ބޭންކް އޮފް މޯލްޑިވްސް (ބީއެމްއެލް)ގެ ސީއީއޯ ކާލް ސްޓުމްކަ މަގާމުން އިސްތިއުފާ ދެއްވައިފިއެވެ. ބީއެމްއެލްއިން މިއަދު ނެރުނު ބަޔާނެއްގައި ބުނެފައިވަނީ ކާލް އިސްތިއުފާ ދެއްވާފައިވަނީ އިއްޔެ ކަމަށެވެ.
ނަމަވެސް، ބީއެމްއެލްއިން މަޢުލޫމާތު ދީފައިވާ ގޮތުގައި ކާލް ސްޓުމްކަ އިސްތިއުފާ ދެއްވި ނަމަވެސް، ކުރިއަށް އޮތް އާންމު ޖަލްސާ ނިމެންދެން އޭނާ އެ މަގާމުގައި ދެމިހުންނަވާނެއެވެ. މީގެ އިތުރުން، އާ ސީއީއޯއެއް އައްޔަންކުރުމުގެ މަސައްކަތް މިހާރުވެސް ކުރިއަށްދާ ކަމަށް ބޭންކުން ހާމަކޮށްފައިވެއެވެ.
ބޭންކުގެ ބަޔާނުގައި އިތުރަށް ބުނެފައިވަނީ އާ ސީއީއޯއެއް އައްޔަންކުރެވެންދެން އެ މަގާމުގެ މަސްއޫލިއްޔަތުތައް އަދާކުރައްވާނީ ޑެޕިއުޓީ ސީއީއޯ ކަމަށެވެ. މިގޮތުން، މިހާރުގެ ޑެޕިއުޓީ ސީއީއޯ އާއިޝަތު ނޫރައްދީން ވެސް ވަނީ މިދިޔަ މަހު ބޭންކުގެ ބޯޑުން އިސްތިއުފާ ދެއްވާފައެވެ.ެވެ. އެހެންނަމަވެސް، އޭނާ އަދިވެސް ޑެޕިއުޓީ ސީއީއޯގެ މަގާމު އަދާކުރައްވަމުން ގެންދަވައެވެ.
ކާލް ސްޓުމްކަ ބީއެމްއެލްގެ ސީއީއޯގެ މަގާމަށް އައްޔަންކުރެވުނީ 2022 ވަނަ އަހަރުގެ އޮކްޓޯބަރު މަހުގެ ތެރޭގައެވެ. އޭނާގެ އިސްތިއުފާއާ ގުޅިގެން ބޭންކުގެ ހިންގުމަށް އަންނާނެ ބަދަލުތަކާ ބެހޭ އިތުރު މަޢުލޫމާތު ބީއެމްއެލްއިން އަދި ހާމަކޮށްފައެއް ނުވެއެވެ.