ރ. އަތޮޅު ތައުލީމީ މަރުކަޒުގެ ގްރޭޑް 11ގެ ދަރިވަރުން ސައިބަރ ކްރައިމްއިން ރައްކާތެރިކުރުވުމަށް މައުލޫމާތުދިނުމުގެ ސެޝަނެއް ކުރިއަށް ގެންގޮސްފިއެވެ.
ސެޕްޓެންބަރު 14 ވަނަ ދުވަހު މީދޫ ޕޮލިސް ސްޓޭޝަނުން ކުރިއަށް ގެންދިޔަ މި ސެޝަނުގައި، ސައިބަރ ކްރައިމްގެ ކުށްތަކާއި އެފަދަ ކުށްތަކަށް ދަރިވަރުން ހުށަހެޅޭ ގޮތާއި އެފަދަ ކަންކަމުން ރައްކާތެރިވެތިބުމަށް ކުރެވިދާނެ ކަންކަމާ ގުޅޭގޮތުން މައުލޫމާތުދީފައި ވެއެވެ.
އޭގެ އިތުރުން، ގައުމިއްޔަތުގެ މުހިންމުކަމާއި ޓްރެފިކް ކުށްތަކާ އަދި ގާނޫނުތަކާއި ގަވާއިދުތަކުގެ މުހިންމުކަމާއި އެކަންކަމަށް އަހުލުވެރިވެ ތިބުމަށް މައުލޫމާތު ހިއްސާކޮށްފައިވެއެވެ.
32 ދަރިވަރުންނާއެކު ކުރިއަށް ގެންދިޔަ މި ސެޝަނުގެ ތެރެއިން ޓީމް ބިލްޑިންގ ހަރަކާތްތަކެއް ވެސް ކުރިއަށް ގެންގޮސްފައިވެއެވެ.
އިންޓަނެޓް މެދުވެރިކޮށް ހިންގާ ކުށްތަކުން ދަރިވަރުން ރައްކާތެރިކުރުވުމަށް މައުލުމާތު ދިނުމުގެ ސިލްސިލާ ޕްރޮގްރާމްތައް ފުލުހުންދަނީ ހިންގަމުންނެވެ.