ކަޅުދިރިން ލިބޭ ސިއްހީ އެއް ފައިދާއަކީ ދިފާއީ ނިޒާމު ރަނގަޅު ކުރުމެވެ. މިއުނިކް ޔުނިވާސިޓީއާއި އިންސްޓިޓިއުޓް އިމިއުނޮލޮޖީގެ ސްޕީޗް ޑިރެކްޓަރު، ވިދާޅުވީ ކަޅުދިރީގެ ބައެއް ބަޔޯރެގިއުލޭޓަރެއްގެ ގޮތުގައި ބޭނުން ކުރެވޭކަމަށެވެ.
ސައިންސްގެ ދުނިޔޭގައި ނިގޭލާ ސެޓިވާ އާއިލާއަށް ނިސްބަތްވާ މަޝްހޫރު ކަޅުދިރިއަކީ އިސްލާމީ ސަގާފަތުގައި އަދި ސަގާފީ ބޭސްވެރިކަމުގައި ގަރުނުތަކެއް، ޒަމާންތަކެއް ކުރިއްސުރެ ބޭނުންކުރަމުން އައިސްފައި، އިތުބާރާއި ޔަގީންކަން ލިބިފައިވާ، އިސްލާމްދީނުގައި ސުންނަތުގެ އަހުލުވެރިންވެސް އަހައްމިއްޔަތުކަންދޭ ބާވަތެކެވެ.
ކަޅުދިރިން ލިބޭ ސިއްހީ އެއް ފައިދާއަކީ ދިފާއީ ނިޒާމު ރަނގަޅު ކުރުމެވެ…..ފޮޓޯ:ހެލްތީލައިފް
ކަޅުދިރިން ސިއްހީ ގޮތުން ލިބޭ ބައެއް ފައިދާ!
އިމިއުން ސިސްޓަމް ހަރުދަނާކުރުން:
ކަޅުދިރިއަކީ ހަށިގަނޑުގެ ދިފާއީ ނިޒާމު ވަރުގަދަކޮށްދޭ އެއްޗެކެވެ. މިގޮތުން، އިންފެކްޝަންތަކާއި އެކި ބާވަތުގެ ބަލިތަކާ ދެކޮޅަށް ހަށިގަނޑަށް އެހީތެރިވެދެއެވެ.
އިންފްލެމޭޝަން މަދުކުރުން:
ކަޅުދިރީގައި ވަރުގަދަ އެންޓި-އިންފްލެމެޓަރީ ބާރުތަކެއް ވާކަން ދިރާސާތަކުން ދައްކައެވެ. މިކަމުގެ ސަބަބުން ހަށިގަނޑުގެ ބައެއްކަންކަން ދުޅަވުން ކުޑަވެ، އާތުރައިޓިސް ފަދަ ހާލަތްތަކަށް ލުޔެއް ލިބިދެއެވެ.
އެންޓިއޮކްސިޑެންޓް ބާރު:
ކަޅުދިރީގައި އެންޓިއޮކްސިޑެންޓްތައް ގިނައިން ހުރުމުގެ ސަބަބުންބަބުން، ފްރީ ރެޑިކަލްސްއިން ހަށިގަނޑަށް ލިބޭ ގެއްލުންތަކުން ރައްކާތެރިވުމަށް އެހީތެރިވެދެއެވެ.
ކަޅުދިރި: އިންފެކްޝަންތަކާއި އެކި ބާވަތުގެ ބަލިތަކާ ދެކޮޅަށް ހަށިގަނޑަށް އެހީތެރިވެދެއެވެ.
ހަޖަމުކުރުމުގެ ނިޒާމު ރަނގަޅުކުރުން:
ކަޅުދިރިން ހަޖަމުކުރުމުގެ ނިޒާމަށް އެހީތެރިވެދެއެވެ. ފުއްޕާމޭ، ގޭސް، އަދި ހަޖަމު ނުވުން ފަދަ މައްސަލަތަކަށް ލުޔެއް ލިބިދެއެވެ.
ނޭވާލާ ނިޒާމު ހަރުދަނާކުރުން:
ކަޅުދިރީގެ ތެޔޮ ބޭނުންކުރެވެނީ ނޭވާލާ ނިޒާމުގެ ހާލަތްތަކަށް ފަރުވާ ދިނުމަށެވެ. މީގެ ތެރޭގައި ނޭވާހިއްލުން، ބްރޮންކައިޓިސް، އަދި އެލާޖީ ފަދަ ކަންކަން ހިމެނެއެވެ.
ހަމުގެ ސިއްޙަތު ރަނގަޅުކުރުން:
ކަޅުދިރީގައި ހުންނަ އެންޓި-އިންފްލެމެޓަރީ އަދި އެންޓިމައިކްރޯބިއަލް ސިފަތަކުގެ ސަބަބުން، އެކްޒީމާ، އަދި ސޮރައިސިސް ފަދަ ހަމުގެ ހާލަތްތައް ރަނގަޅުކުރުމަށް އެހީތެރިވެދެއެވެ.
ކަޅުދިރިން ލޭގެ ޕްރެޝަރާއި ކޮލެސްޓްރޯލްގެ މިންވަރު ދަށްކުރުމަށް އެހީތެރިވެދެއެވެ.
ލޭގައި ހުންނަ ހަކުރުގެ މިންވަރު ބެލެހެއްޓުން:
ބައެއް ދިރާސާތަކުން ދައްކާގޮތުގައި ކަޅުދިރިން ލޭގައި ހުންނަ ހަކުރުގެ މިންވަރު ރެގިއުލޭޓްކުރުމަށް އެހީތެރިވެދެއެވެ. މިކަމުގެ ސަބަބުން ހަކުރު ބަލީގެ މީހުންނަށް ފައިދާ ކުރެއެވެ.
ހިތުގެ ސިއްޙަތު ރަނގަޅުކުރުން:
ކަޅުދިރިން ލޭގެ ޕްރެޝަރާއި ކޮލެސްޓްރޯލްގެ މިންވަރު ދަށްކުރުމަށް އެހީތެރިވެދެއެވެ. މިކަމުގެ ސަބަބުން ޖުމުލަ ގޮތެއްގައި ހިތުގެ ސިއްޙަތު ރަނގަޅުވެއެވެ.
ބަރުދަން ލުއިކުރުން:
ކަޅުދިރީގެ ތެލަކީ ކާހިތްވުން މަދުކޮށްދީ، ހަށިގަނޑުގައި ހުންނަ ސަރުބީ ލުއިކުރުމަށް އެހީތެރިވެދޭ އެއްޗެއްކަން ވަނީ ފާހަގަކުރެވިފައެވެ. މިކަމުގެ ސަބަބުން ބަރުދަން ލުއިކުރުމަށް އެހީތެރިވެދެއެވެ.
ކަޅުދިރިން ލޭގައި ހުންނަ ހަކުރުގެ މިންވަރު ރެގިއުލޭޓްކުރުމަށް އެހީތެރިވެދެއެވެ
އިސްތަށިގަނޑުގެ ސިއްޙަތު ރަނގަޅުކުރުން:
ކަޅުދިރި ބޭނުންކުރުމުން އިސްތަށިގަނޑު އޮފްކަން ގަދަވެ، ދިގުވުމާއެކު ވަރުގަދަވުމަށް މަގުފަހިވެ، އިސްތަށި ފޭބުން ހުއްޓުވުމަށްވެސް އެހީތެރިވެދެއެވެ.
ކަޅުދިރިއަކީ ސިއްޙީގޮތުން ގިނަ ފައިދާތަކެއް ލިބިދޭ އެއްޗެއްކަން ޔަގީނެވެ. ނަމަވެސް، މިފަދަ ގުދުރަތީ ބާވަތެއް ބޭނުންކުރުމުގައި ވެސް ސަމާލު ވާން ޖެހޭ ކަންތައްތަކެއް ހުރެއެވެ. ހާއްސަކޮށް ސިއްޙީގޮތުން އެއްވެސް މައްސަލައެއް ހުރި ފަރާތްތަކުން ނުވަތަ އެހެން ބޭސްތައް ބޭނުންކުރާ ފަރާތްތަކުން ކަޅުދިރި ބޭނުންކުރުމުގެ ކުރިން ސިއްޙީ ދާއިރާގެ ފަންނީ މީހެއްގެ ލަފާ ހޯދުން މުހިންމެވެ.
އާންމު ގޮތެއްގައި ކަޅުދިރި ބޭނުންކުރާއިރު އާދައިގެ މިންވަރަކަށް ބޭނުންކުރުމަކީ މުހިންމު ކަމެކެވެ. އަދި ކަޅުދިރީގެ ފައިދާތަކާއެކު، ޞިއްޙަތަށް ފައިދާހުރި ކާނާ ކެއުމާއި، ގަވާއިދުން ކަސްރަތުކުރުން ފަދަ ދުޅަހެޔޮ އާދަތައް ދިރިއުޅުމުގައި ހިމެނުމަކީ ވެސް މުހިންމު ކަމެކެވެ.
ތަދުވާތަންތަނުގައި ކަޅުދިރި ތެލުގެ މަސާޖެއް ކުރެވިދާނެ
ކަޅުދިރިތެޔޮ ބޭނުންކޮށްގެން، ބުރަކަށި، އުނަގަނޑުގެ ރިހުންތަކަށް، ކަކުލުހުޅުގެ ތަދުތަކަށް، ނިދުމުގެ ކުރިން، ތަދުވާތަންތަނުގައި ކަޅުދިރި ތެލުގެ މަސާޖެއް ކުރެވިދާނެ އެވެ. ނުވަތަ ކަޅުދިރިން ލިބޭ ފައިދާ ލިބިގަތުމަށް ކޮންމެ ދުވަހަކު މާމުޔާއެކު ކަޅުދިރި އެއްކޮށްގެން ކާލެވިދާނެއެވެ.
- އެންޓިބެކްޓީރިއަލް ބައެއް ލިބިފައިވާތީ، ތިމާވެއްޓަށް ލިބޭ ގެއްލުންތަކުގެ ސަބަބުން ގައިގެ ހަންގަނޑަށް ލިބޭ ގެއްލުންތަކުން ރައްކާތެރިކުރުމަށްވެސް މާމުޔާއެކުގައި ކަޅުދިރި ބޭނުންކުރެވެއެވެ. ކަޅުދިރީގެ ތެލާއި މާމުޔާއެކު ކާށިތެޔޮ އެއްކޮށްގެން،، ގައިގަ އުނގުޅުމުން ހަންގަނޑު މަޑުކޮށް އޮމާންކޮށްދެއެވެ. އަދި ރީތިކޮށްދީ ދުޅަހެޔޮކަންމަތީ ހަންގަނޑު ދަމަހައްޓާދެއެވެ.
- ކޮންމެ އަށް ގަޑިއިރަކުން އަށްގަޑިއިރަކުން ކާ ބޭހެއްގެ ގޮތުގައި، މޭޒުމަތީ ސަމުސަލުގެ 1 ސައިސަމުސާ ކަޅުދިރި، 4 ހަފްތާ ވަންދެން، ކެއުމުން އެޕިލެޕްސީގެ އުނދަގޫ ޖެހޭ ކުދިންނަށް އެކަމަށް ލުޔެއް ލިއްބައިދޭނެ ކަމަށް ދިރާސާތަކުން ދައްކައެވެ. އަދި ހަމައެހެންމެ ހަމަމިގޮތަށް ކަޅުދިރި ބޭނުންކުރުމުން ކޮލެސްޓްރޯލް މަތިވުމަށް ވެސް ލުޔެއް ލިބިގެންދާނެކަމަށް އެދިރާސާއިން ދައްކައެވެ.
ކަޅުދިރިން ލިބިދޭ ބައެއް މުހިންމު ފައިދާތަކާއި އަދި އެފަދަ ކަންކަމަށް(ސިއްހީ މާހިރުންގެ ލަފައާ އެއްގޮތަށް) ކަޅުދިރި ބޭނުން ކުރާނެ ގޮތްތައް:-
ލޭމައްޗަށް ދިއުން ދަށްކޮށްދެއެވެ.
ފަންޑަމަންޓަލް އެންޑް ކްލިނިކަލް ފާމަކޯލޮޖީގައި ޝާއިއުކުރި ދިރާސާއަކުން ސާބިތުކޮށްދީފައިވަނީ 2 މަސް ދުވަހު ކަޅުދިރި ދުވާލަކު ބޭނުންކުރުމުން ހައިޕަރޓެންޝަން ހުންނަ ބަލިމީހުންގެ ލޭގެ ޕްރެޝަރު ދަށްކުރުމުގައި އެހީތެރިވެދެއެވެ.
އިތުރު ފައިދާއެއްގެ ގޮތުގައި ކަޅުދިރިން ލޯ ޑެންސިޓީ ލިޕޯޕްރޮޓީން (އެލްޑީއެލް ނުވަތަ "ނުބައި" ކޮލެސްޓްރޯލް) ގެ މިންވަރު ދަށްކޮށްދީ، ހިތުގެ ސިއްހަތު އިތުރުކުރުމަށް އެހީތެރިވެދެއެވެ.
ބޭނުންކުރާނެ ގޮތް:
ހައިޕަރޓެންޝަން ޖެހިއްޖެނަމަ ދުވާލަކު ދެފަހަރު މަތިން ، ނޫނީ އެކިފަހަރުމަތިން ވިޔަސް 100މިލިގްރާމަށްވުރެ ގިނަ، 200 މިލިގްރާމަށްވުރެ ދަށް، ކަޅުދިރި ކެއުން ނޫނީ ފުށަށްވާވަރަށް ހިމުންކޮށް ފެނުގައި ބުއިމަކަށް ބޭނުން ކުރެވިދާނެއެވެ.
ޓައިޕް 2ގެ ހަކުރުބަލި ކޮންޓްރޯލް ކުރެވެއެވެ.
ލޭގައި ހަކުރު ހުންނަ މިންވަރު އިތުރުވާން ފެށުމުން އެބައި، މަދުކުރުމާއި އިންސިއުލިން ރެސިސްޓެންސް ދަށްކުރުމުގެ އިތުރުން ގަވާއިދުން ކަޅުދިރި ކެއުމަކީ ޕެންކްރިއާސްގައި ބީޓާ ސެލްގެ މަސައްކަތް އިތުރުކޮށްދީ ހަކުރުބަލި ކޮންޓްރޯލް ކުރުމަށް އެހީތެރިވެދޭނެ ކަމެކެވެ.
ޓައިޕް 2ގެ ހަކުރުބަލީގެ ބަލިމީހުންނަށް ކަޅު ދިރިން ގްލައިސެމިކް ކޮންޓްރޯލް ކުރުމަށް ކުރާ އަސަރު ދިރާސާވެރިން ވަނީ ދިރާސާކޮށްފައެވެ.
ބޭނުން ކުރާނެ ގޮތް:
ކަޅު ސައިތަށްޓަކަށް 1⁄2 ސަމުސާ ކަޅު ދިރީގެ ތެޔޮ އަޅާށެވެ. ކޮންމެ ދުވަހަކު ހެނދުނު މި ބުއިން ބޭނުންކުރާށެވެ.
ކަޅުދިރިން ހަކުރުބަލި2ގެ މީހުންނަށް ފައިދާ ހުރި އެތައްކަމެއް ކުރެވޭ
3. ހަނދާން އިތުރުކޮށްދެއެވެ.
ކަޅުދިރި ބޭނުންކުރުމަކީ ހަނދާނާއި ސިކުނޑީގެ ދުޅަހެޔޮކަން އިތުރުކުރުމަށް އެހީތެރިވެދެއެވެ. އެގޮތަކީ ކަޅުދިރީގައި ހުންނަ އެންޓިއޮކްސިޑެންޓް، އެންޓި-އިންފްލެމެޓަރީ، އަދި ނިއުރޯން ރައްކާތެރިކޮށްދޭ ސިފަތަކުގެ ސަބަބުން ހަނދާން ރަނގަޅުކޮށްދީ ސިކުނޑީގެ ސިއްހަތަށް ކުރިއެރުމެއް ލިބިގެންދެއެވެ.
ޖާނަލް އޮފް އެތްނޯފާމަކޯލޮޖީގައި ބުނެފައިވެއެވެ. "2013 ވަނަ އަހަރުގެ ފުރަތަމަ ދިރާސާއިން ދައްކާ ގޮތުގައި ކޮންމެ ދުވަހަކު ކަޅުދިރި ބޭނުން ކުރާ މީހުންގެ ތޫނުފިލިކަން އިތުރުވެ، ހަނދާނުގައި ހަރުލާ މިންވަރު ގަދަފަދަވެދެއެވެ."
ކަޅުދިރި މާމުޔާއެކު ބޭނުންކުރުން ރަނގަޅު
ބޭނުން ކުރާނެ ގޮތް:
ދުވާލަކު ދެފަހަރު 1⁄2 ސައިސަމުސާ ގިރާފައިވާ ކަޅުދިރި ކެއުން ނުވަތަ ޑޮކްޓަރުގެ ލަފާ ހޯދުމަށްފަހު، ބުއިމަކަށް ސަޕްލިމެންޓެއް ހޯދާށެވެ.
4. ނޭވާހިއްލުމަށް ފަރުވާ ދިނުން
ފައިޓޯމެޑިސިންގައި ޝާއިއު ކޮޮށްފައިވެއެވެ. 2010 ވަނަ އަހަރު ކުރި ދިރާސާއަކުން ދައްކާ ގޮތުގައި ކަޅުދިރީގެ ތެލުން ނޭވާހިއްލުން، ނޭވާލާ ނިޒާމަށް ޖެހޭ މައްސަލަތައް، ނޭވާ ހާސްވުން، ނޫނީ އެސްތުމާއަށް ލުޔެއް ލިބިދެއެވެ.
ނޭވާގެ މައްސަލަތަކަށް، ކަޅުދިރއަކީ ވަރަށްވެސް ރަނގަޅު ފަރުވާއެކެވެ.
ކަޅުދިރީގެ ތެލުގައި ތައިމޮކުއިންއޯން ހިމެނޭތީ، ނޭވާހޮޅިއަށް ދިމާވާ މައްސަލަތަކާއި ނޭވާއަށް އުނދަގޫވުމާއި ނޭވާ ހިއްލުންފަދަ ނޭވާގެ މައްސަލަތަކަށް، ކަޅުދިރއަކީ ވަރަށްވެސް ރަނގަޅު ފަރުވާއެކެވެ.
އަދި މި ތެލަކީ މާގިނައިން މީޔުކަސް ސެކްރެޝަން ހުއްޓުވުމަށާއި ކަރުތެރެ ރިއްސުމާއި، ސީރިއަސް ސައިނަސައިޓިސް، އަދި ޓޮންސިލައިޓިސް އަށް ފަރުވާ ދިނުމުގައި ވެސް ފައިދާހުރި ތެލެކެވެ.
ބޭނުންކުރާނެ ގޮތް:
ހޫނު ފެން ތަށްޓަކަށް ކަޅުދިރީގެ ތެޔޮ ތިކިތަކެއް އަޅާށެވެ. ތުވާލިއަކުން ބޯ ނިވާކޮށްލުމަށްފަހު، ހޫނުކަޅުދިރިފެނުން 5 މިނެޓް ވަންދެން އާވިއަރުވާށެވެ. ބޭނުންވަރަކަށް ތަކުރާރު ކުރެވޭނެއެވެ.
ކަޅުދިރި ތެލުގެ ދެތިން ތިކި ރުމާލުގެ ކަނެއްތެންމާފައި ތަކުރާރުކޮށް އެ ވަސްގަންނާށެވެ.
ކަޅުދިރިން ނޭވާ ހިއްލުމަށް ވަރަށް ބޮޑު ލުޔެއް ލިއްބައިދޭ
5. ހަމުގެ ކުލަ ރީތިކޮށްދެއެވެ.
ކަޅުދިރީގެ ތެޔޮ ގަވާއިދުން ބޭނުންކުރުމަކީ ހަމުގެ ކުލަ ރަނގަޅު ކުރުމަށް އެހީތެރިވެދޭނެ ކަމެކެވެ. މިއީ އަނެއްކާވެސް އަވިން ލިބޭ ގެއްލުންތަކުން ހަންގަނޑު ރައްކާތެރިކޮށްދޭ ކަމެކެވެ.
މީގެ އިތުރުން އޭގައި ހިމެނޭ އެންޓިއޮކްސިޑެންޓް، އެންޓި-އިންފްލެމެޓަރީ، އަދި މޮއިސްޗަރައިޒިންގ ޕްރޮޕަޓީސްގެ ސަބަބުން ހަންގަނޑު ތާޒާކޮށް ހުރުމަށް އެހީތެރިވެދީ، ހަންގަނޑު ދުޅަހެޔޮކޮށްދީ އަލިކޮށްދެއެވެ.
ބޭނުން ކުރާނެ ގޮތް:
މި ތެޔޮ ސީދާ ހަންގަނޑުގައި މަސާޖު ކުރުމަށް ނުވަތަ ބުއިމުން ހަމުގެ ގުދުރަތީކުލައަލުން ސާފުކޮށް، އާދިރުމެއް އަލުން ހޯދައިގަނެވޭނެއެވެ.
ކަޅޫދިރި، އަވިންލިބޭ ގެއްލުންތަކުން ހަންގަނޑު ރައްކާތެރިކޮށްދޭ
އިސްތަށިގަނޑަށް ފަރުވާދެވެއެވެ.
ކަޅުދިރިތެޔޮ އުނގުޅުމަކީ އިސްތަށިގަނޑު ފޭބުމުން ދުރުކޮށްދީ، ގަދަފަދަވެ، އިސްތަށިތައް ގިނަވުމަށް ފަރުވާ ދިނުމުގައި އެހީތެރިވެދޭނެކަމެކެވެ.
ކަޅުދިރި ތެލުގައި ހުންނަ މޮއިސްޗަރައިޒިންބާވަތްތަކުގެ ސަބަބުން އިސްތަށިގަނޑަށް ލިބޭ ގެއްލުންތަކުން ރައްކާތެރިކޮށްދީ، އިސްތަށިގަނޑު ވަރުގަދަކޮށް ދިގުވުން އަވަސްކޮށްދީ، ދުޅަހެޔޮ އިސްތަށިގަނޑެއް ލިބިދެއެވެ. ކަޅުދިރިތެލަކީ އިސްތަށިގަނޑު ފޭބުން ހުއްޓުވާ، ގަދަކުރުމަށް އެހީތެރިވެދޭ ވަރުގަދަ އެންޓިއޮކްސިޑެންޓް އަދި އެންޓިމައިކްރޮބިއަލް ބާވަތްތަކުގެ ސަބަބުން އިސްތަށިގަނޑުގެ ފޮލިކަލްތައް ވަރުގަދަކޮށްދީ، އިސްތަށިގަނޑުގެ ދިހުންގަދަކޮށް ވަރުގަދަކޮށްދެއެވެ.
ކަޅުދިރިން އިސްތަށިގަނޑު ވަރުގަދަކޮށްދީ، ފޭބުން ހުއްޓުވާ
މީގެ އިތުރުން އޭގެ އެންޓިފަންގަލް ޕްރޮޕަޓީގެ ސަބަބުން އިސްތަށިގަނޑުގައާއި ބޮލުގެ ތަލައިގަ ގިނަވާ އިންފެކްޝަންތަކުން ރައްކާތެރިވެވޭނެ އެވެ.
ބޭނުން ކުރާނެ ގޮތް:
ކަޅު އޮށުގެ ތެލާއި ޒައިތޫނި ތެޔޮ އެއްވަރަކަށް އެއްކޮށްލުމަށްފަހު މިކްސްޗަރ ހޫނުކޮށްލާށެވެ. އަދި ތަލައިގައާއި އިސްތަށިގަނޑު ބައިބަޔަށް ބަހާފައި ވަކިވަކިން ބައިތަކުގައި ރަނގަޅަށް އުނގުޅުމަށްފަހު، މަސާޖުވެސް ކުރުމަށްފހު 30 މިނެޓް ވަންދެން ބަހައްޓާށެވެ. އިސްތަށިގަނޑަށް ރަނގަޅަށް ދޮވެލާށެވެ. ހަފްތާއަކު ދެފަހަރު މިކަން ކުރާށެވެ.
ފުރަމޭގެ ދުޅަހެޔޮކަން އިތުރުކޮށްދެއެވެ.
ކަޅުދިރީގެ ތެލުން ފުރަމޭގެ ސިއްހަތަށްވެސް ފައިދާކުރެއެވެ. ރަނގަޅަށް މަސައްކަތްކުރާ، ދުޅަހެޔޮ ގަދަފަދަ ފުރަމޭއަކީ ހަށިގަނޑުގައި ހުންނަ ވިހަ މާއްދާތައް ނައްތާލުމަށް އެހީތެރިވެދޭ އެއްޗެކެވެ.
ކަޅުދިރިތެލުން، ހަމުގެ ކުލަ ރީތިކޮށްދެއެވެ.
ބޭނުން ކުރާނެ ގޮތް:
ފުރަމޭގެ މަސައްކަތް ރަނގަޅުކޮށް، އޭގެ ގެއްލުން ހުއްޓުވުމަށްޓަކައި ކެެއުމުގައި ކަޅުދިރި ހިމަނާށެވެ. މޭޒު މަތީ ސަމުސަލުގެ ކުޑަ ސަމުސަލެއް ބޭނުން ކޮށްގެން މިން ކޮށްލެވިދާނެ އެވެ. ކާގަޑިތަކުގައި ދެ ސަމުސާ ކަޅުދިރި ހިމަނާލާށެވެ. ފުރަމޭގެ ބަލިތަކުން ދުރުކޮށްލަދީ ދުޅަހެޔޮ ކަންމަތީ ހުރުމަށް އެހީތެރިވެދޭނެއެވެ.
ކަޅުދިރީގެ ފައިދާ ގުނާ އަދަދު ކުރެވޭވަރަށް ވުރެ ހާހުން ހާހުން ގިނައެވެ. އެންމެ ކުޑަމިންވަރަކަށް ކޮންމެ ދުވަހަކު ކަޅުދިރި ސަމުސަލެއް ކާން އާދަކޮށްލާށެވެ. ޔަގީނުންވެސް އެތަކެއް ގިނަ ފައިދާތަކެއް ނޭނގި ނަމަވެސް ލިބިގެންދާނެއެވެ. އެންމެ ބޮޑަށް ޔަގީންކަން ދެވޭ ބޮޑު ސަބަބަކީ މިއީ އިސްލާމް ދީނުގައި އަހައްމިއްޔަތުކަން ދީފައިވާ ސުންނަތުން ސާބިތުވާ ބާވަތަކަށް ވާތީއެވެ. އޭގައި ޝިފާ ލެއްވިގެންވާ އެއްޗެއްގެ ގޮތުގައި މަގުބޫލުވެފައިވާ މާމުއެކޭ އެއްފަދަ ކަޅުދިރިއަކީ ޔަގީނުންވެސް ނިމުމެއްނެތް ފައިދާ ތަކެއް އެކުލެވޭ ބާވަތެކެވެ.
(ލިޔުމުގައި ހިމެނޭ މައުލޫމާތު ނަގާފައިވަނީ މާޔޯކްލިނިކްގެ ސްޕެޝަލިސްޓުންގެ ލިޔުންތަކުން، އަދި ހެލްތީލައިފްގެ ޑޮކްޓަރުންގެ ޕޭޖުން.)