އޭޝިއާ ޕެސިފިކް ރީޖަނަލް ކޮންފަރެންސް އޮން ޕޮޕިއުލޭޝަން އޭޖިންގެ ހަވާސާގައި އިޖުތިމާއީ އަދި އާއިލީ ތަރައްޤީއާ ބެހޭ ވަޒީރު ޑރ އައިޝަތު ޝިހާމް ޔޫއެންއެފްޕީއޭ އޭޝިއާ ޕެސިފިކް ރީޖަނަލް ޑިރެކްޓަރ ޕިއޯ ސްމިތް އާއި ބައްދަލުކުރައްވައިފި އެވެ.
އެ ބައްދަލުވުމުގައި ދެ ފަރާތުން ގުޅިގެން ކުރެވޭނެ ކަންކަމާއި ގުޅޭގޮތުން ވަނީ މަޝްވަރާކުރައްވާފަ އެވެ.
ހަމަ އެއާއެކު ވަޒީރު ވަނީ އިޖްތިމާއީ އަދި އާއިލީ ތަރައްޤީއާ ގުޅުންހުރި ކަންކަމުގަޔާއި ވުޒާރާގެ މަސައްކަތްތަކަށް ޔޫއެންއެފްޕީއޭއިން މިހާރުވެސް ދެމުންގެންދާ އެއްބާރުލުން ފާހަގަކުރައްވާ ޝުކުރުއަދާކުރައްވާފަ އެވެ.