ރިޕަބްލިކް އޮފް ހޮންޑިއުރަސްއާއި ރިޕަބްލިކް އޮފް ކޮސްޓަރިކާގެ
މިނިވަން ދުވަހުގެ މުނާސަބާގައި ފޮރިން މިނިސްޓަރު މޫސާ ޒަމީރު ތަހުނިޔާ ފޮނުއްވައިފިއެވެ.
ހޮންޑިއުރަސްގެ މިނިސްޓަރ އޮފް ފޮރިން އެފެއާޒް އެންޑް އިންޓަރނޭޝަނަލް ކޯޕަރޭޝަން އެޑުއާޑޯ އެންރީކޭ ރެއިނާއަށް ފޮނުއްވި މެސެޖުގައި މިނިސްޓަރު ޒަމީރު ވަނީ އެ ގައުމުގެ މިނިވަން ދުވަހުގެ މުނާސަބަތުގައި، ދިވެހި ސަރުކާރާއި، ދިވެހި ރައްޔިތުންނާއި، އެމަނިކުފާނުގެ އަމިއްލަ ނަންފުޅުގައި، ހޮންޑިއުރަސްގެ ސަރުކާރަށާއި ރައްޔިތުންނަށް ތަހުނިޔާ ފޮނުއްވާފައެވެ.
އެއަށްފަހު މިނިސްޓަރުގެ މެސެޖުގައި ވިދާޅުވީ ދެ ގައުމުގެ ދެމެދުގައި އޮތް ރަހުމަތްތެރި ގުޅުން އިތުރަށް ބަދަހިވެ، ދެ ގައުމުގެ ގުޅުން ކުރިއަށް އޮތްތަނުގައި ވެސް އިތުރަށް ބަދަހިވެގެންދާނެކަމަށް އުންމީދު ކުރައްވާ ކަމަށެވެ.
މީގެއިތުރުން މިނިސްޓަރު ވަނީ ހޮންޑިއުރަސްގެ ރައްޔިތުންނަށް އިތުރު ސުލްހަމަސަލަސްކަމާއި ފާގަތިކަމަށް އެދިވަޑައިގެންފައެވެ.
މިނިވަން ދުވަހުގެ ތަހުނިޔާ ވިދާޅުވެ، މިނިސްޓަރު ޒަމީރު، ކޮސްޓަރިކާގެ މިނިސްޓަރ އޮފް ފޮރިން އެފެއާޒް އެންޑް ޕްރިޖަސް، އާނޯލްޑޯ ރިކާޑޯ އަންދްރޭ ޓިނޯކޯއަށް ފޮނުއްވި މެސެޖުގައި ވަނީ ދިވެހި ސަރުކާރާއި، ދިވެހި ރައްޔިތުންނާއި، އެމަނިކުފާނުގެ އަމިއްލަ ނަންފުޅުގައި، ކޮސްޓަރިކާގެ ސަރުކާރަށާއި ރައްޔިތުންނަށް ތަހުނިޔާ ފޮނުއްވާފައެވެ.
އަޅުގަނޑަށް ޔަގީން، ދެ ގައުމުގެ ދެމެދުގައި އޮތް ގާތް ގުޅުމާއި، ދެ ގައުމުގެ މަސްލަހަތު ހިމެނޭ ކަންކަމުގައި އެއްބާރުލުން ދިނުން އިތުރަށް ބަދަހިވެގެންދާނެ.
މިނިސްޓަރު ވަނީ ކޮސްޓަރިކާގެ ރައްޔިތުންނަށް ދުޅަހެޔޮ ސިއްހަތާއި، ތަނަވަސްކަމަށް ވެސް އެދިވަޑައިގެންފައެވެ.