ކަމަނާ ފިލްމު ސެޕްޓެމްބަރ 20 އިން ފެށިގެން ހުޅުމާލޭ ޝްވެކްގައި އަޅުވަން ހަމަޖެހިއްޖެއެވެ.
މިއަދު ވަނީ ކަމަނާ ޝްވެކްގައި އެޅުވުމުގެ އެއްބަސްވުމުގައި ސޮއެ ވެސް ކޮށްފައެވެ. ގިނަ ބައެއްގެ އެދުމުގެ މަތިން ފިލްމް ބަލަން ބޭނުންވާ މީހުންނަށް އެ ފުރުސަތު ހޯދައިދިނުމަށްވެސް ދަނީ މަސައްކަތްތައް ކުރަމުންނެވެ.
ގިނަ ބައެއްގެ މަޤްބޫލްކަން ހޯދަމުން އަންނަ ފިލްމް “ކަމަނާ” ދައްކަން ފަށާފައިވާއިރު، “ކަމަނާ “ އަކީ އަނބެއްގެ ކެތްތެރިކަމާއި ރާއްޖޭގައި ގެވެށި އަނިޔާ ގޮސްފައި އޮތް ހިސާބު ދައްކުވައިދޭ ޙަޤީޤީ ހާދިސާއަކަށް އުފައްދާފައިވާ ފިލްމެކެވެ.
ކަމަނާ ވެގެން ދާނީ، ރާއްޖޭގެ އެންމެ ގިނަ ރަށްތަކެއްގައި އަޅުވާ ފިލްމަކަށެވެ. އަދި ރާއްޖޭގެ ތާރީޚުގައި އެންމެ ބޮޑު އާމްދަނީއެއް ހޯދާނެ ފިލްމަށްވެސް ވާނެއެވެ.