2024 ވަނަ އަހަރުގެ 1 ސެޕްޓެމްބަރުން 3 ސެޕްޓެމްބަރުގެ ނިޔަލަށް އިސްރަށްވެހިންގެ ނާދީއިން އިސްރަށްވެހިންނަށް ޚާއްސަކޮށްގެން ކުރިއަށް ގެންދަން ނިންމާފައިވާ ހަރަކާތްތަކުގެ ކަލަންޑަރު އާންމުކޮށްފިއެވެ.
މި ހަރަކާތްތަކުގެ ތެރޭގައި 1 ސެޕްޓެމްބަރ 2024 ވާ އާދިއްތަ ދުވަހުގެ ހެނދުނު 09:45 އިން 10:45 އަށް އިސްރަށްވެހިންނަށް ޚާއްސަ “ވޯކް ވޯކް” ކަސްރަތު ޕްރޮގްރާމް ކުރިއަށްދާނެއެވެ. އަދި މާމާ ކާފަ ދުވަސް ފާހަގަކުރުމަށް ސަލްޓަން ޕާކަށް ދިއުން 16:05 އިން 17:30 އަށް އޮންނާނެއެވެ.
2 ސެޕްޓެމްބަރ ވާ ހޯމަ ދުވަހު “އިސްރަށްވެހިންނާއެކު ހީލަމާ” ސެޝަނެއް 16:00 އިން 18:00 އަށް ބޭއްވުމަށްވަނީ ހަމަޖެހިފައެވެ.
3 ސެޕްޓެމްބަރ ވާ އަންގާރަ ދުވަހު 14:00 އިން 15:45 އަށް ހޭންޑިކްރާފްޓް ކްލާހުގެ ބެޗް 1 (25 ބައިވެރިން)، އަދި 16:00 އިން 17:45 އަށް ހޭންޑިކްރާފްޓް ކްލާހުގެ ބެޗް 2 (25 ބައިވެރިން) ކުރިއަށް ގެންދެވޭނެއެވެ. އަދި ހަމަ އެދުވަހުގެ 16:00 އިން 18:00 އަށް ޤައުމީ ދުވަސް ފާހަގަކުރުމުގެ ޕްރެކްޓިސް އޮންނާނެއެވެ.
މި ހަރަކާތްތަކުގައި ބައިވެރިވުމުގެ ފުރުޞަތު 55 އަހަރުން މަތީގެ ކޮންމެ ބޭފުޅަކަށްވެސް އޮންނާނެއެވެ.
އެގޮތުން އިސްރަށްވެހިންގެ ނާދީއަށް ވަޑައިގެން މި ޕްރޮގްރާމުތަކުގައި ކޮންމެ ބޭފުޅަކަށްވެސް ބައިވެރިވެވޭނެއެވެ. އަދި އިތުރު މަޢުލޫމާތު ސާފު ކުރެއްވުމަށް، އިސްރަށްވެހިންގެ ނާދީގެ ނަންބަރު 3027586 ގުޅުއްވުމަށް އިސްރަށްވެހިންގެ ނާދީން ވަނީ އެދިފައެވެ