ހުޅުމާލޭގެ ސްކޫލްތަކަށް ދިމާވެފައިވާ ޖާގައިގެ ދަތިކަން ޙައްލުކުރުމުގެ ގޮތުން ސަރުކާރުން ހުޅުމާލޭގެ ދެވަނަ ފިޔަވަހީގައި މިހާރުވެސް އައު ސްކޫލުއް ބިނާ ކުރުމުގެ މަސައްކަތް އެބަކުރިއަށްދާ ކަމަށް ތައުލީމީ ވުޒާރާއިން ހާމަކޮށްފިއެވެ.
އެ ވުޒާރާއިން މިހެން ބުނެފައިވަނ މިނިސްޓަރ ޑރ. އިސްމާޢީލް ޝަފީޢު، ހައުސިންގ ޑިވެލޮޕްމެންޓް ކޯޕަރޭޝަން (އެޗް.ޑީ.ސީ) ގެ އަރބަން ޑިވެލޮޕްމަންޓް ޓެކްނިކަލް ޓީމާ މިއަދު ބައްދަލުކުރައްވުމަށްފަހުގައެވެ.
އެ ބައްދަލުވުމުގައި މިނިސްޓަރ ވަނީ ހުޅުމާލޭގައި ޢިމާރާތްކުރަން ހަމަޖެހިފައިވާ ސްކޫލް އިންފްރާސްޓްރަކްޗަރ އާ ގުޅޭގޮތުން އެޗް.ޑީ.ސީގެ ޓެކްނިކަލް ބޭފުޅުންނާ މަޝްވަރާކުރައްވާފައެވެ. ހުޅުމާލޭގެ ސްކޫލްތަކަށް ދިމާވެފައިވާ ޖާގައިގެ ދަތިކަން ޙައްލުކުރުމުގެ ގޮތުން ސަރުކާރުން ހުޅުމާލޭގެ ދެވަނަ ފިޔަވަހީގައި މިހާރުވެސް އައު ސްކޫލުއް ބިނާ ކުރުމުގެ މަސައްކަތް އެބަކުރިއަށްދާ ކަމަށާއި، އެ ސްކޫލަކީ 54 ކްލާސްރޫމާއި ހޯލަކާއި ސްކޫލުތަކުގައި ހިމެނޭ އެހެނިހެން ވަޞީލަތްތަކުގެ އިތުރުން ޓާފްދަނޑެއް އެކުލެވޭގޮތަށް އިމާރާތް ކުރެވޭ ސްކޫލެއް ކަމަށް ވެސް މިނިސްޓަރު ވިދާޅުވިއެވެ.