މިދިޔަ ހަފްތާގައި އެކްސިޑެންޓު ތަކުގައި 2 ޒުވާނަކު ނިޔާވިއިރު، އޮގަސްޓް 30 ވަނަ ދުވަހު ދަތުރުގޮސް އުޅުނު ިއރު ގެއްލުނު ޒުވާނާ އަދިވެސް ނުފެނެއެވެ.
މިދިޔަ ބުދަ ދުވަހުގެ ރޭ 12:53 ހާއިރު ހިނގި އެކްސިޑެންޓުގައި ސީރިއަސް ހާނީއްކަތަކެއް ލިބުމާގުޅިގެން އިންދިރާ ގާންދީ މެމޯރިއަލް ހޮސްޕިޓަލް، އައިޖީއެމްއެޗުގައި ފަރުވާ ދެމުންދަނިކޮށް ނިޔާވީ އުމުރުން 21 އަހަރުގެ ޒުވާނެކެވެ.
އެއީ ގދ. ގައްދޫ، އަހަރުގެ މުޙައްމަދު ލީވާން ޢަބްދުއްލަޠީފެވެ.
މި އެކްސިޑެންޓް ހިނގީ މާލޭގެ ބޮޑުތަކުރުފާނުމަގާއި ކޮއިމަލާ ހިނގުން ގުޅޭ ކަންމަތީގައި ކާރަކާއި ސައިކަލެއް ޖެހިގެންނެވެ. އެކްސިޑެންޓާގުޅިގެން ފަރުވާ ދެމުންދަނިކޮށް ނިޔާވި ލީވާންއަކީ ސައިކަލް ދުއްވަން އިން މީހާކަމަށް ފުލުހުން ވިދާޅުވެއެވެ.
މިދިޔަ ހުކުރު ދުވަހުގެ ރޭ ހުޅުމާލޭގައި ކާރަކާއި ސައިކަލެއް ޖެހި ހިނގި ނުރައްކާތެރި އެކްސިޑެންޓުގައި 23 އަހަރުގެ ޒުވާނެކެވެ.
މިދިޔަ ހަފްތާގައި 2 ޒުވާނަކު ނިޔާޥިއިރު ހުވަފެންފުށި ދެކުނުން ހިއްކާފައި އޮންނަ، ފަސްގަނޑަށް ދަތުރު ގޮސް އުޅެނިކޮށް ތަސްލީމް ގެއްލިފައިވާ ކަމަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ފެށީ އޮގަސްޓު 30 ވަަނަ ދުވަހުގައެެވެ. އެހެންނަމަވެސް އަދިވެސް އެ ޒުވާނާ ނުފެނެއެވެ.
ތަސްލީމް ހޯދުމަށް އެމްއެންޑީއެފުން ވެސް ދަނީ މަސައްކަތް ކުރަމުންނެވެ. ފިނޮޅުގެ ވަށައިގެން 5000 އަކަ ފޫޓުގެ ސަރަހައްދެއް ސްނޯކަލް ކޮށްގެންނާއި، އަދި 3000 އަކަފޫޓުގެ ސަރަހައްދެއް ކަނޑުއަޑިން ޑައިވްކޮށްގެން ކޯސްޓްގާޑުގެ ޑައިވަރުން ބަލާފައިވާ ކަމަށް އެމްއެންޑީއެފުން މަޢުލޫމާތުދެއެވެ. އެހެންނަމަވެސް މިހާތަނަށް ލިބިފައިވާ މައުލޫތަށް ބަލާއިރު، ތަސްލީމް ގެއްލިފައިވަނީ މޫދަށްކަން ކަށަވަރު ކުރެވިފައި ނުވާތީ، އޭނާ ހޯދުމުގެ އޮޕަރޭޝަން ލީޑު ކުރަނީ ދިވެހި ފުލުހުންގެ ޚިދުމަތުންކަމަށްވެސް އެމްއެންޑީއެފުން ބުނެފައިވެއެވެ.