ޕޯސްޓް-ޓްރޯމެޓިކް ސްޓްރެސް ޑިސޯޑަރ (ޕީޓީއެސްޑީ) އަކީ މީހަކަށް ހިތްވޭނިވި ހަނދާނެއް ނުވަތަ ނުހަނު ބޮޑަށް އަސަރު ކުރުވަނިވި ތަޖުރިބާއެއް، އަސަރުކުރާ ފަދަ ހާދިސާއެއް ދިމާވުމުން ނުވަތަ އެފަދަ ކަމެއް ފެނުމުން ޖެހިދާނެ ނަފްސާނީ ބައްޔެކެވެ. އާންމުކޮށް މި ޓްރޯމާ ޖެހޭ ސަބަބުތަކުގެ ތެރޭގައި ހަނގުރާމަ، ގުދުރަތީ ކާރިސާތައް، ނުރައްކާތެރި އެކްސިޑެންޓްތައް، ޖިސްމާނީ އަނިޔާ، ނުވަތަ ލޯބިވާ މީހަކު ކުއްލިއަކަށް މަރުވުން ފަދަ ކަންކަން ހިމެނެއެވެ.
ޕީޓީއެސްޑީގެ އަލާމާތްތައް ތަފާތުވެދާނެއެވެ. ނަމަވެސް، އާންމުކޮށް ފެންނަ އަލާމާތްތަކުގެ ތެރޭގައި ޓްރޯމާ އަލުން އިހްސާސްކުރުން ހިމެނެއެވެ. މީގެ ތެރޭގައި ފްލޭޝްބެކްތަކާއި، ނުބައި ހުވަފެންތަކާއި، އެކަމާ ގުޅޭ ޚިޔާލުތަކާއި ހަނދާންތައް ކުއްލިއަކަށް އައުން ހިމެނެއެވެ. މީގެ އިތުރުން، ޓްރޯމާ ހަނދާންކޮށްދޭ ކަންކަމުންނާއި، އެކަމާ ގުޅޭ ޚިޔާލުތަކާއި، އިހްސާސްތަކާއި، ވާހަކަތަކުން ދުރުހެލިވުމަކީވެސް އާންމު އަލާމާތެކެވެ.
ޕޯސްޓް-ޓްރޯމެޓިކް ސްޓްރެސް ޑިސޯޑަރ؛ ދިމާވާ ކަމަކުން ހަޔާތަށް އަންނަ ނަފުސާނީ ބޮޑު ބަދަލެއް!
ވިސްނުމާއި މޫޑަށް އަންނަ ނޭދެވޭ ބަދަލުތަކުގެ ތެރޭގައި އުންމީދު ކެނޑުމާއި، ގުޅުންތައް ދެމެހެއްޓުމަށް އުނދަގޫވުމާއި، ހަނދާން ބަލިވުން ހިމެނެއެވެ. ބައެއް ފަހަރު ޓްރޯމެޓިކް ހާދިސާގެ މުހިންމު ބައިތައް ހަނދާން ނެތުންވެސް މީގެ ތެރޭގައި ހިމެނިދާނެއެވެ.
އަދި ޖިސްމާނީ އަދި ނަފްސާނީ ރައްދުތަކަށް އަންނަ ބަދަލުތަކުގެ ތެރޭގައި ފަސޭހައިން ސިހުމާއި، ކަންބޮޑުވެފައި ނުވަތަ "ނާމާން" ގޮތަކަށް އިހްސާސްވުމާއި، ނިދުމަށް އުނދަގޫވުމާއި، ރުޅިއައުން ހިމެނެއެވެ.
ޕީޓީއެސްޑީއަށް ފަރުވާ ކުރެވިދާނެއެވެ. އަދި އެކަމުން އަސަރުކުރާ މީހުންނަށް އެކި ބާވަތުގެ ފަރުވާތަކުން ފައިދާ ކުރެއެވެ. މީގެ ތެރޭގައި ސައިކޮތެރަޕީގެ އެކި ބާވަތްތައް ހިމެނެއެވެ.
. ޕީޓީއެސްޑީ ފަރުވާކުރުމަށް އެންމެ އާންމުކޮށް ބޭނުންކުރެވެނީ ސައިކޮތެރަޕީ ./ވާހަކަދައްކައިގެން ކުރާ ފަރުވާ
ޕީޓީއެސްޑީއަށް ފަރުވާ ކުރުމުގައި ސައިކޮތެރަޕީގެ އިތުރުން، އަމިއްލައަށްވެސް އެހީތެރިވެވޭނެ ގޮތްތަކެއް ވެއެވެ. މައިންޑްފުލްނެސް އަދި ރިލެކްސޭޝަން ޓެކްނިކްތައް ބޭނުންކުރުމަކީ ވަރަށް ފައިދާހުރި ކަމެކެވެ.
މިފަދަ ޓެކްނިކްތަކުން ސްޓްރެސް މެނޭޖްކުރުމަށާއި، ހިތްހަމަޖެހުން ހޯދުމަށް އެހީތެރިވެދެއެވެ. ހަމައެހެންމެ، ގަވާއިދުން ކަސްރަތުކުރުމަކީވެސް ޕީޓީއެސްޑީގެ އަލާމާތްތައް ކުޑަކުރުމަށް އެހީތެރިވެދޭނެ ކަމެކެވެ. ކަސްރަތުކުރުމުން ހަށިގަނޑުން އެންޑޯފިން އުފެދި، މޫޑު ރަނގަޅުވެ، ނިދުމަށް ފަސޭހަވެއެވެ.
. ޕީޓީއެސްޑީ ފަރުވާކުރުމަށް އެންމެ އާންމުކޮށް ބޭނުންކުރެވެނީ ސައިކޮތެރަޕީ (ވާހަކަދައްކައިގެން ކުރާ ފަރުވާ)
ދުޅަހެޔޮ ދިރިއުޅުމެއް އުޅުމަކީވެސް ވަރަށް މުހިންމު ކަމެކެވެ. މީގެ ތެރޭގައި ރަނގަޅު ކާނާ ކެއުމާއި، ފުދޭވަރަކަށް ނިދުމާއި، އަދި ދުންފަތުގެ އިސްތިއުމާލު ކުރުންފަދަ ނޭދެވޭ އާދަތަކުން ދުރުހެލިވުން ހިމެނެއެވެ. އަދި އެންމެ މުހިންމު ކަމަކީ އެހީތެރިވާނެ ބައެއްގެ އެހީ ހޯދުމެވެ.
އާއިލާއާއި، ރަހުމަތްތެރިންގެ އެހީތެރިކަމާއި އެއްބާރުލުން ހޯދުމަކީ ޕީޓީއެސްޑީއާ ކުރިމަތިލުމުގައި ވަރަށް މުހިންމު ދައުރެއް އަދާކުރާނެ ކަމެކެވެ. މި ހުރިހާ ކަމެއް އެކުގައި ކުރުމުން، ޕީޓީއެސްޑީގެ އަސަރުތައް ކުޑަކޮށް، އާންމު ދިރިއުޅުމަކަށް އަނބުރާ ދިއުމަށް މަގުފަހިވެގެންދާނެއެވެ.
ޖިސްމާނީ އަދި ނަފްސާނީ ރައްދުތަކަށް އަންނަ ބަދަލުތަކުގެ ތެރޭގައި " ނިދުމަށް އުނދަގޫވުމާއި، ރުޅިއައުން ހިމެނެ
ޕޯސްޓް-ޓްރޯމެޓިކް ސްޓްރެސް ޑިސްއޯޑަރ (ޕީޓީއެސްޑީ) އަކީ ނަފްސާނީ ގޮތުން ބިރުވެރި ނުވަތަ ހިތްދަތި ހާދިސާއެއް ދިމާވުމަށްފަހު މީހުންގެ ކިބައިގައި އާންމުކޮށް ފެންނަ ނަފްސާނީ މައްސަލައެކެވެ. މި ބަލީގެ އަލާމާތްތަކުގެ ތެރޭގައި ހިމެނެނީ ކުރިން ދިމާވި ހިތްދަތި ހާދިސާތައް ހަނދާންވުން، ކަންބޮޑުވުން، ނުރަނގަޅު ޚިޔާލުތަކާއި ވިސްނުންތައް އުފެދުން، އަދި ވަށައިގެންވާ ކަންކަމަށް ބޭހައްދު ސަމާލުކަން ދިނުން ފަދަ ކަންކަމެވެ. ޕީޓީއެސްޑީ ފަރުވާކުރުމަށް އެންމެ އާންމުކޮށް ބޭނުންކުރެވެނީ ސައިކޮތެރަޕީ (ވާހަކަދައްކައިގެން ކުރާ ފަރުވާ) އެވެ.
އަބަދުވެސް ހަނދާނުގައި ބަހައްޓާށެވެ. ދިމާވި "އެހާދިސާ" ބަދަލު ކުރެވޭނެ ހެއްޔެވެ. ނޫނެކެވެ. އަނބުރާ ގެނެސް އެވަގުތު އެހެންގޮަތަކަށް އެކަން އަނބުރާލެވޭނެ ހެއްޔެވެ. ނޫނެކެވެ.
ޕީޓީއެސްޑީ އަކީ ނަފްސާނީ ގޮތުން ދިމާވާ މައްސަލައެއް، މިއީ ބޮޑުބައްޔެއް ނޫން
އެއީ ނުވާކަމަކަށް ހެދޭނެ ހެއްޔެވެ. ނޫނެކެވެ. ހަނދާން ނައްތާލާ އެއީ ނާންނަ ވަގުތެއްކަން ގަބޫލު ކުރެވޭނެ ހެއްޔެވެ، ނޫނެވެ، މިހުރިހާ ނޫނެކޭ އާއެކު އެއް އާއެކޭ އެބައޮތެވެ. އެވަގުތުތަކުގެ އެހާދިސާއިން ލިބުނު ފިލާވަޅު، މުސްތަގުބަލުގެ އިބްރަތަކަށް ހަދައި އެވަގުތުގެ ތިމާ ނިކަމެތިވެ، ނަފުސަށް ހަމްދަރުދީވުމަށް ގޮން ޖަހައި ކެރިގެން ކުރިމަތިލައި އެއަށްވުރެ ތިމާއަކީ ވަރުގަދަ ގަދަފަދަ، ނަފުސަށް ބާރުފޯރުވާ މީހެއްކަމުގައި ގަބޫލުކޮށް ހިނިތުންވެ ހުރެ ހަޔާތުގެ ނަވުގެ ހުންގާނުގައި ހިފައިގެން ނައު ސީދާ މަގުން ފަހި ދަތުރަކަށް އަނބުރައި، އަމާން މަގުން ދަތުރު ކުރިއަށްދާށެވެ.