހެލިވުމާއި، ނޭވާލާން ފަސޭހަ ކޮޓަން އަންޑަރވޭއާ ލައިގެން އުޅުން.
– ރައްކާތެރި ޖިންސީ އުސޫލުތައް: ކޮންޑަމް ބޭނުންކުރުމާއި ގަވާއިދުން އެސްޓީއައި ސްކްރީނިންގ ހެދުން.
– ގަވާއިދުން މެޑިކަލް ޗެކްއަޕް ހެދުން: އެއްވެސް މައްސަލައެއް އަވަހަށް ހޯދުމަށްޓަކައި ރޫޓިން ގައިނެކޮލޮޖިކަލް ޓެސްޓުތައް ހެދުން.
އަނބިމީހާއަށް ދމާވާ މަައްސަލަަތައްއަޑުއަހާށެވެ..
އިސްލާމީ އުނގަންނައިދިނުންތަކާ އެއްގޮތަށް އަމިއްލަ ސާފުތާހިރުކަން ދެމެހެއްޓުމަކީ ވަރަށް މުހިންމު ކަމެކެވެ. އަންހެނުންގެ ސިއްހަތު ރައްކާތެރިކުރުމަކީ އިސްލާމްދީނުގައި މުހިއްމު ކަމަކަށް ވާތީ، އާދަޔާ ހިލާފު އަލާމާތެއް ފެނިއްޖެނަމަ ޑޮކްޓަރުގެ ލަފާ ހޯދުމަށް ބާރުއަޅައެވެ. މީގެ އިތުރުން މެޑިކަލް ކޮންސަލްޓޭޝަންތަކުގައި ޙައްދުފަހަނަޅާފައިވާ ކަންކަމާއި ޕްރައިވެސީ ބެލެހެއްޓުމަށް ވެސް ބާރުއަޅައެވެ.
ވަސް އިތުރުވުމާއެކު އެންޓިރިއަރ ޑިސްޗާޖަކީ އެކި އިންފެކްޝަން ނުވަތަ ހާލަތްތަކުގެ ނިޝާނަކަށް ވެދާނެއެވެ. އަންހެނުންނަށް ދިމާވާ ސަބަބު ދެނެގަތުމަށް ޑޮކްޓަރުގެ ލަފާ ހޯދުމާއި އެކަށީގެންވާ ފަރުވާ ހޯދުމަކީ މުހިއްމު ކަމެކެވެ. ރަނގަޅު ސާފުތާހިރުކަން ދެމެހެއްޓުމާއި ރައްކާތެރި ޖިންސީ ސުލޫކުތައް އަމަލުކުރުމަކީ މިފަދަ ގިނަ ހާލަތްތަކުން ރައްކާތެރިވުމަށް އެހީތެރިވެދޭނެ ކަމެކެވެ.
