މާލޭ ގެސްޓްހައުސްއެއްގައި ޒަޚަމްތަކާއެކު އޮއްވައި ފެނުނު މީހާއާމެދު މާާރާމާރީ ހިންގިކަމުގެ ތުހުމަތުގައި ދެ މީހަކު ހައްޔަރުކޮށްފިއެވެ.
މާލޭ ގެސްޓްހައުސްއެއްގައި ޒަޚަމްތަކާއެކު އޮއްވައި މީހަކު ފެނުނީ މި މަހުގެ 9 ގައެވެ.
ފުލުހުން މިއަދު ބުނީ މި މައްސަލާގައި ކޯޓު އަމުރެއްގެ ދަށުން އިއްޔެ ޕެރިސް، ކ.ތުލުސްދޫ، ފައުޒާން ޒަރީރު (23އ) އާއި މއ.ވޮއްކޮޅުގެ އަޙްމަދު މާޒިން އިބްރާހިމް (23އ) ހައްޔަރުކޮށްފައިވާ ކަމަށެވެ.
ފުލުހުން ބުނީ މައްސަލައާ ގުޅިގެން މި ދެ މީހުންގެ ބަންދާމެދު ގޮތެއް ނިންމުމަށް މިއަދު ކްރިމިނަލް ކޯޓަށް ހާޒިރުކުރުމުން ޝަރީއަތް ނިމެންދެން ބަންދުކުރުމަށް އަމުރުކޮށްފައިވާ ކަމަށެވެ.
އަދި މި މައްސަލަ ތަހުގީގުކުރަމުންދާ ކަމަށް ފުލުހުން ވަނީ ބުނެފައެވެ.