ޤުދުސްއާއި ފަލަސްޠީނުގެ ޙައްޤުގައި މަސައްކަތްކުރާ ދިވެހިރާއްޖޭގެ ޤައުމީ އިއްތިޙާދުގެ އިފްތިތާޙީ ޖަލްސާ ބާއްވައިފިއެވެ.
އެ ޖަލްސާ ބާއްވާފައިވަނީ 31އޯގަސްޓް 2024 ވީ ހޮނިހިރު ދުވަހުގެ ރޭ އެވެ.
ޤްލޯބަލް ކޯލިޝަން ފޯ ޤުދުސް އެންޑް ޕަލަސްތައިން އަކީ ސަޙްޔޫނީން ފޭރިގެންފައިވާ ޤުދުސްއާއި، ފަލަސްތީންގެ ހުރިހާ ބިންތަކުގެ ހައްގުގައި މަސައްކަތް ކުރުމައްޓަކައި ފަލަސްތީނުގެ އިލްމުވެރިންނާއެކު ކުރިއަށްދާ ހަރަކާތެކެވެ.
ޤުދުސްއާއި ފަލަސްޠީނުގެ ޙައްޤުގައި މަސައްކަތްކުރާ ދިވެހިރާއްޖޭގެ ޤައުމީ އިއްތިޙާދުގެ އިފްތިތާޙީ ޖަލްސާ ގެ ތެރެއިން/ފޮޓޯ : އިސްރާ
ފަލަސްޠީނުގެ ޤަޟިއްޔާގެ އަޑު ކެނޑުނަ ނުދީ އެ ގަޟިއްޔާއަށް ޚިދުމަތް ކުރުމަށްޓަކައި ޤުދުސްއާއި ފަލަސްޠީނުގެ ޙައްޤުގައި އެކުގައި މަސައްކަތްކުރާނެ ޤައުމީ ކޯލިޝަންތަކެއް ހެދުމަށް، ޤުލޯބަލް ކޯލިޝަން ފޯ ޤުދުސް އެންޑް ޕަލަސްޓައިން (GCQP) އިން ވަނީ ނިންމާފައެވެ. އިސްރާ އެސޯސިއޭޝަންއަކީ ޖީ.ސީ.ކިއު.ޕީ ގެ މެމްބަރެއްގެ އިތުރުން މިވަގުތު މި ކޯލިޝަންގެ ދިވެހިރާއްޖޭގެ ފޯކަލްޕޮއިންޓް ވެސްމެވެ. އެހެންކަމުން މި ޖަމްޢިއްޔާއިން ވަނީ ދިވެހިރާއްޖޭގެ ޖަމްޢިއްޔާ ޖަމާޢަތްތަކާއި އެކިއެކި މުއައްސަސާތަކާ ގުޅިގެން، ޤުދުސް އާއި ފަލަސްޠީނުގެ ޙައްޤުގައި އެކުގައި މަސައްކަތް ކުރާނެ އެއްބައިވަންތަކަމުގެ އިއްތިޙާދެއް އެކުލާވާލަން ނިންމާފައެވެ.
ޤުދުސްއާއި ފަލަސްޠީނުގެ ޙައްޤުގައި މަސައްކަތްކުރާ ދިވެހިރާއްޖޭގެ ޤައުމީ އިއްތިޙާދުގެ އިފްތިތާޙީ ޖަލްސާ ގެ ތެރެއިން/ފޮޓޯ : އިސްރާ
އެ ކޯލިޝަންގައި ބައިވެރިވުމަށް ދިވެހިރާއްޖޭގެ އެންމެހާ ޖަމިއްޔާ ޖަމާޢަތްތަކާއި މުއައްސަސާތަކަށް ވަނީ ދަޢުވަތު ދެއްވާފައެވެ. އެ ހަރަކާތުގައި އެކިއެކި ޖަމިއްޔާތަކާއިއަދި ދުނިޔޭގެ އެކިއެކިކަންކޮޅުތަކުގައި އަޑު އުފުލަމުންދާ އިލްމުވެރިންނާއި ދީނީ އިޖްތިމާއީ ޖަމާއަތްތަކުން ގުޅިގެން މަސައްކަތް ކުރެވޭނެ ކަމަށްވެސް އިސްރާއިން ބުނެއެވެ.
ޤައުމީ އިއްތިޙާދުގެ އިފްތިތާޙީ ޖަލްސާ ބާއްވާފައިވާއިރު އިސްރާއިން ބުނީ މިއީ ދިވެހިރާއްޖޭގެ ޖަމިއްޔާ ޖަމާއަތްތަކާއި، އެކިއެކި މުއައްސަސާތަކާ ގުޅިގެން ގުދުސްއާއި ފަލަސްތީންގެ ހައްޤުގައި އެކުގައި މަސައްކަތް ކުރާ އެއްބައިވަންތަކަމުގެ އިއްތިހާދެއް ކަމަށެވެ. އެފަދަ ކޯލިޝަނެއް ކުރިއަށްދާއިރު އެ ކޯލިޝަނުގައި އެއްވެސް ސިޔާސީ މަސައްކަތެއް ނުކުރާނެ ކަމަށާއި، ފަރުދީ ގޮތުން އެންމެހާ މުސްލިމުން ބައިވެރިވުމަށްވެސް ވަނީ އެދި ލައްވާފައެވެ.