އިމިގްރޭޝަން ޔުނިފޯމާ ވައްތަރު ހެދުމެއްގައި ތިބޭ ބަޔަކު ސްކޭމް ކޯލްތައް ކުރަމުންދާތީ އެކަމަށް ސަމާލުވުމަށް އިމިގްރޭޝަނުން އެދިއްޖެއެވެ.
މޯލްޑިވްސް އިމިގްރޭޝަނުން މިކަން ހާމަކުރީ މިއަދު އެކްސްގައި ކުރި ޕޯސްޓެއްގައެވެ.
އިމިގްރޭޝަނުންބުނެފައިވަނީ، އިމިގްރޭޝަންގެ ޔުނިފޯމާ ވައްތަރު ހެދުމެއްގައި ތިބޭ ބަޔަކު، ވަޓްސްއެޕް މެދުވެރިކޮށް ރާއްޖެއިން ބޭރު ނަންބަރުތަކުން ވީޑިއޯ ކޯލްތައް ކޮށް، އާންމު ރައްޔިތުންގެ އަތުން އެމީހުންގެ ޒާތީ މަޢުލޫމާތާއި ބޭންކު ކާޑުގެ މަޢުލޫމާތު ހޯދަމުންދާކަމަށެވެ.
އިމިގްރޭޝަނުން ދީފައިވާ މަޢުލޫމާތުގައި، މިއީ އެއްވެސް ހާލެއްގައި އިމިގްރޭޝަން އޮފިސަރުންގެ އަމަލެއް ނޫންކަމުގެ ޔަޤީންކަން ދީފައިވެއެވެ. އަދި މިފަދަ ސްކޭމް ކޯލްތަކަށް ސަމާލުވުމަށް އެންމެހާ ފަރާތްތަކަށް އިލްތިމާސްކޮށްފައިވެއެވެ.
މި މައްސަލައާ ގުޅިގެން އިމިގްރޭޝަނުން ވަނީ މިފަދަ ކޯލްތަކަށް ޖަވާބުދީ، އަމިއްލަ މަޢުލޫމާތު ހިއްސާނުކުރުމަށް އާންމުންނަށް އިލްތިމާސްކޮށްފައިވެއެވެ.
ރައްޔިތުން މިފަދަ ކޯލްތަކަށް ސަމާލުވެ، ޝައްކު ހުރި ކޯލްތަކަށް ޖަވާބު ނުދިނުމަށާއި، އަމިއްލަ މަޢުލޫމާތު ހިއްސާނުކުރުމަށް ކަމާބެހޭ އިދާރާތަކުމް އިލްތިމާސްކުރެއެވެ. އަދި މިފަދަ ކަމެއް ދިމާވެއްޖެނަމަ، ވަގުތުން ކަމާބެހޭ ފަރާތްތަކަށް އެންގުމަށްވެސް އެދެއެވެ.