މާލޭގެ ހެންވޭރު ސޯސަންމަގު ކޮޅުގައި ހުންނަ ދޫހިމެރިގޭގައި އަލިފާނުގެ ހާދިސާއެއް ހިނގައިފިއެވެ.
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން މައުލޫމާތު ދެއްވާފައިވާ ގޮތުގައި، މި އިމާރާތުގެ މަތީ ފަންގިފިލާގައި ހުންނަ ގާމަގު ކެފޭގައި އަލިފާން ރޯވެފައިވާ ކަމުގެ ރިޕޯޓް ލިބިފައިވާ ކަމަށެވެ.
އަދި އެ ރިޕޯޓު ލިބުމާއެކުހެން އެމްއެންޑީއެފްގެ ފަޔަރ އެންޑް ރެސްކިއު ސަރވިސްގެ އޮފިސަރުން ވަގުތުން އެ ސަރަހައްދަށް ދަތުރުކޮށް، އަލިފާން ނިއްވުމުގެ މަސައްކަތުގައި ހަރަކާތްތެރިވަމުންދާ ކަމަށް އެމްއެންޑީއެފް އިން ވަނީ ބުނެފައެވެ. ހަމަމިއާއެކު، މޯލްޑިވްސް ޕޮލިސް ސަރވިސްގެ އޮފިސަރުންވެސް އެ ސަރަހައްދުގައި ހަރަކާތްތެރިވެ، ސަލާމަތީ ފިޔަވަޅުތައް އަޅަމުން ގެންދިޔަކަމަށްވެއެވެ.
މި ހާދިސާއާ ގުޅިގެން، މީސް މީޑިއާގައި ވަނީ އަލިފާން ރޯވެފައިވާ މަންޒަރު ދައްކުވައިދޭ ވީޑިއޯއެއް ފެތުރިފައެވެ. މި ވީޑިއޯއިން ފެންނަ ގޮތުގައި، އަލިފާން ރޯވެފައިވަނީ އިމާރާތުގެ މަތީ ފަންގިފިލާގައެވެ. ދޫހިމެރިގޭގެ ތިރީ ބައިގައި ގާމަގު ކެފޭ ނަމަކަށް ކިޔާ ކެފޭއެއް ހުރެއެވެ.
އެމްއެންޑީއެފްއިން ދާދި ދެންމެއަކު ހާމަކުރި ގޮތުގައި، އަލިފާންގަނޑު އިތުރަށް ނުފެތުރޭ ވަރަށް މިހާރު ވަނީ ކޮންޓްރޯލް ކުރެވިފައެވެ. ނަމަވެސް، މި ހާދިސާގައި ލިބުނު ގެއްލުމުގެ މިންވަރާއި، ހާދިސާ ހިނގި ސަބަބު އަދި ވަނީ ހާމަކޮށްފައެއް ނުވެއެވެ.
މި ހާދިސާއާ ގުޅިގެން އިތުރު މައުލޫމާތު ލިބެމުންދާ ވަރަކަށް ގެނެސްދޭނެ